Məzmuna keç

Cabir İmanov

Vikipediya, azad ensiklopediya
Cabir İmanov
Cabir Qorxmaz oğlu İmanov
Azərbaycanın mədəniyyət və incəsənət xadimlərinin bir qrupunun Prezident İlham Əliyev və birinci xanım Mehriban Əliyeva ilə görüşü zamanı (1 mart 2019-cu il)
Azərbaycanın mədəniyyət və incəsənət xadimlərinin bir qrupunun Prezident İlham Əliyev və birinci xanım Mehriban Əliyeva ilə görüşü zamanı (1 mart 2019-cu il)[2]
Doğum tarixi 22 iyun 1976(1976-06-22)
Doğum yeri
Vəfat tarixi 29 sentyabr 2025(2025-09-29)[3] (49 yaşında)
Vəfat yeri
Vəfat səbəbi ürək tutması
Dəfn yeri
Milliyyəti azərbaycanlı
Vətəndaşlığı SSRİ SSRİ→
Azərbaycan Azərbaycan
Atası Qorxmaz İmanov
Fəaliyyəti televiziya aktyoru, kino aktyoru, kinorejissor, film prodüseri, bəstəkar, rejissor
Təhsili
Mükafatları "Tərəqqi" medalı "Hərbi xidmətlərə görə" medalı "Azərbaycan Polisinin 95 illiyi" yubiley medalı "Azərbaycan Polisinin 100 illiyi (1918–2018)" yubiley medalı "Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi" yubiley medalı "Azərbaycan Respublikasının xüsusi rabitə və informasiya təhlükəsizliyi orqanlarının 30 illiyi (1993–2023)" yubiley medalı "Daxili işlər orqanlarında qüsursuz xidmətə görə" 2-ci dərəcəli medalı "Daxili işlər orqanlarında qüsursuz xidmətə görə" 3-cü dərəcəli medalı "Qüsursuz xidmətə görə" 1-ci dərəcəli medalı
Azərbaycan Respublikasının əməkdar artisti
IMDb ID3108085
Vikianbarın loqosu Vikianbarda əlaqəli mediafayllar

Cabir Qorxmaz oğlu İmanov (22 iyun 1976, Bakı – 29 sentyabr 2025[3], Səbail rayonu[3]) — Azərbaycan aktyoru, "Parni iz Baku" KVN komandasının üzvü, Azərbaycan Respublikasının əməkdar artisti (2015).

Həyatı və fəaliyyəti

[redaktə | vikimətni redaktə et]

Cabir İmanov 22 iyun 1976-cı ildə Bakı şəhərində anadan olub. 1983–1993-cü illərdə Bakı şəhəri 189 saylı məktəbdə oxuyub. 1993-cü ildə Azərbaycan Dövlət İqtisad İnstitutuna qəbul olub və 1997-ci ildə həmin institutu bitirib. 1997–1998-ci illərdə Azərbaycan Respublikası Daxili İşlər Nazirliyinin Daxili Qoşunlarında həqiqi hərbi xidmət keçib. 1999-cu ildə Bakı Dövlət Universitetinin hüquq fakültəsinə qəbul olub və 2003-cü ildə həmin universiteti bitirib. İxtisasları: İqtisadçı, hüquqşünas. 1999–2018-ci illərdə Daxili İşlər Nazirliyində müxtəlif vəzifələrdə işləyərək, polis polkovnik-leytenantı rütbəsinə qədər yüksəlmişdir. DTX Mədəniyyət mərkəzinin rəisi olub.

1992–2001-ci illərdə "Parni iz Baku" KVN komandasının üzvü olub 1992-ci ildə KVN çempionu, 1995-ci ildə KVN Yay Kubokunun sahibi və 2000-ci ildə KVN "Əsrin Çempionu" olmuşdur.

2001-ci ildən "Planet Parni iz Baku" KVN Teatrının aktyorudur. 14 sentyabr 2015-ci il tarixdə Azərbaycanın əməkdar artisti fəxri adına layiq görülmüşdür.[4] 16 oktyabr 2021-ci il tarixdə Azərbaycan mədəniyyətinin inkişafında xidmətlərinə görə "Tərəqqi" medalı ilə təltif olunmuşdur.[5]

2020-ci ildə "BYJABA Handmade in Azerbaijan" brendini yaratmışdır. Brend xüsüsən əl işlərindən ibarət milli üslubda məhsulların istehsalı və satışı ilə məşğul olur.

29 sentyabr 2025-ci ildə vəfat etmişdir. Aktyor Səbail rayonu Üzeyir Hacıbəyli küçəsində yerləşən idman zalında infarkt keçirmişdir. Hadisə yerinə təcili tibbi yardım briqadası çağırılsa da, 49 yaşlı aktyor ürək tutmasından vəfat etmişdir.[6] Yasamal qəbiristanlığında dəfn edilib.[7]

Şəxsi həyatı

[redaktə | vikimətni redaktə et]

İki dəfə evlənib, dörd övladı var. İkinci dəfə Zara İmanova ilə evlənib. O, iqtisad elmləri doktoru Qorxmaz İmanovun oğlu, aktyor Tahir İmanovun qardaşı və bəstəkar Süleyman Ələsgərovun nəvəsidir.[8][9][10][11]

Təltif və mükafatları

[redaktə | vikimətni redaktə et]

Filmoqrafiya

[redaktə | vikimətni redaktə et]
  1. Etimad telefonu (film, 2001) — Tahir
  2. Bir anın həqiqəti (film, 2003) — Əkbər Usubov
  3. Məhəllə (film, 2003) — Elşən (Eliş)
  4. Məhəllə 2 Moskvada (film, 2004) — Elşən (Eliş)
  5. Tam məxfi (film, 2004) — İsrafil
  6. Məşədi İbad-94 (film, 2005)—Qoçu
  7. Qorxma, mən səninləyəm! 1919 (film, 2013)
  8. Bir kəndin sevinci (serial 2012)-serjant
  9. Ölülər XXI əsr (film, 2016)
  10. Ağanatiq (film, 2017) — Ağanatiq
  11. Bəxt üzüyü 2 (film, 2017)
  12. Məhəllə 3 (film, 2019) — Elşən (Eliş)
  13. Ağanatiq 2 (film, 2020) — Ağanatiq

İstinadlar

[redaktə | vikimətni redaktə et]
  1. İlham Əliyev və birinci xanım Mehriban Əliyeva mədəniyyət və incəsənət xadimlərinin bir qrupu ilə görüşüblər Arxivləşdirilib 2023-06-28 at the Wayback Machine. president.az, 01.03.2019
  2. ↑ İlham Əliyev və birinci xanım Mehriban Əliyeva mədəniyyət və incəsənət xadimlərinin bir qrupu ilə görüşüblər Arxivləşdirilib 2023-06-28 at the Wayback Machine. president.az, 01.03.2019
  3. 1 2 3 4 Əməkdar artist Cabir İmanov vəfat etdi.
  4. ↑ "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı". 17 sentyabr 2015 tarixində arxivləşdirilib. İstifadə tarixi: 14 sentyabr 2015.
  5. ↑ Hüquqi Aktların Dövlət Reyestri. "Azərbaycan Respublikasının mədəniyyət xadimlərinin təltif edilməsi haqqında" 16 oktyabr 2021-ci il tarixli 2964 №-li Prezident Sərəncamı". e-qanun.az. İstifadə tarixi: 30 sentyabr 2025.
  6. ↑ "Cabir İmanov vəfat etdi". Axar.Az. 29 sentyabr 2025. 12 oktyabr 2025 tarixində arxivləşdirilib. İstifadə tarixi: 29 sentyabr 2025.
  7. ↑ "Əməkdar artist Cabir İmanov dəfn edildi". 15 oktyabr 2025 tarixində arxivləşdirilib. İstifadə tarixi: 2 oktyabr 2025.
  8. ↑ "49 yaşında qəfil vəfat edən polkovnik, Əməkdar artist Cabir İmanovun HƏYAT HEKAYƏSİ". 18 noyabr 2025 tarixində arxivləşdirilib. İstifadə tarixi: 2 oktyabr 2025.
  9. ↑ "Tahir və Cabir İmanovlar mərhum babalarının sözündən niyə çıxdılar?". 3 mart 2014 tarixində arxivləşdirilib. İstifadə tarixi: 2 oktyabr 2025.
  10. ↑ "Cabir İmanov KİMDİR? — Polkovnik-leytenant, "KVN"çi…". 11 oktyabr 2025 tarixində arxivləşdirilib. İstifadə tarixi: 2 oktyabr 2025.
  11. ↑ "Cabir İmanovun həyat yoldaşı görün kim imiş". 1 oktyabr 2025 tarixində arxivləşdirilib. İstifadə tarixi: 2 oktyabr 2025.

Mənbə

[redaktə | vikimətni redaktə et]

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Cabir_İmanov&oldid=8457320"