Axund Mustafa Talıbzadə

Vikipediya, azad ensiklopediya
Jump to navigation Jump to search
Axund Mustafa Talıbzadə
Axund Mustafa Axund Süleyman oğlu Talıbzadə
Doğum tarixi
Doğum yeri Borçalı, Sarvan (Marneuli)
Vəfat tarixi
Vəfat yeri Tbilisi
Uşaqları Abdulla Şaiq, Yusif Ziya Talıbzadə

Axund Mustafa Axund Süleyman oğlu Talıbzadə — Zaqafqaziya şeyxülislamının müavini olmuşdur

Həyatı[redaktə | əsas redaktə]

Dövrünün məşhur din və maarif xadimlərindən olan Mustafa Talıbzadə 1842-ci ildə Borçalı mahalının Sarvan kəndində anadan olmuşdur. Axund Mustafa ali dini təhsilini Təbrizdə məşhur olan Hacı Səfərəli mədrəsəsində bitirmiş, 1871-ci ildə dini elmlərin tam kursunu başa vurması barədə sənəd almışdır. Təbrizdən Tiflisə qayıtdıqdan iki il sonra 1873-cü il dekabrın 12-də Şiə Ruhani İdarəsində yüksək rütbəli din xadimlərinin qarşısında imta-han verərək axund rütbəsinə layiq görülmüşdür. 1874-cü il martın 1-də Tiflis-Kutaisi Şiə Quberniya məclisinə üzv seçilmiş, məktəb və dərsliklərin yaradılması işinə nəzarət etmişdir. 1881-ci ildə Qori seminariyasının müəllimi Əbdüssəlam Axundzadənin şəriət dərsliyi Ruhani idarəsində müzakirə edilib bəyənilməmiş, onun yenidən yazılması məşhurlaşmış Axund Mustafa Talıbzadəyə tapşırılmışdır. Bundan sonra Axund Mustafanın dini rütbələri tədricən yüksəlməyə başlamışdır. 1882-ci ildə ona Şiə Ruhani idarəsinin üzvü vəzifəsini icra etmək tapşırılmışdır. Bir az sonra isə Ruhani idarəsinin nəzdindəki “Əli məktəbində” müəllimliyə başlamışdır.

Axund Mustafa Zaqafqaziya Şeyxülislamının müavini və Qafqaz diyarının qazisi olmuşdur. 1900-cu il aprelin 22-də senator, gene-ral-adyutant knyaz Qolitsenin əmri ilə Axund Mustafa Talıbzadə Şiə Ruhani idarəsinin üzvü vəzifəsindən və başqa xidməti işlərindən azad olunmuşdur. Ömrünün axırında şəxsi münaqişələrlə qarşılaşaraq maddi çətinliklər içərisində 1903-cü ildə vəfat etmiş, Tiflis müsəlman qəbiristanlığında dəfn olunmuşdur.

Mənbə[redaktə | əsas redaktə]

Həmçinin bax[redaktə | əsas redaktə]