Dürrünəv Qadınəfəndi

Vikipediya, açıq ensiklopediya
Jump to navigation Jump to search
Dürrünəv Qadınəfəndi
دورو نيف نيفسيفيندي
Dürr-i Nev Başkadınefendi Hazretleri.JPG
Şəxsi məlumatlar
Doğum tarixi 15 mart 1835
Doğum yeri Batumi, Abxaziya
Vəfat tarixi 4 dekabr 1895 (60 yaşında)
Vəfat yeri
Dəfn yeri Sultan Mahmud türbəsi
Atası Mahmud bəy
Anası Həlimə xanım
Həyat yoldaşı Əbdüləziz
Uşaqları Yusif İzzəddin Əfəndi
Saliha Sultan

Dürrünəv Qadınəfəndi (d. 15 mart 1835 - ö. 4 dekabr 1895) — 32. Osmanlı sultanı Əbdüləzizin ilk xanımı.

Həyatı[redaktə | əsas redaktə]

Dürrünəv xanım 1835-ci ildə Batumidə əslən abxaz olan Mahmud bəy və Həlimə xanımın ailəsində dünyaya gəldi. Əsl adı Mələk olub, özündən başqa Ayşə və Aliyə adlı 2 bacısı da var idi. Gələcəkdə oğlu Yusif İzzəddin Əfəndini bacısı Ayşə xanımın qızı Cavidanla evləndirəcək, digər bacısı Aliyənin qızı Əminəni isə illər sonra saraya alaraq Şahzadə Mehmedlə (V Muradla) evləndirəcəkdi.

3 yaşlı Mələk və kiçik bacısı Ayşə İstanbula gətirildi və ailəsi tərəfindən Osmanlı sarayına təslim edildilər. Uzun sarı saçları və iri gözləri ilə sarayda çox tez sevilən Mələk bacısıyla birlikdə, Sultan Əbdülməcidin övladı olmayan xanımı Sərvətsəza xanım tərəfindən övladlığa götürüldü. Mələyin adı Dürrünəv, bacısı Ayşənin adı isə Kəmalifər olaraq dəyişdirildi. Sarayda türk-İslam tərbiyəsi alan bacılar eyni zamanda fransız dilini də öyrəndilər. Mükəmməl təhsil alan Dürrünəv xanım gənc yaşlarından rəsm çəkməyə başladı.

Çox keçmədən dövrün vəliəhdi Şahzadə Əbdüləzizin diqqətini cəlb etdi. Ancaq qızın analığı Sərvətsəza xanım bu nigaha qarşı çıxırdı. Nəhayət həm Sərvətsəza xanımın, həm də qızın ailəsinin razılığı alındıqdan sonra cütlük 20 may 1856 tarixində Dolmabağça sarayında evləndi. Dürrünəv xanımın bu nigahdan 2 övladı dünyaya gəldi: 1857-ci ildə oğlu Yusif İzzəddin Əfəndi1862-ci ildə Saliha Sultan.

Ərinin taxta çıxmasının ardından baş qadınəfəndi olaraq sarayda nüfuz qazandı. Bu illər ərzində rahat həyat yaşasa da, 1876-cı ildə baş verən çevriliş nəticəsində əri və bütün ailəsiylə birlikdə Fəriyə sarayında gözaltına alındılar. Sultan Əbdüləzizin devrildikdən 3 gün sonra 4 iyun tarixində müəmmalı şəkildə ölməsinin ardından Fəriyə sarayında yaşamalarına icazə verildi. Uzun illər bu sarayda nəzarət altında yaşayan Dürrünəv xanım 4 dekabr 1892-ci ildə burada vəfat etdi. Cənazəsi Sultan Mahmud türbəsinə dəfn edildi.

Övladları[redaktə | əsas redaktə]

Mənbə[redaktə | əsas redaktə]

  • Turkey: The Imperial House of Osman. web.archive.org. Проверено 18 февраля 2014. Архивировано 2 мая 2006 года.
  • Consorts Of Ottoman Sultans (in Turkish). Ottoman Web Page. Проверено 17 декабря 2010.
  • Günay Günaydın. Haremin son gülleri. — Mevsimsiz Yayınları, 2006. — ISBN 978-9-944-98703-5.
  • Bir Çerkes prensesinin harem hatıraları. — L & M, 2004. — ISBN 978-9-756-49131-7.
  • Genealogy of the Ottoman Royal Family.
  • Christopher Buyers. The Royal Ark – Royal and Ruling Houses of Africa, Asia, Oceania and the Americas. 4dw.net.