Daue Bob

Vikipediya, açıq ensiklopediya
Jump to navigation Jump to search
Daue Bob
nid. Douwe Bob
ESC2016 - Netherlands Meet & Greet 03.jpg
Daue Bob 2016-cı ildə
Sənətçi məlumatları
Doğum adı Daue Bob Postyuma
nid. Douwe Bob Posthuma
Doğum tarixi 12 dekabr 1992 (1992-12-12) (26 yaş)
Doğum yeri Amsterdam, Niderland
Vətəndaşlığı Niderland Niderland
Peşələri müğənni, bəstəkar

Üslub
Musiqi aləti piano, gitara
Fəaliyyət illəri 2012-h.h.
Albom şirkəti Universal Music Group
douwebobmusic.com
Commons-logo.svg Vikianbarda əlaqəli mediafayllar

Daue Bob Postyuma (nid. Douwe Bob Posthuma; d. 12 dekabr 1992, Amsterdam, Niderland) və ya sadəcə Daue BobNiderland müğənnisi və bəstəkarı. O, Niderlandın De beste singer-songwriter van Nederland yarışmasında qələbə qazanmışdır. Əsasən kantrifolk musiqisi ifa edən müğənni Niderlandı 2016 Avroviziya Mahnı Müsabiqəsində təmsil etmişdir.

Həyatı[redaktə | əsas redaktə]

Daue Bob Postyma 12 dekabr 1992-ci ildə Niderlandın paytaxtı Amsterdamda anadan olmuşdur. Onun atası Simon Postyuma Niderlandın The Fool dizayn şirkətinin üzvüdür. Daue 6 yaşında ikən pianoda ifa etməyi öyrənmiş və musiqi janrı kimi ilkin olaraq klassik musiqi və caz ilə maraqlanmışdır. O, 14 yaşında gitarada ifa etməyə başlamışdır. Daue musiqiyə 50-ci və 70-ci illərin kantri, folk və pop musiqilərindən ilham aldığını söyləmişdir.

2016-cı ilin mart ayında Daue Bob Niderland telekanallarından birinə verdiyi müsahibədə özünün biseksual olduğunu açıqlamışdır.[1]

Musiqi karyerası[redaktə | əsas redaktə]

2012-2013: Born In a Storm albomu[redaktə | əsas redaktə]

2012-ci ildə Daue Bob Niderlandın De beste singer-songwriter van Nederland yarışmasında iştirak etmişdir. Yarışmada Daue özünün bəstələdiyi "Standing Here Helpless", "Icarus" və "Multicoloured Angels" mahnıları ilə çıxış etmişdir. İfaçı yarışmanın finalında qalib elan edilmiş və sinqllarından biri olan "Multicoloured Angels" Niderland hit paradlarında 17-ci yerə yüksəlmişdir. 2013-cü ilin may ayında onun Born In a Storm adlı debüt albomu işıq üzü görmüşdür. Albomdakı mahnıların hamısı məhz Dauenin özü tərəfindən bəstələnmişdir. Həmin ilin iyun ayında müğənni Niderlandın Pinkpop Festivalında çıxış etmişdir. 2013-cü ilin sonunda Dauenin atası ilə münasibətlərindən bəhs etdiyi sənədli filmi pərəstişkarlarına təqdim edilmişdir.

2014-2015: Pass It On albomu[redaktə | əsas redaktə]

2014-cü ildə Daue Bob Niderlandda keçirilən Bevrijdingsfestival-da çıxış etmişdir. Növbəti ilin yanvar ayında ifaçının Niderlandın tanınmış musiqiçilərindən biri olan Anuk ilə duet şəklində səsləndirdiyi "Hold Me" mahnısı dinləyicilərə təqdim edilmişdir. 2015-ci ilin may ayında Dauenin Pass It On adlı ikinci studiya albomu işıq üzü görmüşdür.

2016-hal-hazırda: Avroviziya Mahnı Müsabiqəsi[redaktə | əsas redaktə]

2015-ci ilin sentyabr ayında Niderlandın AVROTROS telekanalı Daue Bobun ölkəni İsveçin paytaxtı Stokholmda keçirilən Avroviziya 2016-da təmsil edəcəyini elan etmişdir.[2] Dauenin Avroviziya səhnəsində ifa etdiyi mahnı "Slow Down" 2016-cı ilin mart ayında dinləyicilərə təqdim edilmişdir. Uzun məşqlərdən sonra ifaçı 10 may tarixində baş tutan müsabiqənin yarımfinal mərhələsində 6-cı nömrə altında səhnə almışdır. Nəticədə Daue 197 xalla 5-i yerdə qərarlaşaraq, final mərhələsinə vəsiqə qazanmışdır. Müsabiqənin finalında bir daha öz mahnısını ifa edən Daue 26 ölkə təmsilçisinin mübarizə apardığı şouda 153 xal toplayaraq, 11-ci yeri tutmuşdur.

Dauenin Avroviziya ərəfəsində Fool Bar adlı üçüncü studiya albomu işıq üzü görmüşdür. Fool Bar Niderland albom siyahılarında ilk beşlikdə yer almışdır.

Diskoqrafiya[redaktə | əsas redaktə]

Albomlar[redaktə | əsas redaktə]

Albom adı İl
Born In a Storm 2013
Pass It On 2015
Fool Bar 2016

Sinqllar[redaktə | əsas redaktə]

Mahnı adı İl
"Multicoloured Angels" 2012
"Blind Man’s Bluff" 2013
"Stone Into the River"
"You Don't Have to Stay"
"Mine Again" 2014
"Hold Me"
(Anuk ilə duet)
2015
"Slow Down" 2016

İstinadlar[redaktə | əsas redaktə]

  1. "Douwe Bob komt uit de kast" (Niderlandca). Telegraaf (10 mart 2016).
  2. "The Netherlands: Douwe Bob To Represent The Netherlands". eurovision.tv.
Əvvəlki:
Triyntye Osterhös
"Walk Along"
Niderland Avroviziya Mahnı Müsabiqəsində
EuroPaíses Bajos.svg

2016
Sonrakı:
O'G3NE
"Lights and Shadows"

Xarici keçidlər[redaktə | əsas redaktə]