Berlin Texniki Universiteti

Vikipediya, azad ensiklopediya
Jump to navigation Jump to search
Berlin Texniki Universiteti
alm. Technische Universität Berlin
Logo der Technischen Universität Berlin.svg
TU Berlin Hauptgebaeude070710 UlrichDahl.jpg
52°30′43″ şm. e. 13°19′35″ ş. u.
Əsası qoyulub 1770
Tip Dövlət
Rektor Xristian Tomsen
Tələbə sayı 33.577
Şəhər Berlin şəhəri
Ölkə
Commons-logo.svg Vikianbarda əlaqəli mediafayllar

Berlin Texniki Universiteti (alm. Technische Universität Berlin‎) — Almaniya Federativ Respublikasının paytaxtı Berlin şəhərində yerləşən ali təhsil müəssisəsi; texniki sahə üzrə ixtisaslaşan məşhur ali təhsil ocaqlarından biri.

Tarixi[redaktə | əsas redaktə]

Berlin Texniki Universitetinin yaranma tarixi kral II Fridrixin hakimiyyəti illərinə - XVIII əsrə təsadüf edir.[1] 1770-ci ildə Dağ-Metallurgiya Tədris İnstitutunun əsası qoyulur.[1] 4 il sonra İnstitutun adı dəyişdirilərək Dağ Sənayesi Akademiyası olur. Sonradan akademiya və 1799-cu ildə yaradılmış Arxitektura Akademiyası, həmçinin 1821-ci ildə yaradılmış Biznes Akademiyası, 1916-cı ildə kralın fərmanı ilə isə Dağ Sənayesi Akademiyası Berlin Texniki İnstitutunun nəzdinə keçirilir.[1] Universitet 1946-cı ilədək Berlin Ali Texniki Məktəbi adlandırılmışdır.[1]

Şarlottenburqdakı əsas binanın şimal hissəsi, 1895-ci il[2].

Sənaye sahələrinin sürətli inkişafı nəticəsində XIX əsrdə ali təhsilli mühəndislərə tələbatın artması Berlin Texniki İnstitutuna böyük ehtiyac yaratmışdır.[1] 1878-ci ildən 1884-cü ilədək institutun əsas korpusları tikilmişdir.[1] 1899-cu ildə alman imperatoru və Prussiya kralı II Vilhelm institut tərəfindən Almaniyada ilk dəfə olaraq elmlər doktoru dərəcəsinin verilməsinə göstəriş vermişdir.[1]

Əsas binasının cənub tərəfi

İnstitut 20 aprel 1945-ci ildə bağlanmış və 9 aprel 1946-cı ildə Berlin Texniki Universiteti adı altında yenidən fəaliyyətə başlamışdır.[1]

Təhsil[redaktə | əsas redaktə]

Berlin Texniki Universitetində ümumilikdə 30 mindən artıq tələbə təhsil alır. Onlardan 6 mini, yəni 20%-i əcnəbilərdir.[1]

Universitetə qəbul olmaq üçün alman dilinin səviyyəsi yüksək olmalıdır.[3] Dil bilikləri zəif olan tələbələr Universitetin tərkibində alman dili kurslarında hazırlaşırlar.[3]

Digər texniki ali məktəblərdən fərqli olaraq universitet zəngin tədris vəsaitləri təqdim edir. Burada biotexnologiya, mühəndis elmləri, inşaat, iqtisadiyyat, informatika, eləcə də humanitar və sosial elmlər üzrə bakalavr və magistrlər hazırlanır.[1]

Fakültələri[redaktə | əsas redaktə]

Hazırda Berlin Texniki Universitetində təhsil ümumilikdə 7 fakültə üzrə aparılır:[1]

  • Humanitar elmlər;
  • Riyaziyyat və dəqiq elmlər;
  • Elektrotexnika və informatika;
  • Nəqliyyat və maşınqayırma;
  • İqtisadiyyat və menecment;
  • Ekologiya;
  • Sosiologiya.

Kampusu[redaktə | əsas redaktə]

Misirdəki kampusu

Berlin Texnoloji Universitetinin ərazisi Berlin şəhərinin müxtəlif yerlərində təqribən 600 000 m² ərazini əhatə edir.[1] Əsas universitet şəhərçiyi Şarlottenburqda yerləşir.[1]

Kitabxanası[redaktə | əsas redaktə]

Kitabxanası

Universitetin yeni əsas kitabxanası 2004-cü ildə açılmışdır.[1] Həmin vaxt əvvəlki 17 kitabxana da bu kitabxanaya birləşdirilmişdir.[1]

Xarici əlaqələri[redaktə | əsas redaktə]

Bu ali təhsil müəssisəsi Almaniyanın 9 aparıcı texniki ali məktəbinin birliyi olan TU9 ittifaqının üzvüdür.[4]

Reytinqi[redaktə | əsas redaktə]

Berlin Texniki Universiteti 2004-cü ilin "Times Higher Education–QS World University Rankings" siyahısında 60-cı yerdə olmuşdur.[5]

Məşhur məzunları[redaktə | əsas redaktə]

Buranın məzunu olan məşhurlardan misal olaraq aşağıdakıların adlarını çəkmək olar:

Şəkilləri[redaktə | əsas redaktə]

Əsas binası

İstinadlar[redaktə | əsas redaktə]

  1. 1 2 3 4 5 6 7 8 9 10 11 12 13 14 15 Berlin Texniki Universiteti. ict.az, 19.01.2011  (azərb.)
  2. Grüße aus Berlin und Umgebung, Verlag Kunstanstalt W. Sommer, Berlin-Schöneberg 1898  (alm.)
  3. 1 2 Berlin Texniki Universiteti (Technische Universitat Berlin). edu.info.az  (azərb.)
  4. Über TU9. tu9.de  (alm.)
  5. World University Rankings 2004. timeshighereducation.co.uk  (ing.)

Xarici keçidlər[redaktə | əsas redaktə]