Bəybala Abbasov

Vikipediya, açıq ensiklopediya
Jump to navigation Jump to search
Bəybala Abbasov
Bəybala Xudkar oğlu Abbasov
Bəybala Abbasov.jpg
Doğum tarixi 17 noyabr 1923(1923-11-17)
Doğum yeri Siyəzən
Vəfat tarixi 16 fevral 2012 (88 yaşında)
Vəfat yeri Bakı
Elm sahəsi tibb
Elmi dərəcəsi tibb elmləri doktoru
Elmi adı professor
Elmi rəhbəri A.N.Maksimenkov
Mükafatları "Şöhrət" ordeni (Azərbaycan) Əməkdar Elm Xadimi
Əməkdar Həkim

Abbasov Bəybala Xudkar oğluAzərbaycan Respublikasının əməkdar həkimi, əməkdar elm xadimi, tibb elmləri doktoru, professor.

Həyatı[redaktə | əsas redaktə]

Bəybala Abbasov 1923-cü il 17 noyabrda Siyəzən rayonunun Zərgərli kəndində anadan olmuşdur. Dağlıdır. 1949-cu ildə Azərbaycan Tibb Universitetinin müalicə-profilaktika fakültəsini bitirib, həmən ildə ümumi cərrahiyyə üzrə 6 aylıq kurs bitirdikdən sonra, 1950-ci ildə Azərbaycan Tibb Universitetinin topoqrafik anatomiya və operativ cərrahiyyə kafedrasına 3 illik ordinator vəzifəsinə seçilib.

1953-cü ildə N.A.Semaşko adına xəstəxananın nəzdində olan operativ cərrahiyyə klinik şöbəsində müdir, 1958-ci ildən 1963–cü ilədək cərrahi şöbələr üzrə baş həkimin müavini vəzifəsində çalışmışdır. 1957-ci ildən uzun müddət Səhiyyə nazirliyinin müalicə komissiyasının 4-cü şöbəsinin konsultantı olub, mürrəkkəb cərrahi əməliyyatlar aparmışdır. 1960-cı ildə "Boyun nahiyyəsində ümumi yuxu arteriyası və onun şaxələrinin xarici quruluşca müxtəlifliyi və xarici yuxu arteriyanın yerini dəyişməklə onların defektlərinin əvəz edilməsi mümkünlüyü" mövzusunda namizədlik dissertasiyası müdafiə etmişdir. 1961-ci ildən 1963-cü ilədək ATU-nun topoqrafik anatomiya və operativ cərrahiyyə kafedrasının dosenti seçilmişdir. 1963-1968-ci illərdə Leninqrad şəhərində Hərbi tibb Akademiyanın topoqrafik anatomiya və operativ cərrahiyyə kafedrasında "Qarın aortasının rezeksiyası və plastikası" adlı doktorluq dissertasiyası müdafiə edib və Bakıya qayıdıb. 1968-ci ildə ATU-nun topoqrafik anatomiya və operativ cərrahiyyə kafedrasının dosenti vəzifəsində çalışmışdır. 1969-cu ildə həmin kafedranın professoru seçilib. 1969-cu ildə ATU-da ilk dəfə ürək-damar cərrahiyyəsi və reanimasiya kursu təşkil edib və onun müdiri vəzifəsində işləmişdir. 1969-cu ildə ATU-nun müalicə-profilaktika fakültəsinin dekan müavini və sonralar dekanı vəzifəsində çalışmışdır. 1971-ci ildə ATU-nun ümumi cərrahiyyə kafedrasının professoru, 1973-1989-cu illərədək həmən kafedranın müdiri olmuşdur. 1960–cı ildən 1990-cı ilədək doğum xəstəxanalarının, dəmir yolu xəstəxanasının, hərbi hospitalın məsləhətçisi olmuşdur. Azərbaycan ensiklopediyasının elmi məsləhətçisi olmuşdur. 1989-cu ildən indiyədək ümumi cərrahiyyə kafedranın profesoru vəzifəsində çalışır.

ATU-nun problem ekspert komissiyasının, səmərələşdiricilər bürosunun, Azərbaycan Respublikası Səhiyyə Nazirliyinin cərrahiyyə və travmatologiya üzrə attestasiya komissiyasının üzvü, "Cərrahiyyə" və "Kimya, biologiya, tibb" jurnallarının redaksiya heyətlərinin üzvüdür.

"Şöhrət" ordeni, Səhiyyə əlaçısı nişanı, Səhiyyə Nazirliyinin 6 Fəxri fərmanı ilə, 3 medalla təltif olunmuşdur.

Azərbaycan Respublikasının əməkdar həkimi, əməkdar elm xadimi, tibb elmləri doktoru, professor, prezident təqaüdçüsü Bəybala Abbasov 2012-ci il 16 fevral tarixində Bakı şəhərində vəfat etmişdir.

Elmi işləri[redaktə | əsas redaktə]

156 elmi əsərin müəllifidir: ümumi cərrahiyyə fənni üzrə 2 dərslik, 2 monoqrafiya, 2 ixtira, 20-dən artıq səmərələşdirici təklif, 4 metodiki tövsiyə və 130-dan artıq elmi məqalə nəşr etmişdir.

Rəhbərliyi altında 1 doktorluq və 5 namizədlik dissertasiyası müdafiə edilmişdir.

  • "Abasovun dirsək simptomu" səmərələşdirici təklif № 387 29.01.2000 — "Mədə-bağırsaqda yad cisimlərin olması" prof. B.M.Mahmudbəyovun 100-illiyinə həsr olunmuş elmi konfransın materialları (2002);
  • "Ətrafların iri seqmentlərinin replantasiyası" — akademik Z.M.Məmmədovun 100 illiyinə həsr olunmuş konfrans materialları (2003);
  • "Cərrahiyyədə təsadüf olunan nadir hallar". Bakı: Nurlan, 2003, 75 səh.
  • "Operasiyadan sonra qarının ön divarında residiv verən giqant yırtıqların plastikası üsulu" – IX Beynəlxalq Avroasiya cərrahları və qastroenteroloqların konfransı materiallarında, 52-ci səh., 15-18 may, 2006;
  • "Daxili orqan patologiyalarının profilaktika üsulu". Səmərələşdirici təklifi № 514, 20.10. 2008.

Həmçinin bax[redaktə | əsas redaktə]