Murad Dadaşov

Vikipediya, azad ensiklopediya
Jump to navigation Jump to search
Murad Dadaşov
Murad Əli oğlu Dadaşov
Mwikid.jpg
Doğum tarixi 21 dekabr 1978(1978-12-21) (41 yaş)
Doğum yeri Bakı, Azərbaycan SSR, SSRİ
Həyat yoldaşı Aytən Elxan qızı Əliyeva (2001)[1][2]
Uşaqları Kamal Dadaşov[1]
Əli Dadaşov[1]
Ziya Dadaşov[1]
Atası Əli Mürsəl oğlu Dadaşov
Anası Tamilla Abuzər qızı Əliyeva
Vətəndaşlığı Azərbaycan Azərbaycan
Peşəsi aparıcı
prodüser
aktyor
şoumen[3]
Milliyyəti azərbaycanlı
Təhsili Bakı Dövlət Universiteti
Mükafatları "Azərbaycan Respublikasının əməkdar artisti" fəxri adı "Azərbaycan Respublikasının xalq artisti" fəxri adı — 2018
Commons-logo.svg Vikianbarda əlaqəli mediafayllar

Murad Əli oğlu Dadaşov (21 dekabr 1978(1978-12-21), Bakı) — şoumen, tanınmış teleaparıcı, prodüser, aktyor, “Bakılı oğlanlar” Şən və Hazırcavablar Klubunun üzvü, “M Group Production” şirkətinin prezidenti, “20-ci əsrin çempionları” titulunun sahiblərindən biri (2000), Azərbaycan Respublikasının Əməkdar (2014)[1] və Xalq artisti (2018), Xəzər TV-nin prezidenti (2020) [4].

Həyatı[redaktə | əsas redaktə]

Uşaqlığı və təhsili[redaktə | əsas redaktə]

Murad Əli oğlu Dadaşov 21 dekabr 1978-ci ildə Bakı şəhərində ziyalı ailəsində anadan olub.[5]

O 1985-1995-ci illərdə Bakı şəhəri 160 saylı tam orta məktəbdə təhsil alıb. 1996-2000-ci illərdə Bakı Dövlət Universitetinin "Sosial elmlər və psixologiya" fakültəsində təhsil alıb, ixtisasca psixoloqdur.[1]

Ailəsi[redaktə | əsas redaktə]

Atası Dadaşov Əli Mürsəl oğlu ixtisasca nəqliyyat işçisidir. Anası Əliyeva Tamilla Abuzər qızı ixtisasca musiqiçidir, fortepiano müəlliməsidir. Qardaşı Dadaşov Fərid Əli oğlu “KOKON” yaradıcılıq agentliyinin təsisçilərindən biridir. Azərbaycan Respublikasının Əməkdar artisti, görkəmli tarzən Əhsən Dadaşov Murad Dadaşovun atasının əmisidir.[1]

2001-ci ildə ixtisasca şərqşünas olan Əliyeva Aytən Elxan qızı ilə ailə həyatı qurub. Kamal, Əli, Ziya adlı üç övladı var.[1]

Fəaliyyəti[redaktə | əsas redaktə]

XX əsrin sonları Azərbaycan gəncliyinin inkişafında rolu olan “Bakılı oğlanlar” ŞHK ilə tanışlığı oxuduğu məktəbdən başlayıb və bununla da 1993-cü ilin dekabrında böyük və peşəkar səhnəyə gəlib.[6]

Murad Dadaşov "Bakılı oğlanlar" Şən və Hazırcavablar Klubunun növbəti konsertindən sonra Heydər Əliyevlə görüş zamanı.

2000-ci ildə isə “Bakılı oğlanlar” komandası “XX əsrin çempionları” tituluna sahib oldu. Şən və hazırcavab çempionlardan biri də Murad Dadaşov idi.[1]

Universitetdə təhsil aldığı müddətdə, 1999-2002-ci ildə həm də Proqnoz Müstəqil Sosioloji Tədqiqatlar mərkəzində müdür müavini vəzifəsində çalışıb.[1]

Televiziyada ilk fəaliyyətinə 1990-cı illərin ortalarında Azərbaycan Televiziyasında başlayıb. Burada “Bakılı oğlanlar” ŞHK-ın digər üzvü Cabir İmanov ilə bərabər “Bir Cənub şəhərində” adlı layihə hazırlayıb.[1][7]

1990-cı illərin sonlarında isə Space televiziyasında “Road Master” adlı layihənin aparıcısı olub.[8]

2002-ci ilin yanvar ayından həmin ilin oktyabr ayına  kimi ANS Müstəqil Yayım və Media Şirkətində Baş Prodüser vəzifəsinə təyin edilib. Eyni zamanda həmin dövrdə bu kanalda yayımlanan “Yeriniz Məlum” adlı gündəlik şou proqramın müəllif və aparıcısı olub.[9]

2003-cü il fevralın 7-də M Group Production şirkətini təsis edib. Burada 2008-ci ilədək baş direktor vəzifəsində olub.[1][10]

2003-cü ildə Lider telekanalında M Group Production şirkətinin ilk layihəsi olan “Mərc şou”, 2005-ci ildə isə həmin telekanalda  “Maşın” realiti şousu efirə gedib. Hər iki layihənin müəllif və aparıcısı Murad Dadaşov olmuşdur.[1]

2008-2010-cu illərdə “Lider Media Holdinq” - Lider televiziyasında Baş prodüser vəzifəsinə təyin olunub.[1]

2000-ci ildə “Bakılı oğlanlar” komandası “20-ci əsrin çempionları” tituluna sahib oldu.

2010-cu ildən bu günə qədər M Group Production şirkətinin Prezidentidir. M Group Production hər bir layihənin işlənməsinə bütün yaradıcı gücünü və potensialını cəlb edir. Təqdim etdiyi ideyalarda novator metodlara əsaslanaraq, maraqlı tendensiyalar tətbiq etməklə şirkət hər zaman aktuallığını saxlayır.[1]        

Murad Dadaşov son illər müasir teleməkanda yayımlanan bir çox layihələrdə peşəkar ekspert və münsif qismində iştirak edir. Belə ki, 2004-2011-ci illərdə Azad Azərbaycan (ATV) telekanalında “Yeni Ulduz” musiqi yarışması, 2008-ci ildə Soçi şəhərində keçirilən "Beş ulduz" mahnı müsabiqəsi, 2014-cü il İctimai televiziyada “Böyük Səhnə” vokal şousu və 2015-ci il Azad Azərbaycan telekanalında yayımlanan “Özünü Tanıt” istedad müsabiqəsinin münsiflər heyətində təmsil olunub.[1]

"Bakı 2015" Avropa Oyunlarının su idman növləri üzrə ulduz səfiri Murad Dadaşov idi.

Murad Dadaşov ölkənin ictimai-siyasi, mədəni həyatında da yaxından iştirak edib.[11] O, 2015-ci il Bakıda keçirilən Birinci Avropa Oyunlarının ulduz səfiri idi.[11]

Mükafatları[redaktə | əsas redaktə]

Azərbaycan Respublikasının Prezidenti İlham Əliyev cənablarının 2014-cü il 18 dekabr tarixli sərəncamına əsasən “Azərbaycan mədəniyyətinin inkişafındakı xidmətlərinə görə” Murad Dadaşov Azərbaycan Respublikasının Əməkdar artisti,[12] 27 may 2018-ci ildə Azərbaycanın xalq artisti fəxri adına layiq görülmüşdür.[13]

Filmoqrafiya[redaktə | əsas redaktə]

Filmin adı İl Aktyor Prodüser Rol
Milli Bomba (2003)(afişa).JPG
 Milli bomba 2004
HəY
 Gənc montajçı
Şəkil yoxdur.jpg
 Çətin yol 2006
HəY
 Ata
Bir dəfə Qafqazda (film, 2007)(kollaj).jpeg
 Bir dəfə Qafqazda 2007
HəY
 Kazbekin dostu
Halal pullar (film, 2008).jpg
 Halal pullar 2008
HəY
 Türk vətəndaşı
Qorxma, mən səninləyəm! 1919 (film, 2013).png
 Qorxma, mən səninləyəm! 1919 2013
HəY
 Epizod
Bayram axshamı poster.jpg
 Bayram axşamı 2017
HəY
HəY

İstinadlar[redaktə | əsas redaktə]

  1. ↑ 1 2 3 4 5 6 7 8 9 10 11 12 13 14 15 16 "Murad Dadaşov: "Sinfimizə gələn hər təzə qızı birinci mən sevmişəm"" (azərb.). 31 oktyabr 2013. İstifadə tarixi: 2018-05-11. (#archive_url)
  2. ↑ "Murad Dadaşov ailəsi ilə (Foto)" (azərb.). 18 iyun 2013. 2018-05-11 tarixində orijinalından arxivləşdirilib. İstifadə tarixi: 2018-05-11.
  3. ↑ ""Машын 6 Коррида – это экстра скорость", - уверен продюсер, шоумен Мурад Дадашев" (rus). 28 fevral 2007. 2018-05-11 tarixində orijinalından arxivləşdirilib. İstifadə tarixi: 2018-05-11.
  4. ↑ https://www.azerbaycan24.com/xezer-tv-nin-rehberi-murad-dadasov-oldu/ (#bare_url_missing_title).
  5. ↑ "Tanınmış simalar: aktyor Murad Dadaşov" (azərb.). 2018-05-11 tarixində orijinalından arxivləşdirilib. İstifadə tarixi: 2018-05-11.
  6. ↑ Мурад Дадашов: "Сейчас опасно везде, кроме Азербайджана" - ИНТЕРВЬЮ
  7. ↑ Мурад Дадашов готов к "реваншу" звезд на "Машын-шоу" (фотосессия)
  8. ↑ Мурад Дадашов: Евроигры стали необходимым компонентом национальной самоидентификации
  9. ↑ Murad Dadaşov: Avropa Oyunları milli özünüeyniləşdirmənin zəruri komponenti oldu
  10. ↑ Даже профессиональные артисты не выдерживают такого напора - Мурад Дадашов, член жюри "Большой сцены"
  11. ↑ 1 2 “Biz xalq olaraq növbəti dəfə birləşdik” - Murad Dadaşov yazır
  12. ↑ 1 2 "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı". President.az (azərb.). president.az. 18 dekabr 2014, 19:00. İstifadə tarixi: 2014-12-24.
  13. ↑ President.Az (27.05.2018). "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (azərb.). President.az. İstifadə tarixi: 2018-05-27.
  14. ↑ Мурад Дадашов: Только личное вмешательство президента становится толчком к "работе над ошибками", а что же общество?
  15. ↑ Murad Dadaşov prezidentə təşəkkür etdi

Xarici keçidlər[redaktə | əsas redaktə]

Vikianbarda Murad Dadaşov ilə əlaqəli mediafayllar var.

Mənbə — "https://az.wikipedia.org/w/index.php?title=Murad_Dadaşov&oldid=5016771"