Ayaz Salayev

Vikipediya, açıq ensiklopediya
Jump to navigation Jump to search
Ayaz Salayev
Ayaz Ramiz oğlu Salayev
Ayaz Salayev.jpg
Doğum tarixi 1 avqust 1960 (1960-08-01) (59 yaş)
Doğum yeri Bakı, Azərbaycan SSR, SSRİ
Vətəndaşlığı Flag of the Soviet Union.svg SSRİ
Flag of Azerbaijan.svg Azərbaycan
Peşələri rejissor
ssenarist
kino məsləhətçisi
televiziya aparıcısı
kino redaktoru
Təhsili
IMDb ID 0757656
Commons-logo.svg Vikianbarda əlaqəli mediafayllar

Salayev Ayaz Ramiz oğlu (1 avqust 1960, Bakı, Azərbaycan SSR, SSRİ) — Azərbaycan kinorejissoru və kinoşünası[1], ssenaristi, televiziya aparıcısı və kino redaktoru, pedaqoq, "Azərbaycanfilm" kinostudiyasının baş redaktoru, Azərbaycanın əməkdar incəsənət xadimi (2000).

Həyatı[redaktə | əsas redaktə]

Ayaz Salayev 1960-cı ilin 1 avqustunda Bakıda anadan olub. 1977-1982-ci illərdə Moskvada Ümumittifaq Dövlət Kinematoqrafiya İnstitutunun Kinoşünaslıq fakültəsində təhsil alıb. 1983-1985-ci illərdə Azərbaycan Milli Elmlər Akademiyasında və "Azərbaycanfilm"də redaktor vəzifəsində çalışıb. 1986-1988-ci illərdə ÜDKİ-nin aspiranturasında oxumaqla bərabər, həmin təhsil ocağında "müasir film" fənnindən dərs deyib. 1995-ci ildə çəkdiyi "Yarasa" filmi Fransa, Almaniya, İspaniya, Yunanıstan, Belçika, İsveçrə, İsveç, Finlandiya, ABŞ, Kanada, Rusiya, Bosniya və Herseqovina, Misir, Türkiyə, Monqolustan və digər ölkələrdə keçirilən otuza yaxın müsabiqədə iştirak edib. Film Fransanın Anje şəhərində keçirilən beynəlxalq Avropa kinosu festivalında Qran-priyə və digər nüfuzlu mükafatlara layiq görülüb. Sovet dövründə AzTV-də yayımlanan məşhur "Retro" verilişinin aparıcısı olub.

Azərbaycan kino sənətinin inkişafındakı xidmətlərinə görə 18 dekabr 2000-ci ildə Azərbaycanın əməkdar incəsənət xadimi fəxri adına layiq görülüb[2].

Müxtəlif ali və orta təhsil ocaqlarında kino tarixindən dərs deyib. "İnternyus-Azərbaycan"da rejissor kimi fəaliyyət göstərdiyi müddətdə bir neçə sənədli film və sosial məzmunlu rolik çəkib.

Filmoqrafiya[redaktə | əsas redaktə]

  1. Qız qalası əfsanəsi (film, 1923) (bərpanın redaktor-eksperti)
  2. Retro (veriliş, 1979) — aparıcı.
  3. Ordubad (film, 1983)
  4. Evlənmək istəyirəm (film, 1983)
  5. Bir dəfə görmək... (film, 1984)
  6. Təkəlduz (film, 1985)
  7. Ata (film, 1988)
  8. Bir nəfər hamıya görə (film, 1989)
  9. Təxribat (film, 1990)
  10. Yarasa (film, 1995) — kinorejissor.
  11. Anlam (veriliş, 1998) — aparıcı.
  12. Vahimə (film, 1998)
  13. Koma 0,1 saniyədə (film, 2007)[3]
  14. "Ağ-qara" gecələr (film, 2013)
  15. Sübhdən başlanan həyat (film, 2015)
  16. Qarabağın həsrət salnaməsi (film, 2016)
  17. Qarabağın həsrət salnaməsi (film, 2017)

Mənbə[redaktə | əsas redaktə]

  • Xamis Muradov. Kinofabrikdən başlanan yol. Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 6.
  • Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 816.

İstinadlar[redaktə | əsas redaktə]

  1. Qaraqızı U. "İndiki nəsil bizim nəsillə müqayisədə qat-qat sağlam fikirlidir": Ayaz Salayev: "Azərbaycan kinosunun dünya səviyyəsinə çıxması üçün hərtərəfli şərait var" // Ekspress. 2008, 16-18 avqus, s.19.
  2. Azərbaycan Respublikasının kino xadimlərinə fəxri adların verilməsi haqqında AZƏRBAYCAN RESPUBLİKASI PREZİDENTİNİN FƏRMANI
  3. Son illərdə ölkədə çəkilən bədii filmlər hardadır?

Xarici keçidlər[redaktə | əsas redaktə]

Vikianbarda Ayaz Salayev ilə əlaqəli mediafayllar var.