Fəxri Kazım-Nicat

Vikipediya, açıq ensiklopediya
Jump to navigation Jump to search
Picto infobox music.png
Fəxri Kazım-Nicat
Fotoqrafiya
Sənətçi məlumatları
Doğum tarixi
13 may 1985 (1985-05-13) (33 yaş)
Doğum yeri Gəncə şəhəri
Peşəsi Vokal ifaçısı

Fəxri Kazım-Nicat — Azərbaycan müğənnisi. Müslüm Maqomayev adına Azərbaycan Dövlət Akademik Filarmoniyasının solisti.

Həyatı[redaktə | əsas redaktə]

Erkən illəri və təhsili[redaktə | əsas redaktə]

Fəxri Kazım-Nicat Fəxrəddin oğlu 13 may 1985-ci ildə Gəncə şəhərində ziyalı ailəsində anadan olmuşdur. 5 yaşından efirdən eşitdiyi musiqiləri ifa etməyə çalışan Fəxri musiqi məktəbində təhsil alarkən xalq mahnılarına daha çox maraq göstərdi. Səsinin tembri və çalarları vokal sənətinə yaxın olması Fəxrinin vokal janrına istiqamətlənməyinə şərait yaratdı. Uşaqlıqdan Rəşid Behbudovun pərəstişkarı olmuş, onun “Üzüyüm qaşı” mahnısını ifa etmişdir.[1]

İlk musiqi təhsilini 1995-ci ildə Gəncə şəhər F.Əmirov adına 1 saylı musiqi məktəbinin 5 illik xanəndə sinifində almışdır. Xalq artisti Şahnaz Haşımovanın sinifində təhsil almışdır. Eyni zamanda İncəsənət musiqi məktəbində də təhsil aldı. Heydər Əliyev Universitetinin nəzdində yaranan vokal kafedrasında iki il tanınmış vokalist Sevinc İbrahimovadan dərs aldı. Bakıda Asəf Zeynallı adına musiqi kollecini estrada və vokal ixtisası üzdə fərqlənmə diplomu ilə bitirmişdir. 2005-ci ildə Bakı Musiqi Akademiyasının opera ifaçılığı ixtisası üzrə bakalavr pilləsinə daxil olur. 2009-cu ildə buranı bitirir. Daha sonra magistr pilləsi üzrə dosent S.Məmmədovanın sinifində təhsil alaraq, magistr pilləsini fərqlənmə diplomu ilə bitirir.[1]

2009-cü ildə Bakı Musiqi Akademiyasının vokal şöbəsinə daxil olmuş, 2013-cü ildə buranı bitirmişdir. Azərbaycan Dövlət Akademik Opera və Balet Teatrında çalışmışdır. Hal-hazırda Müslüm Maqomayev adına Dövlət Filarmoniyasının solistidir.[1]

Fəaliyyəti[redaktə | əsas redaktə]

Fəxri Kazım Nicatın Rəşid Behbudov adına Dövlət Mahnı Teatrında ifası

Fəxri 2008-ci ildə “Azəri Star” musiqi yarışmasının iştirakçısı oldu və həmin müsabiqədə 4-cü yerə sahib çıxdı. İlk seçim mərhələsində estrada musiqisi olə ifa etdi. Münsiflər heyətinin tərkibinə Faiq Ağayev, Sənubər İsgəndərli, Elmira Şabanova, Eldar Mansurov daxil idi. Eldar Mansurov Fəxrinin ifasını bəyənmişdir. 10 həftəlik iştirakının nəticəsində sms səsverməsinə görə 4-cü yerin sahibi oldu.[1]

O, eyni zamanda 2007-ci ildən Dövlət Sərhəd Xidmətinin Nümunəvi Hərbi Orkestrinin solistidir və tez-tez orkestrlə birlikdə sərhəd bölgələrinə səfər edir.[1]

Fəxri dövlət tədbirlərində fəal iştirak edir. Azərbaycan Dövlət Mahnı və Rəqs Ansamblının 75 illiyində çıxış edib. 2012-ci ilin fevralında 6-da Beynəlxalq Muğam Mərkəzində keçirilmiş gənc ifaçıların konsertində də çıxış edib. Onun həmin il “Gəncliyin səsi” albomu işıq üzü görüb. Fevralın 10-da isə Beynəlxalq Muğam Mərkəzində əməkdar artist Elnarə Kərimovanın bədii rəhbəri olduğu “Buta” Kamera Xorunun konsertində də çıxış edib. O, eyni zamanda “Buta” Kamera Xorunun solistidir.[1]

2015-ci ildə Faşizm üzərində qələbinin 70, Sovet İttifaqı Qəhrəmanı Aliyə Moldaqulovanın isə anadan olmasının 90 illiyi münasibətilə Qazaxıstanın Aktübe şəhərində silsilə xatirə tədbirləri keçirilib. İki turdan ibarət bu müsabiqədə iştirak edən Fəxri ikinci yerin qalibi olub. Ona diplom və müəyyən qədər pul mükafatı verilib.[2]

Şəxsi həyatı[redaktə | əsas redaktə]

Ailəlidir, bir övladı var.[1]

Mükafatları[redaktə | əsas redaktə]

3 Beynəlxalq müsabiqənin iştirakçısı və laureatıdır. 2012-ci ildə Bülbül adına keçilirən musiqi müsabiqəsinin iştirakçısı, 2014-cü ildə Qazaxıstan Aqtöbə şəhərində keçirilən "Jerim menim" müsabiqəsində 2-ci yer, 2016-cı ildə isə Qazaxıstan Atırau şəhərində keçirilən "Jauk Dausı" müsabiqəsində 3-cü yerin sahibi olmuşdur. 2014-cü ildə "Dağıstan Fanfaraları" adlı Beynəlxalq festivalında DSX orkestri ilə birgə Qrand-Pri mükafatına layiq görülmüşdür. O cümlədən Mədəniyyət və Turizm nazirliyi və Türksoy xətti ilə Fransa və Qazaxəstanda keçirilən "Arşın Mal Alan" operasının 130 illiyinə həsr edilən festivalda iştirakına görə iki fəxri-fərman və TÜRKSOY-un döş nişanı ilə təltif olunmuşdur. DSX-nin Nümunəvi Hərbi Orkestrində fəalliyyətlərinə görə 20-dən çox fəxri fərman və təşəkkür almışdır. 2018-ci il avqust ayının 17-si DSX rəisi General-Polkovnik Elçin Quliyev tərəfindən Hərbi əməkdaşlığa görə xüsusi medalla təltif olunmuşdur.[1][3][4]

İstinadlar[redaktə | əsas redaktə]