Durbaş (Təkab)
Bu məqalədə bəzi məlumatlarının mənbəsi göstərilməmişdir. |
Durbaş | |
---|---|
36°19′51″ şm. e. 47°13′45″ ş. u. | |
Ölkə | İran |
Əhalisi | |
Əhalisi | 1067 (2006) nəfər |
Durbaş (fars. دورباش) — İranın Qərbi Azərbaycan ostanının Tikantəpə ərazisinə daxil olan kənd.
Etimologiyası[redaktə | mənbəni redaktə et]
Bu kəndin adı Azərbaycan dilindəki dur (dayan, qalx) və baş (üst, yuxarı, yüksək, hündür) sözlərinin birləşməsindən əmələ gəlmişdir. Bu isə kəndin yüksək yerdə yerləşməsi ilə əlaqədardır.
Coğrafiya[redaktə | mənbəni redaktə et]
Durbaş kəndi Təkab bölgəsinin cənub-şərqində yerləşir. Sabil, Qırxlı və Tamay kəndləri ilə həmsərhəddir. Kənd dağlıq ərazidə yerləşdiyindən qışı çox qarlı və soyuq keçir.
Əhalisi[redaktə | mənbəni redaktə et]
2006-cı il məlumatına görə kənddə 1.067 nəfər[1] yaşayır (231 ailə). Durbaşlıların çoxu demək olarki müxtəlif şəhərlərə o cümlədən Tikantəpə, Zəncan, Urmiya,Təbriz, Tehran və Kərəc kimin şəhərlərə köçmüşlər. Təxminən 10.000 nəfərə yaxın Durbaşlı yuxarıda adları çəkilən şəhərlərdə yaşaşayır.[mənbə göstərin]
Milli tərkibi[redaktə | mənbəni redaktə et]
Durbaş kəndində yaşayanların şiə etiqadlı Azərbaycan türklərindən ibarətdirlər. Durbaşlılar Avşar boyundandırlar.
İqtisadiyyat[redaktə | mənbəni redaktə et]
Bu kənddə yaşayanların əsas gəlir qaynağı əkinçilik, davar saxlamaq və arıçılıqdır. Ancaq son illərdə meyvəçilik də az miqdarda olsa inkişaf etmişdir.
Görməli yerlər[redaktə | mənbəni redaktə et]
Durbaş kəndinin əsas görməli yerlərindən biri Ənsarlı Xoca Yaqubun türbəsidir. Bununla yanaşı Durbaş qalası və kəndin daxilində köhnə hamam öz mövcudluğunu qoruyur.
Adətlər[redaktə | mənbəni redaktə et]
- Durbaşlılar yaz fəsilinin sonuncu cümə günündə Xoca Yaqıb türbəsinə gedərək onu ziyarət edirlər.
- Bu kənddə yaşları 50-dən yuxarı olan kişilərin adının sonuna sayğı və hörmət əlaməti olaraq ka şəkilçisini əlavə edirlər. Misal: Əlika, Hüseynka və s.
İstinadlar[redaktə | mənbəni redaktə et]
- ↑ "Kəndin əhalisi". 2011-11-14 tarixində orijinalından arxivləşdirilib. İstifadə tarixi: 2011-11-14.