Faiq Orucəliyev

Vikipediya, açıq ensiklopediya
Jump to navigation Jump to search
Faiq Orucəliyev
Orucəliyev Faiq Hacı Murad oğlu
Doğum tarixi 1934(1934-Şablondakı doğum və ya ölüm tarixində texniki yanlışlıq var!-00)
Doğum yeri Bakı, Azərbaycan
Vəfat tarixi 1997(1997-Şablondakı doğum və ya ölüm tarixində texniki yanlışlıq var!-00)
Elmi dərəcəsi texnika elmləri doktoru
Mükafatları Azərbaycan SSR dövlət mükafatı laureatı, "SSRİ İxtiraçısı" döş nişanı

Orucəliyev Faiq Hacı Murad oğlu - texnika elmləri doktoru, professor, Azərbaycan MEA müxbir üzvü

Həyatı[redaktə | əsas redaktə]

Orucəliyev Faiq Hacı Murad oğlu Bakı şəhərində anadan olmuşdur. 1958-ci ildə "Neft yataqlarının istismarı" ixtisası üzrə AzSİ-nun neft-mədən fakültəsini bitirmişdir. 1963-cü ilə qədər "26 Bakı komissarı adına" NQÇİ-də neft hasilatı üzrə operator, elmi-tədqiqat istehsalat işləri sexinin (ETİİS) baş mühəndisi işləyib. 1963-1997-ci illərdə Azərbaycan EA-nın DNQYPİ-da mühəndis, böyük mühəndis, baş elmi işçi, laboratoriya rəhbəri olub. 1968-ci ildə "Qaz-kondensat yataqlarının işlənilməsinin hidrodinamik ünsürləri" mövzusunda namizədlik, 1981-ci ildə isə "Qaz-kondensat və qaz-kondensat-neft yataqlarının işlənilməsinin qaz-hidrodinamiki əsasları" mövzusunda doktorluq dissertasiyasiyaları müdafiə etmişdir. 1989-cu ildə Azərbaycan EA-nın müxbir üzvü seçilmişdir.

Elmi fəaliyyəti[redaktə | əsas redaktə]

Orucəliyev F.H. neft və qaz yataqlarının işlənilməsi sahəsində görkəmli alimdir.

Elmi tədqiqatların sahəsi: flüid və kollektorların real xassələrinin tam nəzərə alınması ilə qaz-maye karbohidrogen sistemlərinin laylarında süzülmə prosesinin qaz-hidrodinamiki modelləşdirilməsi üsullarının işlənilməsi; müxtəlif rejimlərdə və işlənilmə sistemlərində uçucu neftlərin qaz-kondensat, qaz-kondensat-neft yataqlarının işlənilməsinin kompleks layihə edilmə üsullarının yaradılması; mürəkkəb lay proseslərinin xüsusiyyətlərinin öyrənilməsi.

Orucəliyev F.H. 180-dən artıq elmi məqalənin, 2 monoqrafiyanın müəllifidir. İxtiralara görə 5 müəlliflik şəhadətnaməsi alıb. 5 elmlər namizədi hazırlamışdır.

1982-ci ildə o, "Azərbaycanın dəniz qaz-kondensat yataqlarının ehtiyatlarının qiymətləndirilməsi və işlənilməsinin layihə edilməsinin elmi üsulları kompleksinin işlənilməsi istehsalata tətbiqi" işinə görə Azərbaycan SSR Dövlət Mükafatı laureatı adına layiq görülmüşdür[1], "SSRİ İxtiraçısı" döş nişanı ilə mükafatlanmışdır.

Mənbə[redaktə | əsas redaktə]

  • "Azərbaycanın neftçi alimləri" // Bakı, "Nafta-Press" nəşriyyatı, 2007, 252 s.

İstinadlar[redaktə | əsas redaktə]

  1. http://gia.az/view.php?lang=az&menu=66