Azad Sadıqov

Vikipediya, açıq ensiklopediya
Jump to navigation Jump to search
Azad Sadıqov.jpg

Azad Sadıqov — Qarabağ - Xocalı şəhidi

Həyatı[redaktə | əsas redaktə]

Azad Sadıqov 1968-ci il noyabrın 10-da Yevlax şəhərində Aviasiya veteranı, Ümumittifaq dərəcəli ixtiracı və səmərələşdirici mühəndis, Yevlax Aviasiya Texniki bazasına rəhbərlik etmiş Əli Məmmədvəli oğlu Sadıqovun ailəsində dünyaya göz açmışdır. Azad 1975-ci ildə Yevlax şəhər Nəriman Nərimanov adına 15 saylı dəmiryol məktəbinin birinci sinfinə getmişdir.

1983-cü ildə Cəmşid Naxçıvanski adına hərbi litseyə daxil olmuşdur. Burda təhsil aldığı illərdə həmin dövr Azərbaycanda yeni sayılan karate idman növü ilə məşğul olmağa başlamışdır. 1986-ci ildə Cəmşid Naxçıvanski adına hərbi litseyi bitirərək Celyabinsk Politexnik İnstitunun ( Южно-Уральский государственный университет ) Əlvan Metallar fakültəsinə daxil olmuşdur. Azad Sadıqov burada təhsil aldığı müddətdə milli ayrı seçkiliklə qarşılaşmış və təhsilini yarımçıq qoyaraq 1987-1989-cu illərdə Celyabinsk şəhərində hərbi xidmətədə olmuşdur.

1989-cu ilin iyununda Azərbaycana qayıdır. Yevlax Birləşmiş Aviasiya müəssisəsində mühafizə xidmətində mühafizəçi kimi işə düzəlir.Elə həmin il Bakı şəhərində Azərbaycan Hava Yolları Konserninin Təlim-Tədris Mərkəzinin Hava Hərəkətinin İdarə olunması ixtisası üzrə dispeçerlik təhsili almışdır və Yevlax Aviasiya müəssisəsində ixtisası üzrə işlə təmin olmuşdur.

Şəhidlik zirvəsi[redaktə | əsas redaktə]

Həmin vaxtlar Xocalı Aeroportu Yevlax Birləşmiş Aviasiya müəssisəsinə tabe idi, Müharibəyə Xocalı Aeropurtunda yaranmış çətin vəziyyətə nəzarət etmək üçün Yevlax Aeroportunun əsas idarəedici heyəti bir qrup işçini Xocalı Aeroportuna ezam etmək qərarı alınır. Erməni qəsbkarları Vətənimizə hücum çəkəndə, bu müqəddəs torpağa göz dikəndə hər bir qeyrətli Vətən oğlu kimi Azad da düşmənlə üzləşməkdən çəkinmədi. Bir qrup gənc Aviasiya işçisi ilə birgə Xocalı aeroportuna yollanaraq orada Vətən səmalarının keşiyində dayanmağı özlərinə borc bildilər.

29 oktyabr tarixi qardaş Türkiyə Respublikasının yaranması günü kimi qeyd olunur və bizim ölkədə də bu tarix xüsusi ehtiramla anılır , mətbuatda işıqlandırılır, dostluq tellərimizin möhkəm və sağlam olması vurğulanır. Şəxsən məni 29 Oktyabrla bağlayan bir hadisə var: 24 il bundan əvvəl -- 29 oktyabr 1991-ci ildə 23 yaşlı gənc, yaraşıqlı, həyat dolu qardaşım AZAD SADIQOV 6 nəfər iş yoldaşı ilə birlikdə Xocalı aeroportunda xidməti vəzifələrini yerinə yetirib AN-2 təyyarəsində geriyə - Yevlax aeroportuna qayıdarkən əliqurumuş , miskin ermənilərin atdığı ALAZAN raketinin hədəfinə çevrildi.

1991-ci ildə erməni özbaşnalığına qarşı mübarizə aparanlar içərisində Yevlax Birləşmiş Aviasiya Müəssisəsinin əməkdaşları da var idi. 5-6 nəfərlik heyət Xocalı aeroportunu işlədir, ermənilərdən ibarət işçi qrupunun idarəetmə pultuna yaxınlaşmasına icazə vermir, erməni təyyarələrinin aeroporta enməsinin və qalxmasının qarşısını alırdı. Gün işığında bizimkiləri hədələyərək:"Sağ-salamatkən çıxın gedin burdan"- deyən ermənilər gecələr xüsusilə fəallaşır, onların qaldıqları taxta vaqonu gülləbaran edirdilər. Bizim bundan xəbərimiz yox idi. Sonradan eşitdik ki, azərbaycanlı işçilər səhərədək vaqonun döşəməsinə üzuqoylu vəziyyətdə uzanırlarmış. Həmin vaxt isə ermənilərin atdıqları güllələr vaqonun taxta divarını deşərək işıq saca-saca o biri divarından çıxır, odlu güllələr başlarının üstündən o tərəf-bu tərəfə keçirmiş. Həftə sonu An-2 təyyarəsi gəlib Xocalıdakı işçiləri evə aparırmış. Yol boyu təyyarə atəşə tutulurmuş. Və 29 oktyabr 1991-ci il tarixində atılan Alazan tipli raket hədəfə dəyir, təyyarə ilə əlaqə kəsilir və içindəki 7 nəfər şəhid olur.

Şəhidlərdən 2-si təyyarəçi, 5nəfər isə Xocalı aeroportunda çalışan heyət olub. Təyyarəçilərə ölümündən sonra Milli Qəhrəman fəxri adı verildi. Şəhidlərin adını çəkirəm:

1.Əsəd Əsədov (milli qəhrəman) təyyarə komandiri.
2.Hikmət Muradov II pilot, Milli Qəhrəman
3.Baxşıyev Əhmədağa- rabitə xidməti üzrə mühəndis
4.Misirov Yunis- işıq sistemləri üzrə mühəndis
5.Rəcəbov Hamlet- Xocalı aeroportunun komendantı
6.--------- Ceyhun- daşınma xidmətinin əməkdaşı.
7.Azad Sadıqov Əli oğlu -- hava hərəkətinin idarəedilməsi üzrə dispetcer.

Aradan illər kecib, bəzi soyadları unutmuşam, bu şəhidlərdən 4-ü Bakıda Şəhidlər Xiyabanında dəfn olunub: Əsəd, Hikmət, Ceyhun və Azad

Bunları yazmaqda məqsədim nədir? Əzizlərini itirmiş insanlar kövrək olurlar, bir himə bənddilər ki, ağlasınlar. 24 il keçib. Böyüyən, ali təhsil alan övladlarıma, şagirdlərimə baxıram könlüm-gözüm açılır, toylarını görürəm, fərəhlənirəm. Amma o itkinin açısı, həm də qisası alınmamış itkilər qəlbimi göynədir.

Hər il onların şəhid kimi doğulduqları gün qulağım radio-televizorda olur. Onların xatirəsinin 1-2 cümlə ilə də olsa, anılmasını istəyirəm. Heç nə deyilmir. Azərbaycan-erməni münaqişəsinin xronikası səsləndirilir: avtobus, metro, vertolyot və s. erməni vandalizminin törətdiyi faciələr sadalanır, Türk dünyasının bayramı günü - 29 oktyabr 1991-ci il AN-2 təyyarəsinin vurulması, 7 azəri türkünün şəhid düşməsi, diri-diri yanıb külə dönməsi xatırladılmır.

Xatirəsi[redaktə | əsas redaktə]

  1. Azad Sadıqov Şəhidlər Xiyabanında dəfn olunmuşdur.
  2. Şəhidin ailəsini yaşadığı küçə onun şərəfinə Azad Sadıqov küçəsi adlandırılmışdır.
  3. Vaxtı ilə uşaq və yeniyetmələrlə karate dərsləri keçdiyi klub binası şəhidin adını daşıyır.

Ailəsi[redaktə | əsas redaktə]

Atası- Əli Məmmədəli oğlu Sadıqov. Aviasiya veteranı, Ümumittifaq dərəcəli ixtiracı və səmərələşdirici mühəndis, Yevlax Aviasiya Texniki bazasına rəhbərlik etmişdir. Xalq Təsərrüfatı Nailliyyətləri Sərgisinin burunc və gümüs mukafatlarina layiq görülmüş, "Xalqlar Dostluğu" ordeni və SSRİ-nin "Aviasiya Əlaçısı" fəxri adina və bir çox başqa medal və fəxri adlara layiq gorulub. Çoxuşaqlı ailənin başçısı, gözəl insan, fədakar ata.

Qardaşı- Aydın Əli oğlu Sadıqov. Qarabağ müharibəsi zamanı fərqlənmişdir. Müharibə veteranıdır. Hal-hazırda Beynəlxalq səviyyəli təyyarəçi-pilotdur, Azərbaycan Hava Yolları Dövlət Şirkətində təyyarə komandiridir.

Bacısı- Aidə Hüseynova. Tərtib olunan bu mətnin müəllifidir.

Mənbə[redaktə | əsas redaktə]

  1. Ramiz Xasıoğlu "Şəhidlər". Bakı, Səda nəşriyyatı, 1993-cü il
  2. "Azərbaycan gəncləri" qəzeti "Gözlərimiz göydə qalib" 1991-ci il noyabr
  3. Fəridə Ləman "Təyyarələr də şəhid olur" 1991-ci il dekabr
  4. "Təşəbbüs" qəzetində 1991-1993-cü illərdə bir çox məqalələr

Həmçinin bax[redaktə | əsas redaktə]