Byenxoa
| Şəhər | |
| Byenxoa | |
|---|---|
| ing. Biên Hòa | |
 | |
| 10°57′02″ şm. e. 106°49′19″ ş. u. | |
| Ölkə |
 Vyetnam |
| Region | Donqnay əyaləti |
| Tarixi və coğrafiyası | |
| Sahəsi | 264,08 km² |
| Mərkəzin hündürlüyü | 4 m, 6 m |
| Saat qurşağı | |
| Əhalisi | |
| Əhalisi | 1,104,495 nəfər (2015) |
| Sıxlığı | 4,182 nəf./km² |
| bienhoa.dongnai.gov.vn | |
|
| |
 Vikianbarda əlaqəli mediafayllar | |
Byenxoa — Vyetnamda şəhər. Donqnay əyalətinin inzibati mərkəzi.[1]
Əhalisi[redaktə | mənbəni redaktə et]
Əhalisi 417,5 min (2006) nəfərdir.[1]
Coğrafiyası[redaktə | mənbəni redaktə et]
Ölkənin cənubunda Donqnay çayı sahilindədir (Xoşimin aqlomerasiyasına daxildir), Xoşimin şəhərindən 30 km şimal-şərqdədir. Nəqliyyat qovşağı Çay portu. Aeroport.[1]
Tarixi[redaktə | mənbəni redaktə et]
Müstəmləkə dövründə Sayqonun şəhərətrafı sənaye qəsəbəsi kimi inkişaf etmişdi. “Vyetnam müharibəsi” dövründə ABŞ-ın ən iri hərbi-hava bazalarından biri Byenxoada yerləşirdi.[1]
Sənayesi[redaktə | mənbəni redaktə et]
Ölkənin cənubunda formalaşan iri sənaye rayonunun mərkəzidir. 1980-ci illərin sonundan, Vyetnamın “iqtisadi islahat” proqramı qəbul edildikdən sonra sürətlə inkişaf edir. Xarici investisiya axını nəticəsində xüsusi sənaye zonalarında yerləşdirilmiş bir sıra yeni müəssisələr (xarici və qarışıq kapitalla) meydana gəldi.
Qara (polad təbəqələrin, boruların, tikinti metal konstruksiyaların istehsalı – “Bi-Eyçstil faktori” və s.) və əlvan (mis məftil, alüminium profillər və s.) metallurgiya; kimya, o cümlədən fosfor, azot və kompleks gübrələr (“Vyetnam-Capan fertilayzers” və s.); neft-kimya – avtomobil təkərləri (“Yokohama-Vyetnam Ci-Bi”), polivinilxlorid, plastik kütlə, boyalar və yuyucu vasitələr; neft emalı (“Şell-Vyetnam”); mikrobiologiya – insektisidlər, herbisidlər, fungisidlər (“MAP Pasifik- Vyetnam” və s.); əczaçılıq; maşınqayırma: avtomobil və motosikllərin quraşdırılması və təmiri, dizel mühərrikləri, avtomobil detal və hissələri, kənd təsərrüfatı texnikası üçün ehtiyat hissələri istehsalı; elektronika sənayesi, o cümlədən çap sxemləri, ofis avadanlıqları və kompüterlər (“Fucitsu” və s.), radioqəbuledicilər, televizorlar, telekommunikasiya avadanlıqları (“Donako”); elektrotexnika sənayesi – transformatorlar, elektrik motorları (“Mabuçimotor-Vyetnam”), paltaryuyan maşınlar, soyuducular (“Sano” və s.), elektrik kabelləri və s. Sement, şüşə və çini sənayesi müəssisələri fəaliyyət göstərir. Yeyinti sənayesi inkişaf etmişdir; həll olan qəhvə, toz halında süd (“Nestle”), köpüklənən şərab (“Moskva Şampan şərabları zavodu”), tütün məmulatları istehsal olunur.[1]
Həmçinin bax[redaktə | mənbəni redaktə et]
İstinadlar[redaktə | mənbəni redaktə et]
- ↑ 1 2 3 4 5 Byenxoa // Azərbaycan Milli Ensiklopediyası : [25 cilddə] / baş red. M. K. Kərimov. — Bakı: “Azərbaycan Milli Ensiklopediyası” Elmi Mərkəzi, 2014. — V cild. — Səhifələrin sayı: 592. — Səh.: 158. — 25 000 nüsx. — ISBN 978-9952-441-10-9.