Filippo Mariya Vizkonti (Milan hersoqu)

Vikipediya, azad ensiklopediya
Naviqasiyaya keçin Axtarışa keçin
Filippo Mariya Vizkonti
it. Filippo Maria Visconti
16 may 1412 – 13 avqust 1447
ƏvvəlkiJan Mariya Vizkonti
SonrakıQızıl Ambrosyan Respublikası
Şəxsi məlumatlar
Doğum tarixi 3 sentyabr 1392[1]
Doğum yeri
Vəfat tarixi 13 avqust 1447[2] (54 yaşında)
Vəfat yeri
Dəfn yeri
Fəaliyyəti dövlət xadimi
Atası Jan Qaleazzo Vizkonti
Anası Katerina Vizkonti (Milan hersoqinası)
Həyat yoldaşları
Uşağı Bianka Mariya Vizkonti (illeqal)
Dini katolisizm
Vikianbarın loqosu Vikianbarda əlaqəli mediafayllar

Filippo Mariya Vizkonti (it. Filippo Maria Visconti; 3 sentyabr 1392[1], Milan13 avqust 1447[2], Milan) — III Milan hersoqu. Zalımlığı və paranoyaları ilə bilinir.

Atası ilk Milan hersoqu Jan Qaleazzo Vizkonti, anası isə onun həm əmisi qızı, həm də ikinci xanımı olan Katerina Vizkontidir. Atasının vəfatının ardından özündən 4 yaş böyük qardaşı Jan Mariya anasının naibəliyi altında taxta çıxarıldı. Filippo Mariya isə atasının Paviyadakı mülklərinə sahibləndi. Ancaq zalımlığı ilə bilinən qardaşı Jan Mariyanın sui-qəsd nəticəsində öldürülməsiylə taxt-tac Filippo Mariyaya qaldı.

Şimali İtaliyadakı ticarət yollarına nəzarət uğrunda başlayan Lombardiya müharibəsi boyunca (1423-1454) Florensiya, Venesiya, Savoyya kimi mühüm şəhər-dövlətləriylə mübarizə aparan Filippo Mariya, nəhayət Roma papası V Martinin təzyiqi ilə sülh bağlamağa məcbur oldu. Ancaq papanın ölümünün ardından bu sülhü pozaraq yenidən müharibəyə qatıldı. Rəsmi şəkildə 2 dəfə evlənməsinə baxmayaraq bu nigahlardan övladı olmayan Filippo Mariya, Vizkonti sülaləsinə mənsub son Milan hersoqu oldu. Ölümünün ardından hersoqluq respublika sisteminə keçsə də, 3 il sonra onun nigahdan kənar doğulan qızı Bianka Mariyanın əri I Françesko Sforza hersoqluğu bərpa etdi.

Mənbə[redaktə | mənbəni redaktə et]

  • Rossi, Antonio Domenico (1830). Ristretto di storia patria ad uso de'Piacentini (in Italian). Maino. p. 245
  • Sabatini, Raphael (1926). Bellarion the fortunate: a romance. Boston: Houghton Mifflin
  • Tonini, Luigi (1884). Rimini (in Italian). Vol. 5. Rimini: Orfanelli e Grandi. p. 22

İstinadlar[redaktə | mənbəni redaktə et]