Azərbaycan Dövlət Xalq Çalğı Alətləri Orkestri

Vikipediya, açıq ensiklopediya
Jump to navigation Jump to search
Azərbaycan Dövlət Xalq Çalğı Alətləri Orkestri
Mugam 010.jpg
Orkestrin "Muğam Dünyası" Beynəlxalq musiqi festivalı" çərçivəsində çıxışı. Bakı, 25 mart 2009-cu il.
Sənətçi məlumatları

Üslub Xalq musiqisi
Fəaliyyət illəri 1931-ci ildən günümüzədək

Səid Rüstəmov adına Azərbaycan Dövlət Xalq Çalğı Alətləri Orkestri — birinci notlu Azərbaycan xalq çalğı alətləri orkestri.[1] 1931-ci ildə bəstəkar Üzeyir Hacıbəyovun təşəbbüsü ilə simfonik orkestr prinsipi ilə yaradılıb.[2] Orkestrin baş dirijoru Üzeyir Hacıbəyov, dirijor köməkçisi və konsertmeysteri isə Səid Rüstəmov idi.

Tarixi[redaktə | əsas redaktə]

Birinci notlu Azərbaycan xalq çalğı alətləri orkestri. 1932-ci il.[3]

Orkestr 1 may 1931-ci ildə Azərbaycan bəstəkarlıq məktəbinin banisi, bəstəkar Üzeyir Hacıbəyovun təşəbbüsü ilə təşkil edilmişdir. Şərqdə simfonik orkestr prinsipi ilə yaradılmış ilk xalq çalğı alətləri orkestri olan bu kollektiv Azərbaycan milli musiqi mədəniyyətinin inkişafında əhəmiyyətli rol oynamışdır. Orkestrin ilk tərkibi tar, kamança, balaban, dəfnağaradan ibarət olmuş, sonralar orkestrə tütək, zurna, qoşanağara, klarnet, qanun, fortepiano və s. alətlər daxil edilmişdir.[2]

Azərbaycan Dövlət Xalq Çalğı Alətləri Orkestri 2000-ci ildə F.Əmirov adına Əməkdar kollektiv Azərbaycan Dövlət Mahnı və Rəqs Ansamblı nəzdində yaradılmışdır. Yarandığı gündən orkestr bir çox dövlət əhəmiyyətli tədbirlərdə çıxışlar etmiş, beynəlxalq festivallarda uğurlar qazanmışdır. Belə ki, 2004, 20052010-cu illərdə İranda keçirilən ənənəvi "Fəcr" Beynəlxalq musiqi festivallarında "Qızıl Çəng" mükafatına layiq görülmüşdür. Belarusiya, Moldova, Tacikistan, Ukraynada keçirilən mədəniyyət günlərində tamaşaçıların böyük rəğbətini qazanmışdır. Bir çox ölkələrdə qastrol səfərlərində olmuşdur.[2]

Orkestrin dirijoru[redaktə | əsas redaktə]

Orkestrin bədii rəhbəri və baş dirijoru Azərbaycan Respublikasının Xalq artisti, professor Ağaverdi Paşayevdir.

Həmçinin bax[redaktə | əsas redaktə]

İstinadlar[redaktə | əsas redaktə]

  1. "Üzeyir ömrü". Medeniyyet.az. http://medeniyyet.az/page/news/18871/Uzeyir-omru.html?lang=az.
  2. 2,0 2,1 2,2 "Azərbaycan Dövlət Xalq Çalğı Alətləri Orkestri". Azculture.az. http://www.azculture.az/az-rbaycan-dovl-t-xalq-calgi-al-tl-ri-orkestri/.
  3. Elmira Abbasova. Üzeyir Hacıbəyov / L. V. Karaqiçevanın redaktəsi altında. — Bakı: Azərbaycan dövlət nəşriyyatı, 1975. — Səhifələrin sayı:  142. — Səh.: 48-49.