Elşad Quliyev (professor)

Elşad Quliyev
Doğum tarixi	23 yanvar 1941(1941-01-23)
Doğum yeri	Cəlilabad, Azərbaycan SSR, SSRİ
Vəfat tarixi	27 may 2008 (67 yaşında)
Vəfat yeri	Bakı, Azərbaycan
Vəfat səbəbi	şəkərli diabet
Fəaliyyəti	jurnalist
Mükafatları

Elşad Heybət oğlu Quliyev — professor.

Həyatı

Elşad Heybət oğlu Quliyev 23 yanvar 1941-ci ildə Cəlilabad şəhərində anadan olub. ADU-nun filologiya fakültəsini və Moskva İctimai Elmlər Akademiyasını bitirib. 3 il Lənkəranda müəllimlik edəndən sonra Azərbaycan Dövlət Televiziya və Radio Verilişləri Komitəsində işləyib. Bir müddət tərcüməçi, sonra isə televiziya proqramları baş redaktoru olub. 1972-ci ildə Komitə sədrinin birinci müavini təyin edilib. 1983-cü ildən 1990-cı ilədək Dövlət Televiziya və Radio Verilişləri Komitəsinin sədri vəzifəsində çalışıb.

1992-ci ildə yenidən Dövlət Teleradio Şirkətinə sədr təyin olunub. 1993-cü ildən 1994-cü ilə qədər Azərbaycanda ilk müstəqil televiziya kanalı - BMTİ-nin baş direktoru işləyib. Elşad Quliyev 1990-cı ildən həm də "Bilik" Maarifçilik cəmiyyətinin sədri olmuşdur. Ayrı-ayrı illərdə kütləvi informasiya vasitələri sahəsində xidmətlərinə görə orden və medallarla təltif edilib.

Azərbaycan SSR əməkdar incəsənət xadimi (1989), tarix elmləri namizədi (1990), Beynəlxalq Ekoenergetika Akademiyasının elmlər doktoru, professoru, Beynəlxalq Televiziya Akademiyasının həqiqi üzvü olmuşdur. 27 may 2008-ci ildə vəfat edib.

Rejissor Cəmil Quliyevin atasıdır.

Filmoqrafiya

1. Azərbaycan iri addımlarla addımlayır (film, 1979)
2. Xuraman (film, 1978)
3. Qızılı yamaclar (film, 1982)
4. Muğanda bir kənd var (film, 1978)
5. Nəbi Xəzri (film, 1987)
6. Oxu, tar (film, 1989)
7. Sovet Azərbaycanı (film, 1977)
8. Şəki (film, 1977)

Həmçinin bax

	Azərbaycan kino sənəti portalı