Dövlət Radiotezliklər İdarəsi

Vikipediya, azad ensiklopediya
Jump to navigation Jump to search
Azərbaycan Respublikasının Rabitə və Yüksək Texnologiyalar Nazirliyi Dövlət Radiotezliklər İdarəsi
Yaranma tarixi 9 iyul 1998
Yeri Bakı, Azərbaycan Droqal döngəsi 702-ci məhəllə
Hakim simaları Rahid Ələkbərli
Sayt dri.az

Dövlət Radiotezliklər İdarəsi (DRİ) 09 iyul 1998-ci il tarixdən Ədliyyə Nazirliyi tərəfindən dövlət qeydiyyatına alınmışdır. Azərbacan Respublikası Rabitə və Yüksək Texnologiyalar Nazirlyinin strukturuna daxildir.

Tarixi[redaktə | əsas redaktə]

Dövlət radiotezliklər İdarəsi ilk olaraq Bakının "Radiotelefonlara Texniki nəzarət stansiyası" təşkilatının nəzdində yaradılıb (qrup şəklində fəaliyyətə başlayıb) və 1970-ci ildən formalaşmağa başlamışdır. İdarənin o vaxtlar əsas funksiyası radiorabitə xidmətləri üzərində Radiorabitə təşkilatlarının tövsiyyələrinə və qayda qanunlarına uyğun nəzarət və elektromaqnit sahə gərginliklərinin ölçülməsi idi. 1977-ci ildə Azərbaycan Kommunist partiyası Mərkəzi Komitəsinin qərarı ilə, Rabitə Nazirliyinin tərkibində, Nazirliyinin əmri ilə Elektrik Rabitəsinin Dövlət Müfəttişliyi yaradılmışdır. 05.11.1988-ci il isə Rabitə Nazirliyinin əmri ilə Radioelektron vasitələrinin Elektromaqnit Uzlaşması Mərkəzi yaranır. Mərkəz Üzeyir Hacıbəyov 36 ünvanında yerləşirdi. Radiolelektron vasitələrinin Elektromaqnit Uzlaşması Mərkəzi 09.07.1998-ci il tarixdən Ədliyyə Nazirliyi tərəfindən D-213 в„–-li Şəhadətnamə ilə "Dövlət Radiotezliklər İdarəsi" adı ilə dövlət qeydiyyatına alınmışdır. Ölkə iqtisadiyyatının günü gündən güclənməsi, yeni investisiyaların qoyulması digər sahələrdə olduğu kimi, rabitə sahəsindən də yan keçməmiş, rabitə sahəsində olan bu inkişaf Respublikada tezliklər üzrə radionəzarəti həyata keçirən Dövlət Radiotezliklər İdarəsinin yerləşdiyi İnzibati bina, Dövlət Radiotezliklər İdarəsində inkişafı, İdarənin fəaliyyətinin günün tələbləri səviyyəsində qurulmasını zəruri etmişdir. Əgər 2000-ci illərə qədər İdarədə işləyən işçilərin sayı ümumilikdə 40-a yaxın olsa da , hazırda 2008-ci ildə bu rəqəm 185 çatmışdır.

Fəaliyyət[redaktə | əsas redaktə]

Respublikada mülki məqsədlər üçün istifadə olunan və respublikaya yeni idxal olunan tezlik şüalandırıcı radioelektron vasitələrinin (REV) parametrlərinin texniki normalara və ayrılmış tezliklərə uyğunluğunun yoxlanılması məqsədilə laboratoriyanın yaradılması nəzərdə tutulmuşdur. Bu məqsədlə yeni yaradılacaq laboratoriyanın beynəlxalq standartlara, norma və təcrübələrə uyğun bir şəkildə yaradılması və respublikada ilk və spesifik bir laboratoriya olacağını nəzərə alaraq RİTN və DRİ-nin mütəxəssisləri tərəfindən qabaqcıl ölkələrin təcrübələrinin öyrənilməsi işlərinə başlanılmışdır.    

DRİ-nin Radiotezliklər şöbəsində tezlik istifadəçilərin uçot-qeydiyyat sistemi yenidən qurulmuşdur. Hazırda DRİ-də 283 müəssisə və təşkilat qeydiyyatdadır ki, onlardan 129-u dövlət, 136-sı kommersiya, 18-i xarici təşkilatdır. Uçot-qeydiyyat sisteminin avtomatlandırılması ilə bağlı MHM tərəfindən müvaiq proqram təminatının işlənib hazırlanması və şəbəkə qurulması üçün müqavilə bağlanılmış və işlər sona çatdırılmışdır.

DRİ-nin strukturunda RTDK-nın katibliyi yaradılmış, katibliyin səmərəli fəaliyyəti üçün şərait yaradılmış və müvafiq tədbirlərin görülməsi davam etdirilir.

DRİ-nin Droqal döngəsi 702-ci məhəllədə PDM-in binasında yerləşdirilmsəi ilə əlaqədar "Elektron imzanın tətbiqi və elektron sənəd dövriyyəsinin təşkili", kargüzarlıq işlərinin təkmilləşdirilməsi ilə bağlı yeni avadanlıqlar alınmaqla RİTN-in və MHM-in şəbəkəsinə DRİ-nin qoşulması təmin edilmişdir. Respublika ərazisini tam əhatə edə biləcək Milli Radiomonitorinq Şəbəkəsinin yaradılması üzrə təkliflər prezentasiya şəklində hazırlanaraq RİTN-ə təqdim edilmişdir. DRİ-nin efirə nəzarət məntəqələrinin işinin səmərəli təşkili üçün bütün məntəqələr avtomobillərlə, yeni kompüterlərlə təchiz edilmişdir. Məntəqələrin zəruri ölçü-nəzarət avadanlıqları ilə təşkili məqsədilə təkliflər və tədbirlər hazırlanmışdır. Radiotezliklərin monitorinqi üçün və radiomaneələrin operativ aradan qaldırılması məqsədilə idarəyə "ATLAS-3000В" tipli mobil stansiya alınmışdır. Hal-hazırda Bakı şəhərinin xəritəsinin proqrama uyğunlaşdırılması başa çatdırılıb və respublikanın bütün ərazisinin zəruri texniki parametrləri olmaqla elektron xəritəsinin hazırlanması və avadanlığa yüklənməsi üzrə AMEA-nın İnformasiya Texnologiyaları İnstitutu ilə müvafiq tədbirlər görülür. Həmçinin RİTN-lə razılaşdırılmaqla Astara, Beyləqan, Zaqatala və Qazax rayonlarında köməkçi məntəqələrin yaradılması üçün işlər başlanılmış, məntəqələr üçün müvafiq yer seçilmiş və təmir-tkiinti işlərinə başlanılmışdır. DRİ-nin fəaliyyəti ilə bağlı təbliğat işlərinin gücləndirilməsi məqsədilə məlumatların, o cümlədən qeyri-qanuni tezlik istifadəçilərinin qeydiyyata salınması və digər təbliğat xarakterli məlumat və elanlar hazırlanaraq KİV-də verilmişdir.

Əsas vəzifələri[redaktə | əsas redaktə]

  • Azərbaycan Respublikası ərazisində radioelektron vasitələrindən istifadə olunmasının planlaşdırılmasını, bu vasitələr üçün iş tezliklərinin və çağırış siqnalların təyin edilməsi və uçot olunması.
  • Azərbaycan Respublikası ərazisində radioelektron vasitələrinin və yüksək tezlikli qurğuların alınmasına (başqasına verilməsinə), layihələşdirilməsinə, tikilməsinə (qurulmasına) və bunların istismarına icazə verilməsi.
  • Azərbaycan Respublikası ərazisində radioelektron vasitələrinin və yüksək tezlikli qurğuların alınmasının (başqasına verilməsinin), layihələşdirilməsinin, tikilməsinin (qurulmasının) istismarının müəyyən edilmiş qaydasına əməl olunması üzərində, habelə bu vasitələrin radioşüalarının mövcud normalara və dövlət standartlarına uyğunluğu üzərində nəzarət.
  • Elektrik qurğularının, mexanizmlərin, aparatların və cihazların radioqəbula sənaye maneələrinin dəf olunmasını təmin edən köməkçi qurğularla təchiz edilməsi üzərində nəzarət.
  • Efirdəki qanunsuz radioverilişlərinin aşkar edilməsi və qanunsuz olaraq radioverici qurğuların hazırlanmasına və işlədilməsinə qarşı mubarizə.
  • Dövlət planı tapşırıqlarının yerinə yetirilməsi, dövlət intizamına ciddi əməl olunmasının təmin edilməsi.
  • Mütərəqqi texnologiyanın, yeni texnika vasitələrinin və qabaqcıl iş təcrübəsinin istehsal fəaliyyətində tətbiq olunması, maddi-texniki bazanın inkişaf etdirilməsi və təkmilləşdirilməsi.

İstinadlar[redaktə | əsas redaktə]