Baku.ws

Vikipediya, azad ensiklopediya
(Baku WS İnformasiya Agentliyi səhifəsindən istiqamətləndirilmişdir)
Naviqasiyaya keçin Axtarışa keçin
Baku.ws
Ümumi məlumatlar
Tipi xəbər saytı
Sənaye media
Təsis tarixi 5 yanvar 2004
Baş qərargahın yeri Bakı
Struktur
Ana şirkət Global Media Group
Tərəfdaşlar Baku TV
Rəhbərlik
Təsisçi Orxan Məmmədov
baku.ws

"Baku WS"Azərbaycanda fəaliyyət göstərən müstəqil informasiya agentliklərindən biri. Azərbaycanrus dillərində fəaliyyət göstərən Agentlik siyasət, iqtisadiyyat, cəmiyyət, idman, mədəniyyət və digər sahələr üzrə ölkədə və dünyada baş verən ən vacib hadisələri operativ şəkildə işıqlandıraraq, özünə geniş oxucu auditoriyası toplayıb.

5 yanvar 2004-cü il tarixində Orxan Məmmədov dostları ilə birlikdə sayt yaratmaq qərarına gəlib və beləliklə "baku.ws" saytını yaradıblar. Dostları daha sonra saytı başqalarına satmaq istəsələr də, cəmi 40 dollara Orxan saytı alıb və inkişaf etdirib. "baku.ws" saytının 2020-ci ildə olan statistikasına əsasən sayta 4 milyondan çox giriş olub.

Agentliyin özəl xəbərlərini gün ərzində 100-dən çox yerli və xarici mötəbər kütləvi informasiya vasitələri istinadla dərc edir. "Baku WS" informasiya agentliyi mütəmadi olaraq beynəlxalq və yerli tədbirlərin informasiya dəstəkçisi kimi çıxış edir. 2013-cü ildə "baku.ws" saytı "Netty" – Ümumdünya Şəbəkəsinin milli seqmentinin və ümumiyyətlə İT-bazarının inkişafı üçün yaradılmış informasiya texnologiyaları sahəsində Azərbaycanın ilk mükafatının "İlin ən yaxşı əyləncə saytı" kimi qalibi olmuşdur.

2018-ci ildən Global Media Groupa daxildir.[1]

Tarixi[redaktə | mənbəni redaktə et]

5 yanvar 2004-cü il tarixində Orxan Məmmədov dostları ilə birlikdə sayt yaratmaq qərarına gəlib və beləliklə "baku.ws" saytını yaradıblar.[2][3] Dostları daha sonra saytı başqalarına satmaq istəsələr də, cəmi 40 dollara Orxan saytı alıb və inkişaf etdirib.[2][3] "baku.ws" saytının 2020-ci ildə olan statistikasına əsasən sayta 4 milyondan çox giriş olub.[4] Orxan Məmmədov bildirir ki, "17 ildir ki, baku.ws saytı Azərbaycan seqmentində etibarlı KİV resurslarından birinə çevrilib. Bununla yanaşı, insanların sosial problemlərini işıqlandırır, onların çətinliklərini həll etməkdə aydın məlumatları özündə əks etdirir. Vətəndaşları maraqlandıran mövzuları operativ olaraq araşdırır və əsmi məlumatlarla bir çox suallara cavab tapılan bir sayta çevrilib."[5] Jurnalist əlavə edir:[5]

" 17 il əvvəl internet klubda yaradılan bir sayt, bu gün ölkənin aparıcı saytlarından birinə çevrilib. “baku.ws”-in oxucularının daha rahat xəbərləri izləyə bilməsi üçün bizim sosial şəbəkələrdə rəsmi səhifələrimiz fəaliyyət göstərir. IOS sistemində çalışan mobil telefonların istifadəçiləri üçün isə pulsuz mobil əlavəmiz (proqram) isə sizin xidmətinizdədir. Şəxsi videopleyer daha interaktiv formatda və yüksək keyfiyyətdə aktual xəbərlərin nümayişinin imkanını artırdı. Təşəkkür ona görə ki, bütün bu vaxt ərzində bizimlə qalırsınız. "

Agentliyin əsas məqsədi ölkədə və dünyada baş verən ən vacib hadisələri öz oxucularına operativ şəkildə çatdırmaq, ictimai-siyasi, iqtisadi proseslərlə bağlı analitik materiallar təqdim etmək, gündəmin vacib hadisələri ilə bağlı eksklüziv müsahibə və açıqlamalar yaymaq, Azərbaycanda baş tutan irimiqyaslı tədbirləri foto, video reportajlar vasitəsilə işıqlandırmaqdan ibarətdir.[3]

Agentliyin özəl xəbərlərini gün ərzində 100-dən çox yerli və xarici mötəbər kütləvi informasiya vasitələri istinadla dərc edir.[6][3]

Hazırda agentliyin bütün Azərbaycan üzrə müxbir postları mövcuddur, bölgələrin sosial-iqtisadi inkişafı ilə bağlı materialların hazırlanmasına xüsusi diqqət yetirilir. Agentliyin bir çox ölkələrdə fəaliyyət göstərən xüsusi büroları həmin ölkələrdə baş verən mühüm hadisələri, Azərbaycanla həmin ölkələr arasında əlaqələrin inkişafı ilə bağlı məqamları, orada yaşayan azərbaycanlıların fəaliyyətini diqqətlə izləyir, müxtəlif səpkili yazılar hazırlayır.[6]

"Baku WS" informasiya agentliyi mütəmadi olaraq beynəlxalq və yerli tədbirlərin informasiya dəstəkçisi kimi çıxış edir.[6]

Mükafatları[redaktə | mənbəni redaktə et]

2 fevral 2012-ci il tarixində "Baku WS" saytı və təsisçisi Orxan Məmmədov Nəriman Rayon İcra Hakimiyyəti tərəfindən fəxri fərmana layiq görülüb.[3][6] Agentliyin mükafatı ilə bağlı açıqlama verən Nəriman Rayon İcra Hakimiyyətinin başçısı Abdin Fərzəliyev bu mükafatın "2 fevral gənclər günü münasibətilə gənclər arasında daha çox sevilən internet saytı" olduğuna görə verildiyini vurğulayıb.[3]

2013-cü ildə "baku.ws" saytı "Netty" – Ümumdünya Şəbəkəsinin milli seqmentinin və ümumiyyətlə İT-bazarının inkişafı üçün yaradılmış informasiya texnologiyaları sahəsində Azərbaycanın ilk mükafatının "İlin ən yaxşı əyləncə saytı" kimi qalibi olmuşdur.[6]

2014-cü ildə "baku.ws" saytı və təsisçisi Orxan Məmmədov "Bank of Baku" bankı tərəfindən "media partnyoru "baku.ws" əyləncə portalının 20 illik fəaliyyəti ərzində bankla uğurlu əməkdaşlıq etdiyinə görə" xüsusi diploma layiq görülüb.[3][6]

2017-ci ildə saytın təsisçisi Orxan Məmmədov Zirvə Ziyalılar Təşkilatının 26 illik yubileyi münasibətilə "Azərbaycanın ən yaxşılarını mükafatlandırma" mərasimində "baku.ws" saytının uğuru nəticəsində ən yaxşı təşəbbüskar kimi mükafata layiq görülüb.[7][8][9]

22 iyul 2018-ci il tarixində "Baku WS" saytı ilə səmərəli əməkdaşlığına, eyni zamanda mətbuat günü ilə əlaqədar keçirilən tədbirdə "Bank of Baku" şirkətinin adından reklam və ictimaiyyətlə əlaqələr departementinin direktoru Gülşən Cumayeva tərəfindən Orxan Məmmədov mükafatlandırılıb. Tədbirdə bank və informasiya agentliyinin uzunmüddətli əməkdaşlığından, eyni zamanda Azərbaycanda mətbuat tarixindən, "Baku WS" informasiya agentliyinin aktiv fəaliyyətindən, mətbuatda və Azərbaycanda rolundan söhbət açılıb.[10]

2019-cu ildə saytın təsisçisi Orxan Məmmədov "SR Production Group" şirkətinin 2 yaşı münasibətilə "mükafatların ən yaxşısı" nominasiyasında "həddindən artıq məşhur saytın yaradıcısı" kimi mükafata layiq görülüb.[11]

İstinadlar[redaktə | mənbəni redaktə et]

  1. ""Global Media Group"un işçiləri "YAŞAT" Fonduna ianələr barədə qərar qəbul etdi". 2022-08-31 tarixində arxivləşdirilib. İstifadə tarixi: 2022-08-31.
  2. 1 2 "Azərbaycanda uğurlu işlərə imza atan 10 təşəbbüskar - SİYAHI/FOTO" (rus). realpress.az. 2017-05-22. 2021-12-19 tarixində arxivləşdirilib. İstifadə tarixi: 2021-12-17.
  3. 1 2 3 4 5 6 7 "DMC2016. Orxan Məmmədov (Uğur Cəmi 40USD)" (az.). fmrtv.facemark.az. 2018-03-30. 2021-12-19 tarixində arxivləşdirilib. İstifadə tarixi: 2021-12-19.
  4. "BAKU.WS saytına ay ərzində giriş 4.000.000.-u keçdi (FOTO)" (az.). baku.ws. 2020. 2021-12-17 tarixində arxivləşdirilib. İstifadə tarixi: 2021-12-17.
  5. 1 2 "Bu gün BAKU.WS 15 yaşını qeyd edir" (az.). baku.ws. 2019. 2021-12-19 tarixində arxivləşdirilib. İstifadə tarixi: 2021-12-19.
  6. 1 2 3 4 5 6 "Орхан Мамедов: Сегодня BAKU.WS исполняется 11 лет (история создания проекта)" (rus). ru.baku.ws. 2015-01-05. 2022-08-15 tarixində arxivləşdirilib. İstifadə tarixi: 2021-12-19.
  7. "İlin ən yaxşıları mükafatlandırıldı - Tədbirdə dava düşdü (Fotolar)" (az.). musavat.com. 2018-01-24. 2021-12-19 tarixində arxivləşdirilib. İstifadə tarixi: 2021-12-19. (#first_missing_last)
  8. Hüseyn, Pərviz. "2017-nin fərqlənən simaları "Azerbaijan Best Awards"da" (az.). oxu.az. 2018-01-15. 2021-12-19 tarixində arxivləşdirilib. İstifadə tarixi: 2021-12-19.
  9. "İlin ən yaxşıları mükafatlandırıldı: Tədbirdə dava - Foto" (az.). axar.az. 2018-01-15. 2021-12-19 tarixində arxivləşdirilib. İstifadə tarixi: 2021-12-19.
  10. ""Bankçılıq Mükafatları-2018" tədbiri keçirilib" (az.). banco.az. 2018-12-20. 2021-12-19 tarixində arxivləşdirilib. İstifadə tarixi: 2021-12-19.
  11. "В Баку прошла церемония награждения "Золотые люди" – красная дорожка, звезды (ФОТО)" (rus). trend.az. 2019-03-05. 2022-05-13 tarixində arxivləşdirilib. İstifadə tarixi: 2021-12-19.

Həmçinin bax[redaktə | mənbəni redaktə et]

Xarici keçidlər[redaktə | mənbəni redaktə et]