Farer adaları milli futbol komandası

Vikipediya, azad ensiklopediya
Jump to navigation Jump to search
Farer adaları
Shirt badge/Association crest
LəqəbiLandsliðið (far. Milli), Balıqçılar, Reytt og blátt og hvítt (far. Qırmızı-mavi-ağlar)
AssosiasiyaFarer Adaları Futbol Federasiyası
(Fótbóltssamband Føroya)
KonfederasiyaUEFA (Avropa)
Baş məşqçiDanimarka Lars Olsen
KapitanAtli Qreqersen
Ən çox oyun keçirənFrouvi Benyaminsen (94)
Ən çox qol vuranReqvi Yakobsen (10)
StadionTorşvotl
FİFA koduFRO
FİFA reytinqi 108 1 (25 iyul 2019)[1]
Ən yüksək FİFA reytinqi74 (İyul 2015, Oktyabr 2016)
Ən aşağı FİFA reytinqi198 (Sentyabr 2008)
Elo reytinqi 152 21 (9 sentyabr 2019)[2]
Ən yüksək Elo reytinqi136 (Mart 2018)
Ən aşağı Elo reytinqi173 (4 iyun 2008, 10 sentyabr 2008)
Ev forması
Səfər forması
İlk beynəlxalq oyunu
 İslandiya 1–0  Farer adaları
(Akranes, İslandiya; 24 avqust 1988)
Ən böyükhesablı qələbəsi
 Farer adaları 3–0 San-Marino 
(Toftir, Farer adaları; 25 may 1995)
 Cəbəllütariq 1–4  Farer adaları
(Cəbəli-Tariq; 1 mart 2014)
 Farer adaları 3–0 Lixtenşteyn 
(Marbella, İspaniya; 25 mart 2018)
Ən böyükhesablı məğlubiyyəti
 Yuqoslaviya 7–0  Farer adaları
(Belqrad, Yuqoslaviya; 16 may 1991)
 Rumıniya 7–0  Farer adaları
(Buxarest, Rumıniya; 6 may 1992)
 Farer adaları 0–7 Norveç 
(Toftir, Farer adaları; 11 avqust 1993)
 Farer adaları 1–8 Yuqoslaviya 
(Toftir, Farer adaları; 6 oktyabr 1996)

Farer adaları milli futbol komandası (far. Føroyska fótbóltsmanslandsliðið; dan. Færøernes fodboldlandshold) — Farer adalarını futbol üzrə beynəlxalq yarışlarda təmsil edən komanda. Komanda Farer Adaları Futbol Federasiyası tərəfindən idarə olunur.

14 iyun 2019-cu ilə olan məlumata görə Farer adaları millisi FİFA reytinqində 107-ci[1], 11 oktyabr 2017-ci il məlumatına görə isə UEFA reytinqində 46-cı yerdədir[3].

Tarixi[redaktə | əsas redaktə]

Farer adaları milli futbol komandası
Komandanın baş məşqçisi Lars Olsen
Farer adaları — İtaliya oyunu (Farer adaları oyunçuları arxa plandadır)

1990-cı illər[redaktə | əsas redaktə]

Farer adaları millisi ilk oyununu 1930-cu ildə keçirmişdir. Amma komandanın 1988-ci ildən başlayaraq keçirdiyi oyunlar rəsmi oyunlar hesab edilir. Həmin il Farer Adaları Futbol Federasiyası FİFA-ya üzv qəbul olunmuşdur (UEFA-ya isə federasiya 1990-cı ildə üzv qəbul edilmişdir). Farer adalarının faktiki müstəqil dövlət statusuna malik olmamasına baxmayaraq (Danimarkanın tərkibində geniş muxtariyyata malikdir), milli yığmaya beynəlxalq yarışlarda iştirak etməyə icazə verilir. Farer adaları millisinin nailiyyətləri arasında 1989 və 1991-ci illərdə keçirilən Ada Oyunları turnirində iki qələbə var. Bu turnirdə böyük dövlətlərin ada hissələrini təmsil edən millilər çıxış edirlər (məsələn, Cəbəllütariq, Rodos, Şetland adaları).

Amma komandanın triumfu UEFA Avro 1992-nin seçmə mərhələsi çərçivəsində 12 sentyabr 1990-cı ildə oynadığı debüt oyununda Avstriya millisinə 1:0 hesabı ilə qalib gəlməsi hesab olunur. Bu tarixi oyun neytral meydanda — İsveçin Landskruna şəhərinin stadionunda oynanılmışdır. Oyunda yeganə qolu "SUyf Sandavavur" klubunun yarımmüdafiəçisi, əsas işi odun satıcılığı olan Torkil Nilsen vurmuşdur.

FİFA Dünya Kuboku 2002[redaktə | əsas redaktə]

Farer adaları millisi FİFA Dünya Kuboku 2002-nin seçmə mərhələsində də müəyyən uğurlar qazanmışdır. Seçmə mərhələnin Sloveniya millisinə qarşı keçirdiyi ilk oyununda komanda final fitinə bir neçə dəqiqə qalmış 0:2 uduzmasına baxmayaraq hesabı bərabərləşdirə bilmişdir. Baş məşqçi Allan Simonsen oyunçuların sona qədər mübarizə apardıqlarını və təslim olmadıqlarını bəyan etmişdir. Komanda bu seçmə mərhələnin öz doğma meydanında keçirdiyi digər bir oyununda, bərbad hava şəraitinə baxmayaraq Lüksemburq millisinə qalib gələrək hesabına 3 xal yazdırmışdır. Səfərdə Rusiya millisinə qarşı oynadığı oyunda isə komanda minimal hesabla — 0:1 məğlub olmuşdur. Bu oyunda Rusiya millisinin oyunçularınin vurduqları toplar dörd dəfə qapı dirəyinə dəymişdir.

FİFA Dünya Kuboku 2010[redaktə | əsas redaktə]

FİFA Dünya Kuboku 2010-un seçmə mərhələsində Farer adaları komandası rəqiblərinə xeyli problem yarada bilmişdir. Nəticədə qrupda 6-cı yer tutmasına və toplamda qapısından 20 top buraxmasına baxmayaraq, komanda Litva millisini 2:1 hesabı ilə məğlub etmiş, Avstriya millisi ilə 1:1 oynamışdır. Hər iki rəqibin Farer adaları ilə oyunda itirdikləri bu xallar onların növbəti mərhələyə çıxma imkanlarını əllərindən almışdır. Məğlub olduğu 8 oyundan 6-da Farer adaları komandası ən çox 2 top buraxmışdır.

UEFA Avro 2012[redaktə | əsas redaktə]

Farer adaları millisinin UEFA Avro 2012-nin seçmə mərhələsindəki iştirakını da birmənalı qiymətləndirmək mümkün deyil: komanda bir tərəfdən böyük hesablı, amma həm də artıq vərdiş etdiyi məğlubiyyətlərə uğramışdır (İtaliya millisinə 0:5, Sloveniya millisinə 1:5, Serbiya millisinə 0:3 uduzmuşdur). Digər tərəfdən komanda Şimali İrlandiya millisi ilə 1:1 oynayaraq hesabına 1 xal yazdıra bilmişdir. Estoniya millisi ilə Tallində keçirilən oyunda isə Farer adaları millisi 28-ci dəqiqədə hesabı açaraq son dəqiqələrə qədər hesabda irəlidə olsa da, əlavə olunmuş vaxtda Keymar Saaqın vurduğu iki qol estonlara qələbə qazandırmışdır. Amma cavab oyununda Farer adaları millisi 2:0 hesablı qələbə qazanmaqla Tallindəki oyunun revanşını almışlar.

UEFA Avro 2016[redaktə | əsas redaktə]

UEFA Avro 2016-nın seçmə mərhələsində Farer adaları millisi iki dəfə Yunanıstan millisini məğlub etməklə sensasiyaya imza atmışdır. 14 noyabr 2014-cü ildə Yunanıstanda keçirilən oyunu Farer adaları millisi Yohan Edmundssonun vurduğu qolla 1:0 qazanmışdır.[4][5]. Nəticə doğrudan da tarixi bir nəticə idi: FİFA reytinqində millilər arasındakı yer fərqi 169 idi, bununla belə yunanlar hər iki oyunu uduzmuşdular[6]. 13 iyun 2015-ci ildə keçirilən oyunda Farer adaları millisi 2:1 hesablı qələbə qazanmış[7][8], nəticədə qrupda 5-ci yeri tutmuşdur.

FİFA Dünya Kuboku 2018[redaktə | əsas redaktə]

Farer adaları yığmasının keçirdiyi ən uğurlu FİFA dünya kuboku seçmə mərhələsi 2018-in seçmə mərhələsi olmuşdur. Bu mərhələdə komanda LatviyaAndorra millilərini qabaqlayıb Portuqaliya, İsveçrəMacarıstan millilərini özündən önə buraxmaqla ilk dəfə çıxış etdiyi qrupda dördüncü yer tutmuşdur.

Futbol üzrə Avropa və dünya çempionatlarında çıxışı[redaktə | əsas redaktə]

FİFA Dünya Kuboku[redaktə | əsas redaktə]

UEFA Avropa Çempionatı[redaktə | əsas redaktə]

Məşqçiləri (federasiya FİFA-ya üzv olandan sonra)[redaktə | əsas redaktə]

Forması[redaktə | əsas redaktə]

Ev forması[redaktə | əsas redaktə]

1990
2006–2007
2008–2009
2010–2011
2011–2012
2012–2014
2014–h.h.

Səfər forması[redaktə | əsas redaktə]

2006–2007
2008–2009
2010–2011
2011–2012
2012–2014
2014–h.h.

Azarkeşlər[redaktə | əsas redaktə]

Ada əhalisinin az olmasına baxmayaraq Farer adaları millisi kifayət qədər güclü azarkeş dəstəyinə malikdir. Millinin öz himni də var: 1990-cı ildə komanda sensasiyaya imza ataraq Avstriya millisinə qalib gələndən sonra Terye Rasmussenin "Hvít sum kavi, blátt sum havi" (far. Qar kimi ağ, dəniz kimi mavi) mahnısı azarkeşlər arasında məşhurluq qazandı. Bu mahnı faktiki olaraq Farer adaları millisinin fanatlarının və oyunçularının himnidir. [9]. Məşhurluğuna görə ikinci yerdə duran mahnı isə Heri Nolsyo və Yoqvan Olsenin birlikdə yazdıqları "Reytt og blátt og hvítt" (far. Qırmızı-mavi-ağ) mahnısıdır[10].

Komandanın hazırkı heyəti[redaktə | əsas redaktə]

Aşağıdakı oyunçular baş məşqçi Lars Olsen tərəfindən 5 sentyabr 2019-cu ildə UEFA Avro 2020 seçmə mərhələsinin F qrupunda İsveç millisinə və 8 sentyabr 2019-cu ildə İspaniya millisinə qarşı keçirilən oyunda komandanın heyətinə daxil edilən oyunçulardır.

Oyunlar və qollar haqqında məlumatlar 8 sentyabr 2018-ci ildə yenilənmişdir:
Mövqe Oyunçu Doğum tarixi / yaşı Oyunlar Qollar Klub
1GK Qunnar Nilsen 7 oktyabr 1986 (33 yaş) 56 0 İslandiya Xabnarfyordör
1GK Teytur Qestsson 19 avqust 1992 (27 yaş) 6 0 Farer adaları XB Torshavn
1GK Kristian Yoensen 22 dekabr 1992 (26 yaş) 0 0 Farer adaları Kİ Klaksvik
2DF Atli Qreqersen İdman kapitanı 15 iyun 1982 (37 yaş) 55 1 Farer adaları Vikinqur Qota
2DF Reqvi Baldvinsson 6 dekabr 1989 (29 yaş) 41 3 Norveç Brüne
2DF Vilyormur Davidsen 19 iyul 1991 (28 yaş) 35 1 Danimarka Vayle
2DF Odmar Faere 1 noyabr 1989 (29 yaş) 28 0 Norveç Xam-Kam
2DF Xeyni Vatnsdal 18 oktyabr 1991 (28 yaş) 15 0 Danimarka Fremad Amager
2DF Xerdur Askxam 22 sentyabr 1994 (25 yaş) 1 0 Farer adaları XB Torshavn
2DF Maqnus Egilsson 19 mart 1994 (25 yaş) 1 0 Farer adaları XB Torshavn
2DF Andrias Eriksen 22 fevral 1994 (25 yaş) 1 0 Farer adaları B-36
3MF Xallur Xansson 8 iyul 1992 (27 yaş) 45 5 Danimarka Xorsens
3MF Gilli Rolantsson 11 avqust 1992 (27 yaş) 33 1 Norveç Brann
3MF Selvi Vatnxamar 5 may 1986 (33 yaş) 33 1 Farer adaları Vikinqur Qota
3MF Brandur Olsen 15 dekabr 1995 (23 yaş) 28 3 İslandiya Xabnarfyordör
3MF Rene Yunsen 8 fevral 1993 (26 yaş) 26 3 Farer adaları XB Torshavn
3MF Kay-Leo uy Bartalsstovu 23 iyun 1991 (28 yaş) 25 1 İslandiya Valyur
3MF Orni Frederiksberq 13 iyun 1992 (27 yaş) 8 0 Farer adaları NSİ
3MF Patrik Yoxannesen 7 sentyabr 1995 (24 yaş) 5 0 Farer adaları Ki Klaksvik
3MF Yoannes Byartaluyd 10 iyul 1996 (23 yaş) 2 0 Farer adaları Kİ Klaksvik
3MF Yokup Andreasen 31 may 1998 (21 yaş) 0 0 Farer adaları Kİ Klaksvik
4FW Yohan Suymun Edmundssen 26 iyul 1991 (28 yaş) 54 7 Almaniya Arminiya Bilefeld
4FW Klemint Olsen 17 iyul 1990 (29 yaş) 24 1 Farer adaları NSİ
4FW Meynhard Olsen 10 aprel 1997 (22 yaş) 2 0 Norveç Kristiansunn

İstinadlar[redaktə | əsas redaktə]

Xarici keçidlər[redaktə | əsas redaktə]

Həmçinin bax[redaktə | əsas redaktə]