Azər Qasımlı (siyasətçi)

Vikipediya, azad ensiklopediya
Jump to navigation Jump to search
Azər Qasımlı
Azer Gasimli in 2021 (cropped).jpg
Doğum tarixi 31 mart 1975(1975-03-31) (47 yaş)
Doğum yeri
Milliyyəti azərbaycanlı
İxtisası siyasətçi
Təhsili Azərbaycan Respublikasının Prezidenti yanında Dövlət İdarəçilik Akademiyası - Bakalavr,
Mərmərə Universiteti - Magistr,
Moskva Dövlət Universiteti - Siyasət üzrə fəlsəfə doktoru
Saytı azergasimli.com

Azər Qasımlı (31 mart 1975, Bakı) — siyasətçi.[1]

Həyatı[redaktə | mənbəni redaktə et]

Azər Qasımlı 31 mart 1975-ci ildə Bakıda[2], geologiya sahəsində tanınmış alim Ağaqasım Qasımovun ailəsində anadan olub. Ağaqasım Qasımov 1966-cı ildə Moskvada A.A.Skoçinski adına Dağ-mədən İnstitutunda namizədlik işini müdafiə edib və Bakıya qayıdaraq ömrünün sonuna qədər Azərbaycan Neft Akademiyasında dərs deyib. Anası Şəfiqə Nəsrullayeva isə 1965-ci ildə Xarici Dillər Universitetini bitirib. Onlar qədim İçəri Şəhərdə tanış olublar. Azər Qasımlının uşaqlığı da Müslüm Maqomayev 83-də keçib.

Azər Qasımlı ilk ali təhsilini 1998-ci ildə Bakı Sosial İdarəetmə və Politologiya İnstitutunda (indiki Azərbaycan Respublikası Prezidenti yanında Dövlət İdarəçiliyi Akademiyasında) fərqlənmə diplomu ilə başa vurub. Burada o, politologiya üzrə bakalavr dərəcəsini alır. Eyni ildə, həmçinin Azərbaycan Dövlət Mədəniyyət və İncəsənət İnstitutunun Bədii Sənaye Fakültəsini bitirir. İnstitutda oxuduğu zaman Azər Qasımlı paralel olaraq ABŞ-ın Freedom House təşkilatının həyata keçirdiyi "Azərbaycanda siyasi ideologiyalar" layihəsində çalışmışdır. 1996-cı ildə "Azərbaycanda liberalizm və millətçilik" mövzusunda çıxan broşurların müəllifi olmuşdur.

1997-ci ildə Soros Fondunun Ukraynada təşkil etdiyi gənc sosioloq və politoloqların konfransında iştirak edir və konfransın kitabında məqaləsi dərc olunur.

1998-ci ildə isə Azər Qasımlının müəlliflik etdiyi seçki texnologiyaları ilə bağlı broşurlar çap olunur. 1998-ci ildə IDEE-nin Varşavada təşkil etdiyi konfrasda iştirak edən Azər Qasımlının Polşanın "Wyborcza" qəzetində böyük müsahibəsi dərc olunur. Azər Qasımlı 1998-ci ildə təhsilini davam etdirmək üçün Türkiyəyə yola düşür. Əvvəlcə İzmir şəhərində Ege Universitetinin türk dili və ədəbiyyatı fakültəsinin bir illik proqramını oxuyur.

Daha sonra İstanbula gedərək 2001-ci ildə Mərmərə Universitetində Beynəlxalq münasibətlər fakültəsində Əhməd Davudoğlundan dərs alır. Burada o, "Vətəndaşlığın və siyasi sığınacağın hüquqi və siyasi əsasları" mövzusunda dissertasiyanı müdafiə edərək magistr dərəcəsinə yiyələnir.

2009-cu ildə isə M.V.Lomonosov adına Moskva Dövlət Universitetində "Azərbaycanda siyasi rejimlərin formalaşması" mövzusunda dissertasiya işini müdafiə edərək siyasət üzrə fəlsəfə doktoru olur.

2008–2009-cu illərdə Azər Qasımlının Rusiyanın "Policy" jurnalında silsilə məqalələri dərc edilir.

2005–2010-cu illərdə Azər Qasımlı Almaniya, Estoniya və Rusiyada biznes layihələr həyata keçirir. Ancaq Azərbaycana qayıtmaq qərarında israrlı olan Azər Qasımlı yenidən ölkəyə qayıdaraq əvvəllər maraq göstərdiyi siyasətə qatılır.

2011–2019-cu illər arası Azər Qasımlı Respublikaçı Alternativ Hərəkatı İdarə Heyətinin üzvü, Partiya Təşkilat Komitəsinin koordinatoru, Respublikaçı Alternativ Partiyasının Məclis Başqanı olub.

6 noyabr 2019-cu il tarixində Respublikaçı Alternativ Partiyasının sədri İlqar Məmmədovun partiya strukturu və idarə etməsində yürütdüyü dəyişikliklərə etiraz edərək partiya sıralarından istefa vermişdir.[3]

Hal-hazırda müstəqil siyasi fəaliyyət göstərir.

Ailəsi[redaktə | mənbəni redaktə et]

Evlidir, iki qızı, bir oğlu var.

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]