Azad Məmmədov (aktyor)

Vikipediya, azad ensiklopediya
Jump to navigation Jump to search
Azad Məmmədov
Azad mammadov.jpg
Doğum adı Məmmədov Azad Əşrəf oğlu
Doğum tarixi 12 dekabr 1964(1964-12-12) (55 yaş)
Doğum yeri Şuşa, Azərbaycan SSR, SSRİ
Milliyyəti azərbaycanlı
Vətəndaşlığı SSRİ SSRİ
Azərbaycan Azərbaycan
Peşəsi aktyor
Təhsili Şuşa Musiqi Texnikumu
Azərbaycan Dövlət Mədəniyyət və İncəsənət Universiteti
Fəaliyyət illəri 1990–indiyə kimi
Teatr Şuşa Dövlət Musiqili Dram Teatrı
Mükafatları "Azərbaycan Respublikasının əməkdar artisti" fəxri adı — 2013

Məmmədov Azad Əşrəf oğlu (12 dekabr 1964(1964-12-12), Şuşa) — Şuşa Dövlət Musiqili Dram Teatrının aktyoru, Azərbaycan Respublikasının əməkdar artisti (2013).[1]

Həyatı[redaktə | əsas redaktə]

Azad Məmmədov 12 dekabr 1964-cü ildə Şuşada anadan olmuşdur. 1980–1984-cü illərdə Mir Möhsün Nəvvab adına Şuşa Musiqi Texnikumunun kamança sinfində təhsil almış, sonradan burada müəllim kimi fəaliyyət göstərmişdir. 1988–1993-cü illərdə Azərbaycan Dövlət Mədəniyyət və İncəsənət Universitetinin özfəaliyyət teatr kollektivinin rəhbəri fakültəsində qiyabi təhsil alıb.[2]

1990-cı ildən Şuşa Dövlət Musiqili Dram Teatrında aktyor, 1994-cü ildən isə, həm də direktor müavini kimi fəaliyyət göstərir.[2]

"Nəğmədir, gülüşdür hər dərdə məlhəm" adlı konsert-tamaşada həm aktyor, həm də musiqiçi kimi çıxış edib. Teatrda hazırlanan bir neçə tamaşanın musiqi tərtibatçısı olub: C.Cabbarlı "Aydın", S.S.Axundov "Tamahkar", Ə.Haqverdiyev "Dağılan tifaq", C.Məmmədquluzadə "Kamança", H.Mirələmov "Güllələnmiş heykəllərin fəryadı", İ.Əfəndiyev "Sən həmişə mənimləsən", N.Qənbər "Meymunun dəfni".[3][4]

1994-cü ildə keçirilən "Him-cim" pantomim festivalında R.Şahsuvarovun "Üç nöqtə, vergül, nida, sual" pantomim tamaşasındakı Bala ördək (mim), 1999-cu ildə keçirilən "Milli klassika" festivalında M.F.Axundovun "Hekayəti Müsyö Jordan Həkimi-Nəbatat və Dərviş Məstəli Şah Cadükuni Məşhur" tamaşasındakı Hatəmxan ağa, 2005-ci ildə keçirilən "Boş məkanın dolğunluğu" teatr festivalında Kişi ("Musiqili məktublar", F.Mustafa) və Nikita İvanıç ("Qu quşunun nəğməsi", A.P.Çexov) rollarını oynayıb.[5]

Mükafatları[redaktə | əsas redaktə]

İfa etdiyi əsas rollar[redaktə | əsas redaktə]

Tamaşa Müəllif Rol
Arşın mal alan Üzeyir Hacıbəyov Vəli
Özümüz bilərik Süleyman ƏləsgərovŞıxəli Qurbanov Miriş
Durna Səid RüstəmovSüleyman Rüstəm Hilal
Ayının min bir oyunu Sultan Məcid Qənizadə Rüstəm bəy və Ağacəfər Qalibani
Marqaritka Arman Salakru Qoca
Gözəlləri necə qaçırırlar Bilal Appayev Hopay
Xəlifə Leylək Vilhelm Hauff Nağılçı və müdrik Səlim
Aydın Cəfər Cabbarlı Surxay və Mirzə Cavad
Ağıllı adam Firuz Mustafa Jurnalist
Sehirli kreslo Frideş Karinti Dahi
Bayramın birinci günü Nazim Hikmət Rüstəm
Millət dostları Əbdürrəhim bəy Haqverdiyev Səfər bəy
Dağılan tifaq Əbdürrəhim bəy Haqverdiyev Dəllək Haqverdi
Kamança Cəlil Məmmədquluzadə Kamançaçı Baxşı
Sərgüzəşti-vəziri-xani-Lənkəran Mirzə Fətəli Axundov Hacı Salah
Nənəmin şahlıq quşu Əliağa KürçaylıVasif Adıgözəlov Qulu
Sən həmişə mənimləsən İlyas Əfəndiyev Fərəc
Şuşa dağlarını duman bürüyüb Elçin Əfəndiyev Doppa Dadaş

Filmoqrafiya[redaktə | əsas redaktə]

  1. Yol yoldaşları (film, 2003)
  2. Böyük türk (film, 2007)
  3. Sonuncu dərviş (film, 2009)
  4. 3 bacı (film, 2012-2014)
  5. Döngələr (teleserial, 2012)
  6. Dalan (film, 2012)
  7. 2 ömür (film, 2016-2017)

İstinadlar[redaktə | əsas redaktə]

  1. 1 2 "Azərbaycan Respublikasının teatr xadimlərinə fəxri adların verilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". e-qanun.az (azərb.). 2013. İstifadə tarixi: 2020-02-21.
  2. 1 2 İlham Rəhimli. Azərbaycan Teatr Ensiklopediyası (azərb.). 1. Bakı: "Azərnəşr". səh. 71.
  3. "ŞUŞA TEATRI..." (PDF). azteatr.musigi-dunya.az (azərb.). İstifadə tarixi: 2020-02-21.
  4. İlham Rəhimli. Azərbaycan Teatr Ensiklopediyası (azərb.). 1. Bakı: "Azərnəşr". səh. 72.
  5. "Şuşa Dövlət Musiqili Dram Teatrı". azteatr.musigi-dunya.az (azərb.). İstifadə tarixi: 2020-02-21.
  6. "«QIZIL DƏRVİŞ» mükafatı". teatrittifaqi.az (azərb.). İstifadə tarixi: 2020-02-21.