Elxan Babayev

Vikipediya, açıq ensiklopediya
Jump to navigation Jump to search
Elxan Babayev
Doğum tarixi 28 avqust 1948(1948-08-28)
Doğum yeri Bakı
Vəfat tarixi 2 fevral 2003(2003-02-02)
Vətəndaşlıq Flag of Azerbaijan.svg Azərbaycan
Elm sahəsi Musiqişünas
Elmi dərəcəsi Sənətşünaslıq doktoru
Elmi adı Professor

Babayev Elxan Əlisəttar oğlu — musiqişünas, sənətşünaslıq doktoru (1999), professor(1994).

Həyatı[redaktə | əsas redaktə]

Elxan Babayev ABİ və Musiqi Xadimləri İttifaqının üzvü olmuşdur. Üzeyir Hacıbəyov adına ADK-nın ifaçılıq və musiqişünaslıq fakültələrini (1971, 1973) bitirmişdir. 1978-ci ildən ADK-da çalışmışdır (1993-2003 illərdə BMA-nın tədris işləri üzrə prorektoru). Elxan Babayev 1981-1984-cü illərdə P. İ. Çaykovski adına Moskva Dövlət Konservatoriyasının musiqi nəzəriyyəsi kafedrasının dissertantı olmuşdur. 1985-ci ildə Moskva Dövlət Konservatoriyasında Azərbaycan dəstgahlarının ritmikası (elmi rəhbər sənətşünaslıq doktoru, professor V. N. Xolopova) mövzusunda namizədlik dissertasiyası müdafiə etmişdir. Elmi yaradıcılığı genişdir: bir neçə elmi monoqrafiyaların, 80-dan artıq elmi, elmi-metodik, elmi-publisistik məqalələrin, teleradio verilişlərinin müəllifidir. Tbilisi, Düşənbə, Almatı, Moskva, Bağdad, Ankara, Köln, Çikaqo, Tehran şəhərlərində keçirilən beynəlxalq elmi simpozium və konqreslərdə məruzələr etmiş, mühazirələr oxumuşdur.

Elmi əsərlərinə görə musiqişünasların B.Asafyev adına beynəlxalq müsabiqəsinin və “Humay” mükafatının laureatı olmuşdur. Əsas elmi maraq dairəsi Azərbaycan muğamlarının intonasiya və ritm xüsusiyyətlərinin tədqiqi ilə bağlıdır. Bu mövzuda “Azərbaycan muğam dəstgahlarının ritmikası” (1990), “Azərbaycan muğam dəstgahlarında ritm-intonasiya problemləri” (1996), “Şifahi ənənəli Azərbaycan musiqisində intonasiya problemləri” (1998) kitabları və çoxsaylı elmi məqalələri çap olunmuşdur.

Xarici keçidlər[redaktə | əsas redaktə]