Financial Times
Financial Times (FT)[1] — Londonda gündəlik nəşr olunan beynəlxalq ingilis iqtisadi-siyasi qəzet və dünyanın qabaqcıl biznes xəbərləri və məlumatları təşkilatlarından biridir. Dünyanın 24 şəhərində çap olunur:[2]London, Lids, Liverpul, Dublin, Paris, Frankfurt, Stokholm, Milan, Madrid, Nyu-York, Çikaqo, Los-Anceles, San-Fransisko, Dallas, Atlanta, Mayami, Vaşinqton, Tokio, Honkonq, Sinqapur, Seul, Dubay, Yohannesburq və İstanbul.
Ümumi məlumat[redaktə | mənbəni redaktə et]
Böyük Britaniyanın gündəlik qəzeti, maliyyə sferasında ingilis dilində çıxan ən nüfuzlu dövri nəşrlərdən biri. Əsası Londonda jurnalistlər C.Seridan və Q.Bottomli tərəfindən qoyulmuş, ilk nömrəsi 09.01.1888-ci ildə çap olunmuşdur. İndiki adı ilə 13.02.1888-ci ildən buraxılır. 1945-ci ildə “Financial News” (1884) qəzeti ilə birləşən “Financial Times”-ı B.Britaniyanın “Pirson” (“Pearson”) nəşriyyat şirkəti əldə etmişdir. 1979-cu ildə qəzet ilk dəfə ölkə xaricində (Frankfurt-Maynda) nəşr olunmuş, elə həmin vaxtdan maliyyə sahəsində aparıcı dünya KİV-lərindən birinə çevrilmişdir. Özünün saytı (FT.com; 1995) olan ilk nəşrlərdən biridir. 2015-ci ildən “Financial Times” Yaponiyanın “Nikkey” mediakorporasiyasına məxsusdur. Tirajı 400 min nüsxədən çoxdur (2015).
İstinadlar[redaktə | mənbəni redaktə et]
- ↑ "Financial Times". Encyclopædia Britannica. Encyclopædia Britannica Online.Encyclopædia Britannica Inc., 2012. Web. 18 Jul. 2012 <http://www.britannica.com/EBchecked/topic/207192/Financial-Times Arxivləşdirilib 2015-04-06 at the Wayback Machine>.
- ↑ "Map Arxivləşdirilib 2007-03-03 at Archive.today." London Borough of Southwark. Retrieved on 28 October 2009.