Faiq Ağayev (müğənni)

Vikipediya, azad ensiklopediya
Jump to navigation Jump to search
Faiq Ağayev
Faig Agayev 2.jpg
Sənətçi məlumatları
Doğum tarixi 29 dekabr 1971(1971-12-29) (48 yaş)
Doğum yeri Bakı, Azərbaycan SSR
Vətəndaşlığı SSRİ SSRİ
Azərbaycan Azərbaycan
Peşəsi müğənni

Üslub pop musiqi
Ləqəbi Cənab Qızıl Şlyager, 100% F.A
Musiqi aləti vokal
Fəaliyyət illəri 1988–hal-hazırda
Təhsili Azərbaycan Dövlət Mədəniyyət və İncəsənət Universiteti
Mükafatları "Azərbaycan Respublikasının xalq artisti" fəxri adı — 2008 "Azərbaycan Respublikasının əməkdar artisti" fəxri adı — 2000 "Humay" mükafatı
Rəsmi veb-saytı
Commons-logo.svg Vikianbarda əlaqəli mediafayllar

Faiq Balağa oğlu Ağayev (29 dekabr 1971(1971-12-29), Bakı) — Azərbaycanın populyar və estrada müğənnisi, Azərbaycan Respublikasının xalq artisti (2008).[1][2]

Həyatı[redaktə | əsas redaktə]

Faiq Ağayev 29 dekabr 1971-ci ildə Bakıda anadan olmuşdur. 1993-cü ildə Azərbaycan Dövlət Mədəniyyət və İncəsənət Universitetinin musiqili teatr aktyoru fakültəsini fərqlənmə diplomu ilə bitirmişdir.[3].

Yaradıcılığı[redaktə | əsas redaktə]

Peşəkar səhnəyə 1988-ci ildə gəlmişdir. Həmin il "Bakı Payızı-88" respublika müsabiqəsinin qalibi olmuşdur.[4] Bu müsabiqədən sonra, "Qızıl Payız-89" respublika müsabiqəsində, Beynəlxalq "Vitebsk-90" müsabiqəsində, Beynəlxalq "Yalta-92" televiziya müsabiqəsində də diplomant olaraq, hələ tələbə ikən peşəkar ifaçı kimi ad qazanmışdır.[5] Universiteti bitirdikdən sonra Klavdiya Şuljenko adına "Xarkov-95" Beynəlxalq Retro mahnılar müsabiqəsində və "Qızıl Şlyager" – Mogilyov-96 Beynəlxalq müsabiqəsində də qalib gəlmişdir.

Bundan sonra Faiq Ağayevin peşəkar səhnə həyatında yüksəliş mərhələsi başlayır.

1996-cı ildən Azərbaycan Dövlət Teleradio Verilişləri Şirkətinin solistidir. Həmçinin, 2012–2013-cü illərdə Azərbaycan Dövlət Muğam Teatrının solisti kimi çalışıb.

1995-ci ildə müğənninin "Ola bilməz" adlı ilk albomu çıxır. Bu albomdan sonra 1996-cı ildə çıxan "Səni əvəz eləmir", 1998-ci ildə çıxan "Vəfasızım", 2000-ci ildə buraxılan "Faiq Ağayev – Seçmələr", 2000-ci ildə çıxan "Minilliyin sonu…", 2004-cü ildə işıq üzü görən "Tam məxfi" və 2006-cı ildə dərc olunan "Faiq Agayev — Albom Kolleksiyası" albomları müğənninin diskoqrafiyasını davam etdirir.

1998-ci ildə Faiq Ağayev üçgünlük "10 il Sizinlə" solo konsertinə görə "İlin konserti" nominasiyasında, 1999-cu ildə isə "Dəşti" klipinə görə "İlin klipi" nominasiyasında "Humay" Milli Mükafatının sahibi olur. Həmçinin 1999-cu ildə o, "İlin müğənnisi" nominasiyasında "Grand" Milli Mükafatını qazanır.

2000-ci il oktyabrın 28-də Azərbaycan Respublikasının Prezidenti Heydər Əliyevin fərmanı ilə Faiq Ağayevə "Azərbaycan Respublikasının əməkdar artisti" fəxri adı verilir.

2000-ci ildə "İlin müğənnisi" nominasiyasında "Qızıl Mikrofon" Milli Mükafatını qazanan Faiq Ağayev, 2001-ci ildə "İlin müğənnisi", "İlin albomu" ("Minilliyin sonu…") və "İlin konserti" ("Əsrin və minilliyin son konserti") nominasiyalarında "Grand" Milli Mükafatı sahibi olur.

2007-ci il 7–12 yanvar tarixlərində Heydər Əliyev Sarayında 5 günlük solo konsert keçirməklə Faiq Ağayev Azərbaycan musiqi tarixində rekord müddət müəyyən etmiş olur.

2008-ci ilin 17 sentyabr tarixində Faiq Ağayevə Azərbaycan Respublikasının Prezidenti İlham Əliyevin Sərəncamı ilə "Azərbaycan Respublikasının xalq artisti" fəxri adı verilmişdir.

2012-ci ilin 27–30 dekabr tarixlərində Faiq Ağayevin Heydər Əliyev Sarayında 4 günlük anşlaqlı "VİDA" solo konsertləri keçib. Pərəstişkarlar arasında "Cənab Qızıl Şlyager" adını qazanan Faiq Ağayev yaradıcılıq fəaliyyəti ərzində 300-dən çox solo konsert verib.

2013, 2015, 2018-ci illərdə Beynəlxalq "Eurovision" mahnı müsabiqəsinin Azərbaycan milli münsiflər heyətinin üzvü olub.[6] 2019-ci ildə "Eurovision" mahnı müsabiqəsinin canlı yayımında Azərbaycan milli münsif heyyətinin xallarını elan etmişdir.[7]

2015-ci ildə AzTV-də yayımlanan lisenziyalı "Səs Azərbaycan" (The Voice Azerbaijan") teleşousunda ustad münsif olmuşdur.[8]

Mükafatları[redaktə | əsas redaktə]

Diskoqrafiya[redaktə | əsas redaktə]

Mahnılar[redaktə | əsas redaktə]

Albomlar[redaktə | əsas redaktə]

Kliplər[redaktə | əsas redaktə]

Filmoqrafiya[redaktə | əsas redaktə]

  1. Qış nağılı I/II (film, 2001/2002)
  2. Adam ol! (film, 2005) (tammetrajlı bədii film) rol: müğənni Faiq
  3. "Kəklikotu" filmi[11]

Solo konsertlər[redaktə | əsas redaktə]

  • 1990 - "Ən Əziz Gün" (16.09.1990)
  • 1991 - "Ola Bilməz" (28.09.1991)
  • 1992 - "Gəl, Gülüm" (26-27.09.1992)
  • 1993 - "Naz Etmə" (23-24.05.1993)
  • 1994 -
  • 1995 - "120 dəqiqə Sizinlə"
    • Gənc Tamaşaçılar Teatrı (19-21.05.1995)
    • Respublika Sarayı (29.12.1995)
  • 1996 - "Cənab Qızıl Şlyager" (29.12.1996)
  • 1997 -
  • 1998 - "10 il Sizinlə" (27-29.12.1998)
  • 2000 - "Faiq Ağayev 2000" (12.01.2000)
  • 2000 - "Ulduzlar Dueti" Soso Pavliaşvili ilə (13.04 2000)
  • 2000 - "Əsrin və Minilliyin Son Konserti" (28.12.2000)
  • 2001 - "Tam Məxfi" (29.12.2001)
  • 2002 - "Faiq Show" with Lee Alex (23-24.11.2002)
  • 2002 - "5151" (27-28.12.2002)
  • 2004 - "1oo% F.A" (14-15.02.2004)
  • 2005 - "F.A Solo" (26-29.05.2005)
  • 2006 - "F.A 1/2" (28-29.12.2006)
  • 2007 - "FAEtirAF" (09-13.01.2007)
  • 2010 - "Sevilməli zamandır" (08.03.2010)
  • 2012 - "F.A VIDA" (27-30.12.2012)
  • 2016 - "F.A made in Azerbaijan" (29-30.12.2016)
  • 2017 - "Bollywood Night" Alişa Çinay ilə (11.11.2017)
  • 2019 - "F.A Open Air" (24.08.19)

İstinadlar[redaktə | əsas redaktə]

  1. "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (azərb.). www.anl.az. 14 fevral tarixində arxivləşdirilib.
  2. "Фаик Агаев получил должность" (rus). novosti.az. 14 fevral 2020 tarixində arxivləşdirilib.
  3. "Фаик Агаев – "Сделанный в Азербайджане"" (rus dili). ru.echo.az. 14 fevral 2020 tarixində arxivləşdirilib.
  4. Faiq Ağayev ad günündə məxsusi jest edibDay.az
  5. Народный артист Фаик Агаев собирается вновь побить рекорды — az.sputniknews.ru
  6. "Azərbaycanın "Eurovision 2015" münsifləri" (azərb.). azvision.az. 14 fevral 2020 tarixində arxivləşdirilib.
  7. Azerbaijan: Faiq Agayev Announced as Spokesperson
  8. Faiq Ağayevin tələbəsi "Səs Azərbaycan"ın finalında
  9. "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Fərmanı". e-qanun.az. 28 oktyabr 2000.
  10. "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı". e-qanun.az. 17 sentyabr 2008.
  11. ""Kəklikotu" filmi artıq TV-də" (azərb.). big.az. 14 fevral 2020 tarixində arxivləşdirilib.

Xarici keçidlər[redaktə | əsas redaktə]