Fleş (Barri Allen)

Barri Allen
ing. Barry Allen
"The Flash #30" buraxılışının üz qabığından olan Barri Allen təsviri. Rəssam: Brett But
Nəşriyyat	DC Comics
Yayım tarixi	"Showcase #4" (oktyabr 1956)
Yaradıcı(lar)	Robert Kanayer Karmayn İnfantino
Xüsusiyyətlər
Əsl adı	Bartalamey Henri "Barri" Allen
Doğum yeri	Sentral-siti
Cinsiyyəti	kişi
Boyu	180 sm
Çəkisi	81 kq
Göz rəngi	mavi
Saç rəngi	sarı
Vətəndaşlıq	ABŞ
Komiks bioqrafiyası
Kainat	yaxşı
Üzvlükləri	Fleş ailəsi Ədalət Liqası Mavi Fənərlər Korpusu (yalnız Blackest Night seriyasında)
Partnyorları	Spidsterlər: Fleş (Cey Qarrik) Körpə Fleş Uolli Vest Digər superqəhrəmanlar: Hel Cordan Yaşıl Ox Betmen Supermen Ecazkar qadın
Düşmənləri	Eobard Toun Kapitan Soyuq Kapitan Bumeranq Zum
Ləqəbləri	Dünyanın ən sürətli adamı
Gücləri	İşıq sürətindən daha böyük sürət yığmaq Digər spidsterlərin sürətini almaq və ya öz sürətini onlara vermək Sürət Gücünün müdafiə sahəsi Zaman səyahəti etmək Sonsuz kütlə zərbəsi endirmək Bədəninin molekullarına nəzarət Şimşək atmaq Sürətli regenerasiya Güclü beyin aktivliyi Fırtına yaratmaq Uçuş (Parallaks gücü ilə) Yavaşladılmış qocalma Su üzərində və divarda qaçma bacarığı Müxtəlif obyektlər və səddlərdən keçmə Hipermetabolizm Müvəqqətin reliktlərini yaratmaq bacarığı Dünyalar arasında səyahət Aurası ətrafında sürət gücü yaratmaq bacarığı

Bartolomey Henri Allen (ing. Bartholomew Henry Allen) — DC Comics tərəfindən nəşr edilən komikslərdə peyda olan uydurma superqəhrəman. İlk dəfə Showcase #4 (oktyabr 1956) komiksində təqdim edilən personaj Robert Kaniger və Karmayn İnfantino tərəfindən yaradılmışdır. Barri Allen, 1940-cı illərdə Cey Qarrik adı ilə təqdim edilmiş Fleş adlı superqəhrəman adını daşıyan ikinci şəxsdir. Onun gücü əsasən superinsan sürəti ilə bağlıdır. Personajın digər bacarıqları, o cümlədən vibrasiya yaradaraq əşyaların içindən keçməsi, molekullarının silkələnməsinə nəzarət etmə qabiliyyəti ilə əlaqəlidir. Fleşin geyindiyi parlaq qırmızı və qızılı rəngli kostyum küləyin təsiri və sürtülməyə qarşı davamlı materialdan hazırlanmışdır.

Barri Allenin klassik hekayələrində ilk dəfə DC Comicsin Multikainat nəzəriyyəsi təqdim olunmuş və sonrakı on illər ərzində DC hekayə xəttləri ardıcıllıqlarının yenilənməsi zamanı həmin nəzəriyyə böyük rol oynamışdır. Barri Allen həmişə DC-nin əhəmiyyətli yenidən yükləmələrində mühüm rol oynamış, "Sonsuz dünyalarda böhran" #8 (noyabr, 1985) nəşrində Multikainatı xilas etmək üçün özünü qurban verərək ölmüş və 23 il müddətində DC-nin adi sihahılarından silinmişdir. Personajın qayıdışı Qrant Morrisonun "Sonuncu böhran: Əclafların qisası" #3 (noyabr, 2008) krossoverində baş vermiş və burda onun bir bulanlıq təsviri yer almışdır. Tam həcmli qayıdış isə Ceff Consun "Fleş: Yenidən doğulma" #1 nəşri ilə başlayan altı nəşrlik limitli seriyası ilə baş tutmuşdur. Bundan sonra Barri Allen "Qaranlıq gecə" (2009), "Fleşpoint" (2011), "Konvergensiya" (2015) və "DC Rebirth" (2016) krossover hekayələrində açar rolunu oynamışdır.

Personaj həm də müxtəlif media sahələrinə uyğunlaşdırılmışdır. 1990-cı illərdə CBS telekanalının istehsal etdiyi "Fleş" teleserialında Barri Allen rolunu Con Uizli Şipp, 2014-cü ildən The CW telekanalında yayımlanan "Fleş" teleserialında isə həmin rolu Qrant Qastin canlandırmışdır. Alan Tudik, Corc İds, Ceyms Arnold Teylor, Taliesin Yaffe, DVayt Şultz, Maykl Rozenbaum, Nil Patrik Harris, Castin Çambers, Kristofer Qoram, Coş Kiton, Adam DeVayn və başqaları personajı müxtəlif animasiya filmləri və seriallarında səsləndirmişlər. DC Genişləndirilmiş Kainatına daxil olan "Betmen Supermenə qarşı", "İntiharçılar dəstəsi" və "Ədalət Liqası" filmlərində Barri Allen rolu Ezra Miller tərəfindən canlandırılmışdır.

Uydurma personaj bioqrafiyası

Polis kimyaçısı ("The Flash: Iron Heights" nəşrində onun peşəsi tibbi məhkəmə eksperti olaraq dəyişdirilir) olan Barri Allen, çox ləng adamdır və hər yerə gecikir, bu isə onun sevgilisi Ayris Vesti məyus edir. Bir gün gecə vaxtı işləyərkən şimşək kimyəvi maddələrlə dolu qutunu vurur və maddələr qarışaraq Barrinin üstünə dağılır. Bundan sonra Barri başa düşür ki, böyük sürətlə qaça bilir və müvafiq refleks və hisslərə malikdir. O, qızılı şimşək bəzəkli qırmızı kostyum geyinir (Fawcett Comicsin məşhur personajı Kapitan Marveli xatırladır), özünü Fleş adlandırır (uşaqlıq vaxtının sevimli komiks personajı Cey Qarrikin şərəfinə) və Sentral-sitidə cinayətkarlığa qarşı mübarizə aparmağa başlayır. Sentral-siti Universitetinin professoru İra Vest (Ayrisin atası) Barri üçün kostyum və Barrinin vətəndaş geyimində olduğu zaman kostumu saxladığı üzük hazırlayır. Barriyə lazım olduğu zaman kostyum üzüyün içindən çıxır, ehtiyac olmadıqla isə, xüsusi qaz vasitəsiylə kiçilərək yenidən üzüyün içinə yığılır. Bundan başqa, Barri kosmik qaçış lövhəsi icad edir ki, onun köməkliyi ilə də zaman səyahəti həyata keçirir. Allen xalq tərəfindən o qədər sevilir ki, bütün spidsterlər özlərini ona oxşatmağa çalışırlar və onunla yarışırlar. Betmen bir dəfə deyir ki, "Barri elə bir adamdır ki, valideynlərim qətlə yetirilməsəydi mən də belə biri olmaq istərdim."

Ədalət Liqası

Cim Li – Ədalət Liqası, II cild #1 (noyabr, 2011). Barri Allen, Liqanın təməl üzvlərindən biridir.

"Justice League of America" #9 nəşrinə görə, Yer kürəsini işğal etməyi qarşısına məqsəd qoymuş yadplanetlilərin hücumundan sonra, Yerin bir neçə böyük qəhrəmanı – o cümlədən Allen – güclərini birləşdirməyə qərar verir.

Superqəhrəmanlar təklikdə bir çox yadplanetliləri məğlub edə bilsələr də, onlardan biri qarşısında aciz qalırlar və başa düşürlər ki, yalnız birlikdə çalışaraq qalib gələ bilərlər. Bundan sonra qəhrəmanlar Ədalət Liqasını yaratmağa qərar verirlər.

Həmin illər ərzində Barrinin əvvəl Qara bülbül, daha sonra isə Zatannaya qarşı hissləri olsa da, o, ciddi münasibət haqqında fikirləşmir, çünki, həmişə ürəyinin dərinliyində Ayris Vesti sevdiyini başa düşür və sonradan onunla da evlənir. Allen Yaşıl Fənər Hel Cordanla dostluq edir və bu dostluq "Flash and Green Lantern: The Brave and the Bold" limitli seriyasının məzmununa çevrilir.

"The Flash" # 123 – "Flash of Two Worlds" (azərb. İki dünyanın Fleşi‎) adlanır – nəşrində Barri Dünya 2-yə səfər edərək, DC davamlılığının orijinal Fleşi olan Cey Qarriklə görüşür; məlum olur ki, Cey Qarrikin macəraları Dünya 1-də komiks kitabları kimi nəşr edilmişdir. Bu süjet xətti DC multikainatının əsasını qoymuş və Fleş nəşrlərində davam etdirilərək Dünya 1-in Amerikanın Ədalət Liqası və Dünya 2-nin Amerikanın Ədalət Cəmiyyəti arasında əlaqə yaratmışdır.

Klassik Fleş seriyasından olan "Flash" #179 nəşrində - "Fleş – Fakt yoxsa uydurma?" adlanır – Allen sonradan Əsas dünya (ing. Earth Prime) adlanan bizim dünyaya düşür; burada o, Fleş komikslərinin redaktoru Yulius Şvartzın köməkliyi ilə kosmik qaçış lövhəsi quraraq öz dünyasına qayıtmağa çalışır. O, həm də, Ayrisin qardaşı oğlu Uolli Vestin simasında köməkçi qazanır; Allenin başına gələn qəzaya oxşar qəzadan sonra Uolli də superinsan sürəti qazanır.

Faciə

Sevgilisi Ayris Vestlə evləndikdən sonra Barrinin alter eqosu onun həyat yoldaşına da bəlli olur, belə ki, Barri bu haqqda yuxuda danışmağa başlayır. Buna baxmayaraq, Ayris Barrinin sirrindən xəbərdar olmasını bildirmir və bir müddət sonra Morenonun dəstəyi ilə Barri özü, sirrini Ayrisə açır. Sonradan məlum olur ki, Ayris 30-cu əsrdən göndərilib və övladlığa götürülüb.

1980-ci illərdə Fleşin həyatı dağılmağa başlayır. Ayris Professor Zum (XXV əsrdən olan həmin supercani Ayrisi sevdiyinə görə Allenə qısqanır) tərəfindən qətlə yetirilir, Allen yenidən başqa bir qadınla evlənməyə çalışdıqda isə Zum əməlini təkrarlamaq istəyir. Allen Zumun qarşısını almaq üçün onun boynunu sındıraraq öldürməli olur. Təəssüf ki, Barri öz toy mərasiminə gəlib çata bilmir və onun həyat yoldaşı qəzəblənir.

Məhkəmə Barrini Zumun qətlində günahkar elan edir. Gələcəklə bağlı fikirlərdən asılı olan andlıların Barriyə hakimin beyninin Əksinə Fleş (Barri onun öldüyünü düşünürdü) tərəfindən yuyulmasını deməsindən sonra, o, məhkəmə zalını tərk edərək qaçır. Bundan sonra Fleş, Əksinə Fleşin hücumuna məruz qalır və başa düşür ki, sirrlərin üstünün açılması və xoş adının bərpa edilməsi gələcəklə bağlıdır, buna görə də zaman maşınını istifadə edərək andlıları gələcəyə göndərir. Onlar müəyyən edirlər ki, Fleşin xoş adını ləkələməyə çalışan Abra Kadabra, Əksinə Fleşin maskası altında gizlənmişdir. Kadabranı məğlub edən Barri, öyrənir ki, Ayrisin ruhu gələcəyə gedərək başqa bir bədəndə yaşayır və həyat yoldaşına qovuşmaq üçün gələcəyə gedir. "Fleş"in sonuncu nömrəsində "Və onlar uzun müddət xoşbəxt yaşadılar..bir vaxta kimi" yazısı altında Barri və Ayrisin ehtirasla öpüşməsi göstərilir. Sonuncu nömrədə (The Flash #350) həm də gələcək hadisələr və Fleşin gözlənilən ölümünə bir neçə işarə əksini tapmışdı.

Mübahisəli "Identity Crisis" ("Zero Hour" hadisələrindən sonra baş verir) hadisələri zamanı məlum olur ki, Barri, Ayrisin ölümündən sonra Barri, Ədalət Liqasının dörd üzvü ilə birlikdə Zatanna tərəfindən Doktor Laytın yaddaşının dəyişdirilməsinin lehinə səs vermişdir. Betmenin Liqanın nə etdiyini öyrəndikdə, Yaşıl Oxun etirazına baxmayaraq Doktor Laytın yaddaşı redaktə edilir. Nəticədə həm Betmen, həm də Doktor Laytın xatirələri bərpa olur, Doktor Layt bütün qəhrəmanlardan qisas alacağına and içir, Betmen isə tərəfdaşlarına olan inamını itirir.

Sonsuz dünyalarda böhran

Məhkəmədən sonra işdən uzaqlaşan Barri XXX əsrə gedərək orda Ayrislə qovuşur. Ayrislə birlikdə keçirilən bir neçə xoşbəxt həftədən sonra, Sonsuz dünyalarda böhran baş verir və Anti-Monitor tərəfindən ələ keçirilən Barri 1985-ci ilə qaytarılır; Anti-Monitor hesab edir ki, Fleş, öz istəyinə uyğun olaraq başqa dünyalara səfər edə bilən yeganə şəxsdir və onun azadlıqda qalması yolverilməzdir. Qaçmağa müvəffəq olan Allen, Anti-Monitorun planını pozmağa çalışır, bunun üçün o, enerjini udacaq sürət burulğanı yaradır, lakin yaranmış enerji onun bədəni üçün həddən artıq böyük olduğundan, Barri tab gətirməyərək ölür. Əvvəl, Barrinin keçmişə səfər edərək, ona güc bəxş etmiş şimşək enerjisinə çevrildiyi düşünülsə də, sonradan onun ruhunun bütün ölmüş spidsterlər üçün açıq olan Valhallada – Sürət gücünün (Spid-fors) içində yaşaması güman edilir. Barri Allenin vəfatından sonra, onun köməkçisi Uolli Vest Fleş kostyumunu geyinir.

Ölümündən sonra

"Crisis on Infinite Earths" hekayəsinin müəllifi Marv Vulf dəfələrlə qeyd edir (ilk dəfə buna orijinal "Crisis" nəşrinin bərk üzlüklü variantında işarə edilir) və sonradan öz veb saytında izah edir ki, ssenaridə Barri Allenin sonradan DC Kainatı davamlılığına qaytarılması üçün imkan qoymuşdur. Bu işarə, yazıçıya Barrini geri qaytarmağa kömək edə bilərdi. Buna baxmayaraq, BArri nə vaxtsa ölüm qaçışını tamamlamalı olduğunu biləcək və insanlara kömək etmək üçün daha çox əzmlə çalışmalı olacaqdı.

Həm də qeyd edilir ki, Sonsuz dünyalarda böhran zamanı "ölmüş" hesab edilən Barri, o qədər böyük sürətlə qaçır ki, Anti-Monitorun materiya silahını saxlaya bilir və texion silahını ona istiqamətləndirir. "Secret Origins Annual" # 2 (1988) nəşrinə görə, bu hadisədən sonra Barri onu Fleşə çevirən şimşək zərbəsinə çevrilərək keçmişə gedir.

"Deadman: Dead Again" nəşrində Barri, Dedmenin ruhunu göylərə ucalmağa kömək etdiyi qəhrəmanlardan biridir. Yaşıl Oxun "Quiver" hekayə xəttində isə Barri Allenin cənnətdə olması göstərilir. Onun ruhu isə, Maks Merkuri və digər spidsterlərlə birlikdə Spid-Forsun içində yaşayır.

Miras

Ayris hamilə qalır və Tornado əkizləri adlanan superinsan sürətli əkizləri dünyaya gətirir ki, onlar da sonradan Super-Qəhrəman Legionu ilə qarşılaşırlar. Dünya-247 kimi tanınan multiversal variantda onların uşaqlarının hər biri də, supersurətə əsaslanan bacarıqlara malikdir. Onlardan biri Cenni Oqnast böyüyərək XS Legionuna qoşulur, Bart Allen adlı digər uşaq isə sürətli metabolizmdən əziyyət çəkərək sürətlə qocaldığına görə, XX əsrə gəlir və burda Uolli Vest onu müaəlicə edir. Orada o, Maks Merkurinin nəzarəti altında İmpuls adlı superqəhrəman kimi fəaliyyət göstərir, sonradan isə ikinci Körpə Fleş kimi Yeniyetmə Titanlar dəstəsinə qoşulur. Bir il sonra, Sonsuz böhran zamanı Bart, dördüncü Fleşə çevrilir və İnierta adlı klonu və Əclaflar tərəfindən qəfildən qətlə yetirilir. Sonradan Uolli yenidən Fleş adını daşımağa başlayır. Sonradan Super-Praymla mübarizədə köməklik göstərməsi üçün XXXI əsrdə Bart, Körpə Fleş kimi Super-Qəhrəmanlar Legionu tərəfindən dirildilir.

AƏL/Qisasçılar

Seriyanın 3 saylı nəşrində Hel Cordan və Barri Allen Fleş kimi peyda olur. Qrandmaster hər iki komandaya onların gələcəklərinin necə olacağını göstərir, Barri, Sonsuz dünyalarda böhran zamanı həlk olacağını başa düşür; Qrandmaster Tanrı rolunu oynamağın ona layiq olmadığını bildirərək zamanın axarını bərpa etməyə köməklik göstərir. Barri, Hel Cordanla danışaraq onların talelərinin oxşar olduğunu, lakin, özündən sonra yaxşı miras qoyacağı halda (Uolli Vest və Kayli Reyner) ölümün o qədər də qorxulu olmadığını və onların bu istiqamətdə çalışmalı olduqlarını bildirir. Gəmini məkan baryerindən keçirmək üçün o, qaçış lövhəsi üzərində sürətlə hərəkət edərək komandanın Kronanın bazasına girməsini təmin edir. Kapitan Amerika, Fleş və Eşşək arısına Kronanın müdafiəsini sındırmağın yollarını tapmağı və ölümcül təhlükə olarsa komandanı xəbərdar etməyi tapşırır. Final döyüşü zamanı Barri, Şahingözü Hopduran-adamın hücumundan xilas etsə də, Drimslayerin törətdiyi partlayışda onlar ikisi də həlak olurlar. Sonda məlum olur ki, Barri, Şahingözü də götürərək qaçmağa müvəffəq olub, daha sonra isə, Kapitan Amerikanın göstərişi ilə Barri Kronanı yayındırır, Şahingöz isə partlayan oxla onun maşınını məhv edir. Nəticədə reallıq bərpa olunur, Barri itir, Uolli isə geri qayıdır.

Böhrandan sonrakı dövr

Hələ doğulmamış körpələrini Zumun əli ilə itirdiyinə görə kədərlənən Uolli Vest, əslində kim olduğunu ictimayətə açıqladığına görə peşmandır. Qəfildən peyda olan Barri, ölümündən bir qədər əvvəlki dövrdən gəldiyini bildirir, o, Spektra təsir edərək, Uolli və Barrinin əsl kimliyi haqqında məlumatları hamının yaddaşından silir (Uolli özü də bir müddət Fleş olmasını unudur). Bundan sonra, yoxa çıxmazdan əvvəl Barri həyatının üç çətin anında Uolliyə kömək üçün gələ biləcəyini və həmin şanslardan birini istifadə etdiyini deyir. Faktiki olaraq, orijinal Professor Zumun köməkliyi ilə Zum Uollini əkizlərindən məhrum etməyə çalışdıqda, Barri Allen öz Əksinə Fleşi ilə mübarizə aparır; Zum, Eobard Tounu Fiona Uebbi öldürmək istədiyi vaxtdan bərpa edir və Barri qisasını izləməli olur. İkinci dəfə o, Uolliyə Zumun vurduğu ziyanı aradan qaldırmağa və əkizlərini xilas etməyə kömək edir. Bundan sonra Barri öz zamanına qayıdaraq Zumu da arxasınca aparır və öz zamanında düşməninin boynunu sındırır.

Sonsuz böhran

"Infinite Crisis" seriyasının dördüncü seriyasında Barri Allen, Conni Kuik və Maks Merkuri ilə birlikdə spidforsdan gələrək nəvəsi Barta Superboy-Praymı məğlub etməyə kömək edir və qəddar canini özü ilə spidforsa aparır. "Infinite Crisis" #5 nəşrində Bart, Barrinin kostyumunda Tokioya gələrək Superboy-Praymın spidforsdan qaçdığını deyir. "Infinite Crisis" #7 nəşrində Bart yenidən Barri Allen kostyumu geyinərək, növbəti dəfə Superboy-Praymla döyüşür.

"Flash: The Fastest Man Alive" #6 (2006) nəşrində (hadisələr "Infinite Crisis" #5 hadisələrindən bir qədər əvvəl baş verir) Barrinin, Maks Merkuri, Conni Kuik və alternativ Cey Qarriklə birlikdə dörd il alternativ Keystoun-siti şəhərində yaşaması, bundan sonra Bart və Uolli Vestlə görüşərək, Superboy-Prayma qarşı mübarizədə onlara kömək etməsindən bəhs edilir. Superboy-Praymın qaçmasından sonra, Brri düşünür ki, kimsə spidforsun gücünü mənimsəyərək Böhrandan əvvəlki dünyaya qayıtmalıdır. Bart könüllü olaraq razılaşdığına görə, Barri gücə davam gətirəcək kostyumunu son hədiyyə olaraq ona bağışlayır, özü isə geridə qalır. Uollei Vest, uşaqları və həyat yoldaşına görə gedə bilmir. Bart əmin olduğunu bildirir ki, əgər Barri özü gedə bilsə idi, mütləq bunu edərdi, amma nəyə görə edə bilmədiyini demir.

Qayıdış

Qara yarışçıdan qaçan Barri Allen DC Kainatına qayıdır. Final Crisis #2 (2008). Rəssam Ceffri Qlen Cons.

İyirmi üç il əvvəl "Sonsuz dünyalarda böhran" (ing. Crisis on Infinite Earths) hadisələri zamanı vəfat etməsindən sonra, DC Universe #0 nəşrində Barri Allen yenidən DC Kainatının davamlığına qaytarılır, bundan sonra Qrant Morrisonun "Sonuncu böhran"ında (ing. Final Crisis) personajın tam qayıdışı təqdim edilir.

"DC Universe #0" nəşrində hadisələr özünü "hər şey"lə eyniləşdirən adsız hekayəçinin dilindən nəql edilir. Hadisələr inkişaf etdikcə o, Ədalət Liqası üzvləri ilə, xüsusilə Hel Cordan və Supermenlə olan əlaqələrini xatırlamağa başlayır. Əvvəl onun sözləri qara fonda yazılsa da, sonradan fonun rəngi sarı rəngə dəyişdirilir. Hadisələr inkişaf etdikcə sarı rəng qırmızıya dəyişdirilir. Son səhifələrdə həmin danışıq pəncərələri üzərində sarı şimşək görünməyə başlayır.

Zamanla o, dostluq əlaqələri və digər insanlarla münasibətlərini xatırlayır və bu, personajın zəkasını inkişaf etdirməyə kömək edir: "Mən...tanıyıram onu. Mən hər şey deyiləm. Mən, zaman prizamsının ayırdığı işıq şüasıyam". Buna baxmayaraq, o, Darksaydın hər şeyin üzərində düşən böyük kölgəsini görməyə müvəffəq olan yeganə adamdır. Sonuncu səhifədə, qırmızı səmada ay görünür və onun üzərinə sarı şimşək düşür ki, bu da Fleş loqosunu yaradır; personaj " və mən, indi xatırlayıram" deyə qeyd edir. Hekayənin adının "Qoy şimşək olsun" (ing. "Let There Be Lightning") deyə qeyd edilir.

Həmin gün "Daily News"da nəşr edilmiş məqalədə Barri Allenin qayıtması xəbər verilir, nömrənin həmmüəllifi olan Ceff Cons isə qeyd edir ki, "Ən böyük cinayətkar DC Kainatına qayıdırsa, ən böyük qəhrəmanın da qayııtmasına ehtiyac vardır."

Sonuncu böhran

Barrinin cismani qayıdışı "Final Crisis" #2 nəşrində baş tutur. Axırdan ikinci səhifədə Cey Qarrik və Uolli Vest titrəmələr hiss edirlər, Cey deyir ki, "lakin, sən bu titrəmələri tanımırsanmı? Bu ola bilməz...Bütün bu illərdən...bütün bu vaxtdan sonra..." Sonuncu səhifədə Barri Allen Orionu öldürən güllənin izinə düşərək Qara yarışını keçərək, Cey və Uolliyə səslənərək "Qaç!" deyir.

"Final Crisis #3" zamanı Cey Qarrik Barrinin həyat yoldaşı Ayris ilə danışaraq, onun ərinin əslində sağ olduğunu deyir. Bu arada Barri və Uolli bir neçə həftəlik gələcəyə qaçırlar. Dincəlmək üçün dayandıqları vaxt, Uolli Barridən həqiqətənmi özü olduğunu soruşur. Orionun ölümünün qarşısını ala bilmədiyinə görə kədərlənən Barri, uzun müddətli ölümdən sonra nəyə görə sağ olmasına təəccüblənir. Bundan sonra Barri və Uolli Anti-həyat tənliyinin təsiri "Qadın qəzəbləri" (ing. Female Furies) komandasını formalaşdırmış Ecazkar qadın, Betvumen, Pişik qadın və Giqanta ilə qarşılaşırlar.

Qadın qəzəblərinin bu yeni versiyasında Libra və Darksaydın dünya hakimliyinə gedən yolda yeganə maneəsi olan spidsterləri izləmək qabiliyyəti vardır, çünki, Barri zaman və məkanda səfər edərək, onların ələ keçirdiyi aləmlərdən qaça bilir.

Barri, həyat yoldaşı Ayrisi görmək üçün dayanır, onu, Anti-həyat tənliyinin əsirliyindən xilas edir. Uzun illər sonra ilk dəfə həyat yoldaşını görən Barri, hisslərinin əsirinə çevrilir və yaddaşı yuyulmuş həyat yoldaşını öpür. Öpüş zamanı, spidfors onun içindən çıxaraq Ayrisi ağuşuna alır və azad edir. Fəth edilmiş dünyanın taleyi, Allenlər və Uolli Vestin əlində qalır. "Final Crisis" seriyasının sonuncu – on yeddinci nömrəsində, Barri və Uolli Qara yarışçını Darksaydın yanına gətirərək, kosmik tirana zərbə endirirlər, Betmenin tanrı-gülləsi (ing. god-bullet) ilə açdığı atəş isə düşmənin tam məğlub edilməsini təmin edir.

Fleş: Yenidən doğulma

Con Romita – Fleş IV cild #51 (iyul, 2016) üz qabığı. Fleş hərəkətdə olan vaxt qırmızı qığılcım kimi göründüyünə görə xalq arasında həm də Qığılcım adı ilə tanınır.

2009-cu ildə yazıçı Ceff Cons və rəssam Etan Van Şiver "Fleş: Yenidən doğulma" (ing. The Flash: Rebirth) adlı altı jurnallıq mini seriyası yazmışdır. "Yaşıl Fənər: Yenidən doğulma" (ing. Green Lantern: Rebirth) nəşri kimi, həmin nəşr də Barri Alleni DC Kainatında əsas rola qaytarmışdır. Seriyada hansı Fleşlərin rol alacağı soruşulduqda Cons və Şiver demişdilər ki, "onların hamısı".

Seriya Sentral-siti və Keystoun-sitidə Fleşin qayıtması münasibətilə bayram tədbirlərinin təşkil edilməsi ilə başlayır, Fleşin dirilməsini ictimayətə izah etmək üçün Ecazkar qadının hökümətlə əlaqələrindən istifadə edilir, onun şahid müdafiəsi altında olması bildirilir. Qayıdışı münasibətinə təşkil edilən parad, parti və diər mərasimlərdən qaçan Barri, nəyə görə sağ olmasını düşünür. Şəhərdə yaradılmış Fleş muzeyini ziyarət və dostu Hel Cordanla görüş belə, onu sakitləşdirmir. "Mən gecikə bilmərəm" deyə o, təkrarlayır. Dostu Hel, nə üçün gecikməkdən bəhs etdiyini soruşduqda isə, Fleş cavab verir ki, "Bütün dünyanın mənə ehtiyyacı olmasına."

Sonradan məlum olur ki, Barri kiçik olarkən, onun anası qətlə yetirilib, cinayətdə günahkar hesab edilən atası isə həbs olunub (bu hekayə, Barrinin valideynlərinin hər ikisinin də sağ olduğu əvvəlki Fleş hekayələrinə uyğun gəlmir). Fleş bunu "arxada qoyduğum yeganə açıq hal" kimi təsvir edir. Barri bu haqda düşünərkən, spidster cani Savitar, Fleşin ardınca spidforsu tərk edir. Fleş əlini Savitarın çiyninə qoyarkən o, qışqıraraq "Sən hər şeyin başlanğıcı idin Allen, hər şeyin də sonu olacan" deyir və külə çevrilir. Bu zaman, Uolli Vest, Vestin uşaqları Ayris və Cey, Liberti Bell, Cey Qarrik və Körpə Fleş ağrı tutması hiss edirlər və onları şimşək vurur.

Fleşin sürət kultu ilə mübarizəsi, onların Savitarın ölümünə görə qisas almaq istəyən yeni liderinin ölümü ilə nəticələnir. Bütün spidsterlər yenidən ağrı hiss edirlər, Uolli Vest isə birbaşa Alleni görür və onun yeni – Qara Fleş obrazında olmasını hiss edir. Barri, onun qayıtmasının başqalarına ziyan vuracağını başa düşdükdə, geriyə - spidforsa qaçaraq, burada köhnə dostları Conni Kuik və Maks Merkuri ilə rastlaşır. Maks Allenə Qara Fleşə çevrilməsinin onun günahı olmamasını izah etməyə çalışır. Maks və Barri spidforsun digər tərəfinə düşərkən əsl caninin Professor Zum olması ortaya çıxır.

Zum planını açıqlayır: Barrinin Sonsuz böhran zamanı qısa müddətlik qayıdıb Superboy-Praymla mübarizədə Körpə Fleşə kömək etməsi zamanı, Toun spidforsa subliminal puls göndərərək Barrinin özünüdərkini qaytarmasını təşkil edir. Bu, qəhrəmanın Sonuncu böhran zamanı peyda olmasına gətirib çıxarır. Bundan sonra yeni spidsterə çevrilən Zum, özünün əksinə spidforsunu yaradaraq, Barri və digər qəhrəman spidsterləri ləkələməyə çalışır. Barri döyüşməyə vaxt tapmamış Zum yoxa çıxır. Uolli dayısını xilas etmək üçün spidforsa daxil olur, Barri spidforsun dərinliyinə irəlilədikdən sonra, Merkuri ona bildirir ki, spidforsu yaradan məhz Barri Allen olmuşdur. Bu arada, Uolli Barri və Maksı tapır və onlar üçü də qaçmağa başlayırlar. Üç qəhrəman spidsterin enerjiyə çatmasından sonra, Barri, Uolli, Cey, Maks və Bart birlikdə Zuma zərbə endirirlər.

Yeddi spidster (beş kişi, həmçinin Cessi Çembers və Ayris Vest-Park) Zuma qarşı döyüşə başlayırlar və say çoxluğuna baxmayaraq Zum Barrini üstələyir. O, göstərir ki, Barrinin başına gələn hər şey, o cümlədən, anasının öldürülməsi Zum tərəfindən təşkil edilib. Bundan sonra hamını məhv etməyə qərar verən Zum, Barrinin həyat yoldaşı Ayrisi onların görüşməsindən əvvəl qətlə yetirir.

Barri Zumun arxasınca gəlir və onu izləyən Uolli deyir ki, gərək zaman baryerini keçə bilmək üçün o, var gücü ilə qaçsın. Onlar Touna çataraq, Barrini Fleşə çevirən şimşəyə dönürlər və Zumun Ayrisi öldürməsinin qarşısını alırlar. İki spidster Tounu zamanda geriyə itəliyərək müasir vaxta gətirdikdə məlum olur ki, Ədalət Liqası, Amerikanın Ədalət Cəmiyyəti və Autsayderlər xüsusi olaraq Toun üçün qurğu hazırlamışlar. Barri Tounu qurğunun içinə ataraq onu aktivləşdirir və beləliklə də Zumun neqatic spidforsla əlaqəsini kəsir. Zumun qaçmasının qarşısını almaq üçün, Fleşlər onu bağlayırlar. Təhlükənin aradan qalxmasından sonra, hamı birlikdə Barri, eləcə də digər spidsterlərin qayıtmasını qeyd etməyə başlayır. Bundan sonra, Barri anasının qətli işini bağlayır və ölümündən sonra açıq qalmış digər cinayət işləri ilə məşğul olmağa başlayır. Bir müddət Ayrislə vaxt keçirdikdən sonra o, Vaşinqtona gələrək, Ədalət Liqası üzvləri ilə birlikdə qayıtmasını qeyd edir.

Qaranlıq gecə

Qaranlıq gecə hadisələri zamanı Barri Allen Mavi FƏnər Korpusunun üzvü kimi. Blackest Night: The Flash #3 komiksinin üz qabığının rəsm müəllifi Skott Kolins, 2010.

Hel Cordanla yanaşı Barri Allen də Qaranlıq gecə (ing. Blackest Night) komiksinin əsas qəhrəmanlarından biridir. Allen, Cordanla yanaşı iyul krossoverinə proloq xüsusiyyəti daşıyan "Blackest Night" #0 nəşrinin üz qabığında görnür.

Qotem-sitidə Brüs Ueynin məzarı üstünə gələrkən Hel və Barri, Betmenin ölümü üzərində düşünürlər və qəhrəmanların Ueyn və Betmenin əlaqəsini danması haqqında fikirləşirlər.

Bu zaman, onlar öz ölümlərini görürlər, Barrinin ölümü insanların ürəyində dərin kədər, Helin ölümü isə qəzəb yaradır. Bunun bunları yekunlaşdıran Hel Barriyə deyir ki, "Mən günahkar, sən isə müqəddəs kimi öləcəksən." (buna baxmayaraq o, öz sözləri və keçmiş günahları haqqında fikirləşir.) Müzakirə dünyanın getdikcə "daha təhlükəli" olmasına gəlib çatır, Barrinin ölümündən sonra Artur Karri və Marslı ovçunun ölümü, Ədalət Liqasının ruhunun ölməsi ilə nəticələnir. Qəbirsanlıqdan çıxarkən Barri bildirir ki, ölmüş silahdaşlarının bir gün onların yanına qayıdacağına ümid edir. O, Betmendən sitat gətirərək deyir ki, "Əgər qaçış varsa, əmin olun ki, Betmen artıq onu planlaşdırır."

Barri həm də Hel Cordanla birlikdə Yaşıl Fənər seriyasının hadisələrlə əlaqəli iyul seriyasında çıxış edir. Qara Fənər Conn Conzzla döyüş zamanı Brüs Ueynin məzarı üstündə qana oxşar qara kölgə görünür, həmin kölgə döyüş zamanı onun dərisinə və əzələsinə keçir, keçmiş dostu Barri və Heli öldürür, Qara Fənərlərin gözləri önündə kainatın balansını bərpa etmək üçün geri qayıdır.

Marslılar, daha sonra isə Hel, Atom, Mera, Od qasırğası və iki İndiqo tayfası nümayəndəsinin daxil olduğu Qara Fənərlərlə döyüşdükdən sonr, Barri, Uolli və Bart bütün Yer kürəsi boyunca qaçaraq, mövcud superqəhrəman dəstələrinin hamısına baş verənlər haqqında məlumat verirlər. Onun mesajı həm də Əclaflara gedib çatır. Onlar başa düşürlər ki, dəstənin ölmüş üzvləri mütləq onların arxasınca gələcəklər və buna görə də, ilk növbədə Ayron-Hayts həbsxanasına zərbə endirməyə qərar verirlər. Bu arada Barri qısa müddətlik Professor Zumun Qara Fənər versiyası ilə qarşılaşır. Şəhər rəhbəri Solovardan kömək almaq üçün Qorilla-sitiyə gedən Barri, rəhbərin çoxdan qətlə yetirildiyini bilmir. Şəhərə hücum edildiyini görən Barri, Solovarın Qara Fənərə çevrilməsini anlayan Qroddun qorxudan bu işləri törətdiyini düşünür. Onların döyüşü Kost-sitiyə yol alan Barri tərəfindən dayandırılır.

O, şəhər memorialı qarşısında dayanır və burda, Qara Fənərlərin lordu Nekronun, köməkçiləri Çapıq və Qara əllə birlikdə gəlmələrinin şahidi olur. Nekronla mübarizədə Barriyə kömək etmək üçün, Ədalət Liqası, Titanlar, Uolli və Bart da şəhərə gəlirlərlər. Nekron bildirir ki, yenidən dirilmələrinə imkan yaradılmış bütün qəhrəmanlar ona qoşulacaqlar. Bundan sonra Nekron qara üzüklərin köməyi ilə, Supermen, Ecazkar qadın, Troya, Yaşıl Ox, Bart və bir neçə başqa dirilmiş qəhrəmanı Qara Fənərlərə çevirir.

Barri və Hel Qara Fənərlərin hədəfinə çevrilirlər, qaçmayacaqları halda onlardan birinə çevrilmək təhlükəsi ilə üzləşirlər. İki saniyəlik gələcəyə qaçan Barri, özünü və Heli xilas edərək qara üzüyü hədəfsiz qoyur. Barri və Hel, Nekron və onun köməkçiləri ilə mübarizədə kömək üçün digər qəhrəmanlara qoşulduqdan sonra, Kainatın mühafizəçilərindən biri olan Qantet Mavi Fənər Korpusunu köməyə çağırır və döyüş zamanı daha effektiv olması üçün üzük Barrini seçir.

Mavi Fənər seçildikdən sonra Barri gücünü Mavi Fənər Korpusunun veteran üzvü Sent-Uolkerlə birləşdirir, Qara Fənərlərlə döyüş zamanı üzüyün gücünün sərhədlərini müəyyənləşdirir. Döyüş zamanı Barri öz nəvəsi ilə qarşılaşır. Üzük onun sağ olmasını müəyyən etsə də, qara üzüyün təsirindən təzliklə azad edilməyəcəyi halda öləcəyi ortaya çıxır. Üzük Barriyə, təsəvvürü əsasında energetik konstruksiyalar yaratmağa imkan verir, beləliklə onun hisslərini qaytara bilir. Barrinin planı demək olar ki, işləməyə başlayır, Bart, keçmişindən olan obrazlara reaksiya verir, lakin, tezliklə Qara fənərlər – Professor Zum və Solovar gələrək ona mane olurlar. Uolli və Uolker onlarla döyüşmək üçün Barriyə qoşulurlar. Barri və Bart müvəqqəti "Qaranlıq gecə"nin son hadisələri zamanı müvəqqəti olaraq Ağ Fənər Korpusuna qoşulurlar.

Fleş III cild

"Qaranlıq gecə" seriyasının tamamlanması "İşıqlı gün" (ing. Brightest Day) seriyasının başladılmasından sonra, yeni Flşə seriyasının da yayımına başlanılmışdır. "Fleş: Yenidən doğulma" (ing. The Flash: Rebirth) hadisələrindən sonra, Barri Allen Sentral-sitinin ictimai həyatına inteqrasiya olur. Şahid qoruması altında olması adı ilə Barri, Sentral-siti Polis Departamentindəki işinə və Fleş kimi şəhərin küçələrinə qayıdır. Fleş yenidən adi həyata uyğunlaşmağa çalışdığı bir vaxtda, "Əclaflar" dəstəsindən Güzgü ustası Fleş kostyumu geyinərək şəhərə çıxır və nümayişkəranə şəkildə ölür.

Hadisəni tədqiq etmək üçün oraya gələn Barri, ölən adamın nə ilk Güzgü ustası Sem Skudder, nə də hazırda aktiv olan Evan MakKollox olmadığını görür. Yeni bir portalın yaranmasını öyrənən Barri, onu tədqiq etmək üçün Fleş kostyumu geyinir və ora gedir. O, hadisə yerinə çatdlqda "Əclaflar" kimi geyinmiş, lakin XXV əsrdən gəldiklərini və "Mürtədlər" (ing. The Renegades) adlı dəstənin üzvü olduqlarını deyən canilər "Güzgü monarxı"nın qətlinə görə qisas alacaqlarını bildirirlər. Barri onlara deyir ki, heç kimi öldürməyib, buna cavab olaraq Mürtədlərin lideri olan Komandir Soyuq söyləyir ki, "Hələ ki, yox. Amma öldürəcəksən."

Qısa müddətli döyüşdən sonra hava cadugərinin diski zədələndiyinə görə, Mürtədlər XXV əsrə qayıtmalı olurlar, onların qəfil zaman sıçrayışı isə yaxınlıqdakı yaşayış binasını zədələyir. Barri bina sakinlərini xilas edir. Bundan sonra o, Güzgü monarxının əsl qatilini axtarmağa başlayır. Bu zaman o, yenidən Mürtədlərin hücumuna məruz qalır; hücum zamanı Barri, Kapitan Bumeranqın indi enerji bumeranqlarına malik olmasını öyrənir. Bumenranq həm Fleş, həm də Mürtədlərə qarşı döyüşməyə başlayır və daha sonra, Barri Allenin həqiqətənmi, onlara lazım olan adam olmasını soruşur.

Mürtədlər nəhayət ki, Kapitan Bumeranqı küncə sıxırlar, bu zaman, Əclaflar gələrək, özləri ilə böyük bir güzgü gətirirlər və deyirlər ki, sonuncu Güzgü ustası onu saxlayaraq "Fleş yenidən gəlsə, bunu sındırarsız" demişdi. Bu arada, Top (XXV əsrdən gəlmiş Mürtədlər dəstəsinin üzvü) Fleşə deyir ki, Güzgü monarxını öldürməsinin səbəbi Ayrisin öldürülməsidir. O, bildirir ki, güzgülərdən biri Ayrisə təsir edərək onu Barridən uzaqlaşdırır. Barri güzgünü sındıraraq onun təsirini dayandırmağa çalışır. Lakin, Ağ Fənər Kapitan Bumeranqa müraciət edərək bumeranq atmasını dedikdə, o, hər tərəfə onlarla bumeranq atmağa başlayır. Onlardan biri güzgüyə dəyir və o, sınır. Top Fleşə Güzgü hakimini dayandırmağı desə də, o, gedərək Ayrisi xilas edir. Top onu güzgünün içinə ataraq qaçır.

Güzgüdə Barri, anası haqqında qəribə görmələrlə üzləşir. Güzgü xaricində, Əclaflar dəstəsindən olan Güzgü ustası bildirir ki, Barrinin içində olduğu güzgü əslində yavaş təsir göstərən zəhərdir və bundan sonra, Əclaflar ordan uzaqlaşırlar. Güzgünün əsirinə çevrilmiş Barri nə baş verdiyini anlamır və "Güzgü lordu hardadır?" deyə soruşur. Bundan sonra Mürtədlər onu həbs edirlər, baş verənlərin hamısının Topun planı olduğunu və onun, Barrini öz məqsədləri üçün istifadə etdiyini anlayırlar. Barrini XXV əsrin məhkəməsinə aparırlar, Top isə Ayrisi sakitləşdirir.

Lakin, Barri, XV əsrdən qaçaraq Topun arxasınca gəlir. Top bildiriri ki, törətdiyi bütün cinayətlərin səbəbi, Barrinin əvvəl bağlanmış hesab edilən cinayət işini yenidən açmasıdır. Barri hiss edir ki, cinayətkar kimi qəbul edilən adam əslindəə günahsızdır. Günahkar olan adam isə Topun qohumlarından biridir. Top deyir ki, qohumları arasında məhbus olan birini Mürtədlər dəstəsinə götürməmək kimi bir qayda var. Fleş isə Topu döyərək, əsl günahkarın cəza almasını təmin edə bilər. Bundan sonra XXV əsr məhkəməsi bütün faktları tədqiq edərək Fleşin düz danışdığını, Mürtədlərin isə yanıldığını ortaya çıxarır. Bu, Fleş seriyasının gələcəkdə baş verəcək Fleşpoint (ing. Flashpoint) hadisəsinə işarə edir. Bu arada spidfors gücü ilə hərəkət edən motosikletdə irəliləyən kəs (sonradan məlum olur ki, o, İsti təqibçi (Hot Pursuit) kimi tanınan spidfors polis zabitidir) deyir ki, Barri qısa zamanda qığılcım nöqtəsini (fleşpoint) tapmasa, bütün dünya məhv ediləcək. O, səhrada irəlilədikcə uzaqda şimşək çaxmağa başlayır.

Yaşıl Fənər hekayə xəttində Barri Parallaksın qorxu hissinin son daşıyıcısına çevrilir, bundan sonra Hel Cordana qoşularaq, hisslər spektrının bütün daşıyıcılarını axtarmağa başlayır. Cordanın təhlükəsizliyindən qorxduğuna görə, Barri tez-tez varlığın hücumuna məruz qalır. Mərhəmətə çevrilməsindən sonra, Barri qorxunun əsarətindən azad olur, Prozelita ona, keçmişini xatırlamağa kömək edir.

Bundan sonra DC Comics Flashpoint Friday bloqu vasitəsiylə elan edir ki, Fleş seriyasının XII nömrəsi sonuncu olacaq, 25 may 2011-ci ildə çıxarılacağı elan edilən XIII nömrə isə təxirə salınıb.

Fleşpoint

Hadisələr Barri Allenin iş yerində yuxudan ayılması ilə başlayır. Barri başa düşür ki, Supermen, Ecazkar qadın və Akvamen öz xalqlarına rəhbərlik etmir, onun həyat yoldaşı Ayris hələ də subaydır, özü isə heç bir gücə malik deyildir. Barri Betmenin kömək edə biləcəyini düşünərək Qotem-sitiyə gəlir və Ueynlərin malikanəsinə girir. Kiçik Betmağaraya çatan kimi Betmen ona hücum edir. Barri kim olduğunu bildirmək üçün Betmenin Brüs Ueyn olmasını bildiyini desə də, bu reallıqda Betmenin Tomas Ueyn olmasını öyrənir. Betmen Barrini döydüyü müddətdə o, gizli kimliyinin Fleş olması və Brüs Ueynlə olan əlaqələrindən danışır. Barrinin xatirələri qəfildən dəyişməyə başlayır və o, anlayır ki, Fleşpoint reallığı alternativ reallıq deyil, Barrinin öz reallığıdır. Barri Fleş kostyumunu saxladığı üzükdən kostyumu çıxarmağa çalışdıqda, ordan Professor Zumun kostyumu çıxır. Barri Betmenə, Zumun onu ələ saldığını deyir. Barri Betmenə danışır ki, həm o, həm Zum qaçaraq zamanı dəyişməyə qadirdilər, Betmen isə ondan, Brüsün necə yaşadığını soruşur. Barri bildirir ki, o, sürətini geri qaytarmalıdır. Betmen və Barri, əvvəlcə ona güc vermiş qəzanı təkrarlamaq üçün elektrik stulu yaradırlar. Lakin, birinci cəhd uğursuzluqla nəticələnir və Barridə ciddi yanıqlar əmələ gəlir.

Ayıldığı zaman Barri Betmağarada əməliyyat masasına uzandığını görür və çoxsaylı üçüncü dərəcəli yanıqlara görə sarğılarla əhatə olunduğunu anlayır. Tomasın etirazına baxmayaraq, Barri yenidən elektrik stuluna əyləşir və ikinci cəhd zamanı sürətini qaytarmağa müvəffəq olur, bundan sonra Betmeni uçan divar altında qalmaqdan xilas edir. Sürətlənmiş regenerasiyaya görə Barrinin yaraları sürətlə sağalır. O, Fleş kostyumunun yeni kopyasını hazırlayır. Zumun onların həyatını qəsdən dəyişdiyini düşünən Barri DC kainatının qəhrəmanlarını axtarmağa çalışır və Zumun əsas məqsədinin Ədalət Liqasının yaradılmasına mane olmaqla əlaqəli olmasını düşünür. Barri öyrənir ki, Supermen kiçik olduğu vaxt Kanzasda yaşamaq əvəzinə hökümətin nəzarətinə götürülüb və onun yaşadığı Metropolisə bomba düşüb. Onlar hökümətin "Layihə: Supermen" (ing. Project: Superman) bunkerinə girmək üçün Kiborqun köməyindən istifadə edirlər. Qrup üzərində Supermen işarəsi olan nəhəng qapı ilə üzləşir. Qapını açan üçlük, rəngi qaçmış, arıqlamış Kal-Eli görür. Barri deyir ki, xarici görünüşünə baxmayaraq, Supermen həmişə yaxşı insan olaraq qalacaq. Mühafizəçilərin gəlməsindən sonra qəhrəmanlar qaçarkən, Supermen öz gücünü büruzə verərək üçlüyü arxada qoyaraq uçub gedir.

Onlar mühafizəçilərə qarşı döyüşdüyü müddətdə Ecazkar qadın köməyə yetişir. Barrinin xatirələri daha radikal şəkildə dəyişməyə başlayaraq keçmişi ilə tərs mütənasiblik təkzib etməyə başlayır. Barri bildirir ki, onun vaxtı başa çatmaq üzərədir və qısa müddət sonra o, zamanı əvvəlki axarına qaytara bilməyəcək. Barri özünə gəldikdən sonra, qəhrəmanlardan xahiş edir ki, atlantidalılar və amazonlar arasındakı müharibə dərhal dayandırılsın, lakin, qəhrəmanlar Betmenin onlara qoşulmağa razılaşmayacağı halda bu təklifi rədd edəcəklərini deyirlər. Qəhrəmanlar Yeni femiskiraya gələrək müharibəni dayandırmağa nail olsalar da, Cadugər peyda olaraq özünü amazonların casusu kimi təqdim edir və Marvel ailəsini ayıraraq ölümlü insan hallarına qaytarır. Pentesileya Billi Batsonu qətlə yetirir, Professor Zum isə özünü Barriyə göstərir. Zum Barriyə deyir ki, "Fleşpoint" zamanı axını əslində Barrinin özü tərəfindən yaradılıb; belə ki, Barri anasının Zum tərəfindən qətlə yetirilməsinin qarşısını almaq üçün keçmişə gedərkən zaman axınını dəyişib və reallığın zaman axını apokaliptik zaman axımının yaxınlığından keçməyə başlayıb. Bundan sonra Zum, Barrini ələ salaraq gülməyə başlayır; bu zaman, Betmen, qəfildən amazon qılıncı ilə Zuma arxadan zərbə endirir. Barri hadisələri əvvəlki zaman axınına qaytarmazdan əvvəl Betmen ona, etdiyi hər şeyə görə minnətdarlığını bildirir və oğlu Brüs Ueynin adına yazılmış məktub verir. Bundan sonra Zumu dayandıran özünə mane olmaq üçün keçmişə səfər etməli olan Barri, anası ilə sağollaşır. Zamanın qaytarılması zamanı Barri səs eşidir; ona deyilir ki, üç zaman kəsimi yenidən birləşərək vahidə çevrilməlidir və bu işdə Barrinin köməyinə ehtiyac vardır. Bundan sonra Barri, Brüs Ueynlə görüşərək atasının məktubunu ona çatdırır. Brüs, hadisələr öz axarına qayıtmamışdan əvvəl onu "Fleşoint" hadisələri haqqında xəbərdar etdiyinə görə Barriyə təşəkkür edir.

The New 52

DC Comics, The New 52 çərçivəsində bütün əsas başlıqları kimi, Frensis Manapul və Brayan Bruççellatonun rəhbərliyi altında "The Flash" başlığını da 2011-ci ilin sentyabrında yenidən yayımlamağa başlamışdır. DC-nin yeni nəşrlərinin hamısında Barri, əvvəlki nəşrlərlə müqayisədə beş yaş daha cavan təsvir edilir. Barri qəzəblənərək kiçik aləti pəncərəyə çırpır. Pəncərədə dəlik açılır və şimşək həmin pəncərədən keçərək Barrini vurur və Barri güc əldə edir.

Ədalət Liqasının yeni başlığının ikinci nömrəsində (New 52 çərçivəsində çıxarılmış və DC Kainatının ilk komiks kitabı) Fleş, Yaşıl Fənər və Betmenə Supermenin təsirdən çıxmağa kömək edir, daha sonra isə sonradan Darksaydın casusu olması müəyyənləşən yad planetlinin işinin araşdırılmasında onlara kömək edir. Yeni ardıcıllıqda Barri və Ayris evli deyillər, bunun əvəzinə, Barri iş yoldaşı Petti Spivotla münasibətə malikdir. Bu yeni seriyada Fleş hər dəfə Sürət gücünə daha dərin baş vuraraq zəka gücünü inkişaf etdirməyə çalışır, eyni zamanda, hələ də tam hakim olmadığı bacarıqlarını tənzimləməyə cəhd göstərir.

Həmin seriyanın #0 seriyalı nəşrindən məlum olur ki, Barrinin anasının qətlinə görə atasını həbs edirlər. Sübutlar Barrinin atasının qatil olmasını göstərsə də, o, buna inanmır.

Barri həm də Ədalət Liqasının yenilənmiş heyətinin əsas üzvlərindən biri olmaqla, seriyanın ikinci nömrəsində debüt edir. Konvergensiya hadisələrindən sonra #41 nömrəli nəşrdən başlayaraq Barri, daha tünd rəng tonlu və daha çox xətli yeni kostyum geyinir.

DC Rebirth

DC Rebirth davamlığında Barri artıq, yeganə Fleş deyil. Məlum olur ki, Uolli Vest Sürət gücündə itib, naməlum varlıq Fleşpoint böhranı zamanı Barrinin olmamasından istifadə edərək reallığı əsaslı dəyişməyə çalışıb. Darksayd müharibəsindən sonra Uolli Vest qaçmağa çalışaraq ya dostlarını xəbərdar etmək, ya da xilas olmağa çalışsa da, hər cəhdində daha çox dərinə batır. Hətta Lindanın (ənənəvi işıqlandırma çubuğu) belə onu xatırlamadığını başa düşən Uolli məyus olur və ona bəxş etdiyi həyata görə Barriyə sonuncu dəfə təşəkkür etmək qərarına gəlir. Yoxa çıxmazdan bir qədər əvvəl Barri Uollini xatırlayır və Spidforsdan çıxarır. Yenidən qovuşduqdan sonra Uolli Barrini ba verənlərin əsl səbəbindən xəbərdar edir və gözlənilən təhlükə haqqında məlumat verir. Uolli sayəsində Barri indi bilir ki, Fleşpoint hadisələrindən sonra zaman şkalası düzəlməmiş və alternativ axın yaranmışdır. Lakin, Barri, hələ də Fleşpointdən əvvəlki hadisələri xatırlamır, Cey Qarrikin kim olduğunu bilmir Əksinə-Fleş / Eobard Tounla olan düşmənçiliyinin səbəblərini xatırlamır (Əksinə-Fleş isə hər şeyi xatırlayır), Uollini isə yeni DC Rebirth xronologiyasına görə tanıyır.

Uolli tərəfindən xəbərdar edilməsinə baxmayaraq, Barri hələ də özünü günahkar hiss edir və vəziyyəti düzəltməyə çalışır. Uollinin Linda ilə olan keçmiş təcrübəsinə əsaslanan Barri və Uolli, ikincinin qayıtması xəbərini Ayrisə deməməyi qərarlaşdırırlar Buna baxmayaraq, Barri, Uolliyə “Gənc Titanlar” dəstəsinə qayıtmağı və “Körpə Fleş” kostyumunu Fleş kostyumuna dəyişməyi məsləhət görür. Uolli öz variantlarını nəzərdən keçirsə də, Barri, gedərək xarici güclərin hücumunu müzakirə etmək üçün Betmenin yanına gedir. Betmen və Barri, hansı güclə üz-üzə qaldıqlarını müəyyənləşdirməyənə kimi bildikləri məlumatları gizli saxlamağa qərar verirlər. Sonradan Eobar Tounun Ayris və Uollisə hücumu zamanı, Ayris, Fleşpointdən əvvəlki dövrdə Barri ilə birlikdə olan həyatlarını qismən də olsa xatırlayır və onun Fleş olması ilə bağlı sirri yadına salır. Barri, sonradan onların başqa xronologiyada olan evliliklərini də xatırlayır. Eobard Toun sayayəsində Ayris öyrənir ki, Barrinin zaman səfərləri nəticəsində onun həyatı tamamilə dəyişərək əvvəlkindən fərqli hal alıb və buna görə də Ayris, Barriyə olan inamını itirir. Bu arada Neqativ Spidforsa daxil olan Barri Əksinə Fleşə çevrilir və daha təhlükəli olur.

Neqativ Spidforsun təsirindən xilas olduqdan sonra, Barri Turbinin qətlini araşdırmaqla məşğul olur və Qadspidin köməyi ilə onun qisas almaq istəyən Kapitan Soyuq tərəfindən öldürüldüyünü başa düşür. Top üzərində qələbə çaldıqdan sonra Barri, Uollini ziyarət edərək ona, Ayrisin hər şeyi necə öyrənməsini danışır. Barri Ayrislə münasibətlərini bərpa etməyə çalışdığı müddətdə Qorilla Qrodd və onun Qara Dəlik təşkilatı şəhərə hücum edir.

Qroddu məğlub etdikdən sonra Barrinin vasitəçiliyi ilə Ayris və Uolli ilk dəfə görüşürlər. Bundan sonra qəhrəmanlar Əclaflar dəstəsi ilə qarşılaşmalı olurlar. Ayrisin nəyə görə Eobard Tounu öldürməsinə cavab tapmaq üçün Əclaflar Fleşlər və Ayrisi XXV əsrə aparırlar. Burda məlum olur ki, Hanter Zolomon Spidforsu məğlub etmək üçün Barri və Uollini qarşı-qarşıya gətirməyə çalışıb və bu məqsədlə də hər kəslə manipulyasiya edib.

Güc və bacarıqları

Barri Allen superinsan superinsan sürəti ilə qaçmaq bacarığına malikdir. Gümüş dövrü komikslərində o, hərəkət potensialından daha sürətli insan kimi təsvir edilir. “Flash #150” nəşrində qeyd edilir ki, “bütün əzələlərini gərginləşdirən” qəhrəman işıq sürətindən on dəfə böyük sürətlə qaçır. Lakin gələcək nəşrlərdə (Sonsuz fünyalarda böhran zamanı) göstərilir ki, Barri sürətini artırdıqca özü də enerji axımına çevrilir. “Secret Origins Annual #2” nəşrində isə Barri, bir zamanlar ona güc bəxş edən şimşəyə dönür. Sonradan bu fikir “The Flash: Rebirth #1” komiksində də təkrar olunur və Barri deyir ki, “Anti-Monitorun qarşısını aldıqda və spidforsa qarşı qaçdıqda sanki mən ona qatıldım və identikliyimi itirdim.” Barri Allenin malik olduğu bəzi bacarıqlar orijinal Fleş olan Cey Qarrik heç də həmişə təkrar edə bilmirdi. Məsələn, Barri bərk materiyalardan keçmək üçün bütün bədəni ilə atom səviyyəsində vibrasiya yarada bilir. “Cosmic Treadmill” aparatını istifadə edən Allen tez-tez zaman səyahətləri edir. Onun sürəti həm də, müvafiq şəraitlərdə qəhrəmana müxtəlif reallıqlar arasında vibrasiya etməyə imkan verir. Qrant Morrisonun “Sonuncu böhran” komiksində Barri, Həyata qarşı bərabərləşdirmənin təsirini aradan qaldırmaq və həyat yoldaşını Darksaydın beyin əsirliyindən xilas etmək üçün öz bacarıqlarını istifadə edir.

Barrinin sürəti bir sıra ikinci dərəcəli imkanlar da verir. Məsələn, Barri əllərini sürətlə yellədərək siklonları dəyişə bilir. İfraz etdiyi sürət gücü vasitəsi ilə Barri, həm də elektrik enerjisi ilə manipulyasiya edə bilir. O, elektrik enerjisini şimşək axınına çevirə bilir və maqnitizmə minimal səviyyədə təsir üçün istifadə edir. Öz şimşəyini başqa bir spidsterin şimşəyi ilə birləşdirən Barri spidforsun iştirakı ilə qapalı halqa yarada bilir. Barri, fikirlərini adi insandan daha sürətli inkişaf və hərəkət etdirdiyinə görə, həm də telepatik hücumlar və zehin idarəsinə qarşı davamlıdır. Barri böyük sürətlə öyrənərək iri həcmdə məlumat və bilikləri mənimsəyə və sonradan istifadə üçün qısamüddətli yaddaşında saxlaya bilir. Məsələn, bu bacarığını istifadə edən Barri, qısa müddətdə ev inşası texnikasını mənimsəyə və dağıdılmış evi bərpa edə bilir. Spidfors həm də Barrinin aurasını müdafiə edən xüsusi aura yaradır ki, bu da onu kinetik hücumlara qarşı davamlı edir. Barrinin sürəti ona həm də superinsan metabolizmi verir ki, bu da, faktiki olaraq regenerasiya bacarığına bərabərdir.

“The New 52” seriyasında Barri öyrənir ki, onun beyni, bədənindən fərqli olaraq spidforsdan tam həcmdə istifadə etmir. Həkim Eliasın köəkliyi ilə Barri məlumatları daha sürətlə qəbul etməyə və daha sürətli qərar verməyə başlayır və bu bacarığını hadisələri baş verməzdən əvvəl görənə kimi inkişaf etdirir. Zumun zamanı yavaşlandırmaq bacarığına qarşı dura bilmək üçün, Barri, ətrafında zaman axınını sürətləndirməyi öyrənir. DC-nin daxili leksikonuna əsasən Barri metainsan hesab edilir. Metainsanlar ya hansısa ekstranormal bacarıqla doğulurlar, ya da Barri kimi hansısa xarici faktorun təsiri ilə ekstra bacarıq əldə edirlər.

Düşmənləri

Fleş, Əclaflar adlandırılan rəngarəng düşmənlər qalereyasına malikdir. Bu düşmənlər supercani və ya supercinayətkar terminlərini bəyənməyən cinayətkarlardırlar. Əclaflar malik olduqları güclə müqayisədə çox sadə məqsədə (qarət, oğurluq və sair kimi) malik olmaqla, hər biri məqsədinə çatmaq üçün müxtəlif vasitə və bacarıqlardan istifadə edirlər.

Digər versiyaları

"The Dark Knight Strikes Again" komiksində Barri Allen qara kostyumda.

• Frenk Millerin “Qara Cəngavər cavab zərbəsi endirir” (ing. The Dark Knight Strikes Again) romanında Barri Allen köməkçi personaj kimi çıxış edir. Əsərdə Ayrisi edam etməklə hədələyən Leks Lütor, Barrini qaçmağa məcbur edərək Şərq Sahilləri üçün əsas enerji mənbəyi olaraq istifadə edir. Azad edildikdən sonra Barri ənənəvi qırmızı kostyumunun qara versiyasını geyinərək qəhrəmanlara kömək edir.
• "AƏL: Möcüzə dövrü" (ing. JLA: Age of Wonder) komiksində alim kimi çıxış edən Barri Allen, XX əsrin Tomas Edison və Nikola Tesla kimi qabaqcıl elm xadimləri ilə birlikdə Supermenə kömək edir. Burada o, Gümüş dövründə olduğu stildə kostyum və Cey Qarrikin dəbilqəsini xatırladan Merkuri stilli dəbilqə geyinir.
• “Üzüklərin hökmdarı” süjeti əsasında yazılmış “Ədalət Liqası” komiksində Barri “Faeton” kimi təsvir edilir. Burada Fleşin şimşək emblemini xatırladan broş taxan Barri sürət titrəməsindən qorunmaq üçün əjdaha qanında yuyunur.
• “Betmen: Müqəddəs terror” (ing. Batman: Holy Terror) komiksində Barri, hökumət tərəfindən həbs edilmiş metainsanlardan biridir. Betmen reyd keçirərək onlar həbsdən azad edir. Bundan sonra, Barri Betmenə hökumətin keçirdiyi təcrübələrdən danşaraq vibrasiya bacarığını idarə edə bilməyən oğlan, beyni işıq sürəti, bədəni isə adi sürətlə işləyən qız və sürətlə qocalaraq ölümə doğru gedən oğlanı göstərir. Barri və Betmen beyni yuyulmuş Zatanna üzərində qələbə çaldıqdan sonra aydın olur ki, Barrini müdafiə edən auranı deaktiv etmək də öyrənilib və bundan sonra Barri öldürülür.
• “Fleşpoint” hadisələri zamanı Barri Allenin “Hot Pursuit” adlandırılan yeni versiyası peyda olur. “Hot Pursuit”in mənşəyi və hardan peyda olması haqqında çox az məlumat vardır. Bəliidir ki, o, Barri Allenin gələcəkdən olan versiyasıdır və Fleşpoint hadisələri haqqında onu xəbərdar etmək üçün keçmişə gəlib. Ehtimal edilir ki, “Hot Pursuit”in də tarixçəsi Barri Alleninkinə oxşar olmuş və böyük anomaliyanın reallığı dəyişdirməsinə kimi elə də qalmışdır. Barri Alleni “Hot Pursuit”ə çevirən hadisə onun özünü xəbərdar etmək üçün zaman səfəri etməsinə səbəb olmuş və Fleşpoint hadisələrinin yaranasına gətirib çıxarmışdır. Flepointin geniş yayılmış təsirinə əsasən ehtimal ki, Barri sürət gücü ilə əlaqəsini itirmişdir və buna görə də kosmik motosikletdən istifadə edir. Sürət gücündən istifadə edə bilməsi üçün həmin motosikletin də daimi olaraq enerji ilə yüklənməsi lazımdır. Buna görə də, “Hot Pursuit” Barri Allen və Fleş ailəsinin digər üzvlərindən fərqli olaraq birbaşa sürət gücündən istifadə etmək imkanına malik deyildir.

Barri Allen "Buried Alien" kimi Marvel Comicsin “Quasar” komiksində.

• Marvel Comicsin “Sonsuz dünyalarda böhran” hadisələrindən sonra yazılmış “Quasar” adlı komiksində Marvel Kainatı spidsterləri Qaçan adlı kosmik şəxs tərəfindən təşkil olunmuş yarışda iştirak edirlər. Yarış Yerdən Aya qədər qaçışdan ibarətdir. Qaçış zamanı enerji trassda sarı saçları olan qırmızı geyimli və sarı çəkməli canlı yaradır. Bu canlınn yaddaşı olmasa da, qaçmaq üçün böyük istəyi olur. O, qələbə çalmağa davam edərək Marvelin Civə və Spid-Demon kimi personajlarını geridə qoyur. Ondan adının nə olduğunu soruşduqda isə cavab verir ki, “Əmin deyiləm. “Yanan yad planetli” (ing. Buried Alien)... Ya da buna oxşar nəsə.” Ondan soruşduqda isə, yaşayan ən sürətli insan olmaq necə bir hissdir, bildirir ki, “Yaxşı”. O, daha da irəli qaçaraq Fast-Forvard adını götürür və hipersürətdə itmiş Makkariyə kömək etməyə gedir.
• “Digər dünyalar” (ing. Elseworlds) seriyasından “Superman & Batman: Generations” komiksində Barrinin həyatı əvvəlki kimi olsa da, o, real qəhrəmanlar dövründədir. Bu reallıqda heç bir böhran əlaməti görünmür və 2008-ci ildə Barri hələ də sağdır.
• “Digər dünyalar” seriyasından “Flashpoint” komiksində Barri Allen ilk dəfə komikslərdə peyda olduğu 1956-cı ildə Fleş kimi çıxış edir. Burada o, daha çox dövlət işləri ilə məşğuldur. 1963-cü ildə o, Soyuq müharibəyə son qoyur və kommunistləri Vyetnamdan çıxarır. Lakin, Con Kennedinin yerinə özünü güllə qabağına verdiyinə görə, onun karyerasına son qoyulur. Onun boynundan aşağı hissəsi iflic olsa da, hələ də, dünyanın ən sürətli işləyən beyni olaraq qalır və Allen Industries şirkətini yaradır. 1988-ci ildən etibarən Vandal Sevecin “Immortality, Inc.” Şirkəti Marsı mənimsəməyə başlayır. 1998-ci ildə Mars ekspedisiyasına rəhbərlik edən Uolli Vest Marsda bütün həyatı məhv edən fleşpoint adlı əşyanı tapır. Seveyc bildirir ki, Allenə o atəş açmışdı. Bundan sonra supergüc istifadə edən Uolliyə müraciət edən Barri sağalır və Seveci məğlub edir. Bundan sonra Fleşpointə daxil olan Barri spidforsa keçir.
• “The Flash Annual #7” nəşrində göstərilir ki, Uolli Vest Körpə Fleşə çevrildikdən sonra super məşhur ulduz olur. Barri isə, Kapitan Soyuğa qarşı döyüş zamanı faciəvi şəkildə həlak olur. On il sonra Uolli iflicdən əziyyət çəkir və bu zaman Kapitan Soyuq guya Barri haqqında gerçəkləri yazaraq onu, özündən razı və faydasız insan kimi tanıdır. Uolli müəlliminin dahiliyini göstərmək üçün film çəkməyə qərar verir. Nəticədə film uğurlu alınır.
• Superqəhrəmanların kimliklərini gizlətmədikləri Dünya-51-də Barri Allen Yedi Dünyanın Monitoru tərəfindən öldürülür.
• “JLA: The Nail” komiksində Barri Allen Ədalət Liqasının üzvüdür, Supermen isə qəhrəman deyil və dəstəyə çox gec qoşulur. Superboyun Superqəhrəmanlar Legionu ilə macəraları yerinə Fleş dəstəyə qoşulur və onlarla birlikdə XXX əsrə gedir. Barri Allenin “JLA: The Nail” versiyası faktiki olaraq böhrandan əvvəlki Dünya-1 versiyasına uyğun olsa da, kostyumunun daha çox Uollinin kostyumu ilə oxşar olmasına görə fərqlənir. Onun əsas uğuru Amazo ilə qarşıdurma zamanı onu məğlub etməsi olur.
• “Ədalətsizlik: Tanrılar bizim aramızda” (ing. Injustice: Gods Among Us) prikvel komiksində Barri, dünyanı cinayətkarlıqdan xilas etmək üçün Supermenin yaratdığı yeni rejimə qoşulur. Lakin o, eyni zamanda azsaylı peronajlardandır (Şazam ilə birlikdə) ki, Supermenin daha radikal qərarlarını tənqid edərək, mənəvi əsasları qorumağa çalışır. Betmen, rejimin təhlükəli olması haqqında Barrini inandırmağa çalışsa da, Barri, Supermenin yaratdığı rejimin tərkibində qalmaqda davam edir və Supermeni radikal addımlardan çəkindirməyə çalışır. Oyunda, onun etikasına şübhə edən Şazamın Supermen tərəfindən öldürülməsindən sonra Barri rejimdən uzaqlaşır. O, etirazçılar dəstəsinə qoşulur və Supermenin diktaturasına son qoyulmasında həlledici rol oynayır. Barri Liqanın digər üzvləri ilə birlikdə həbs olunsa da, Betmen sayəsində azad edilir. Doktor Rendall onu yenidən Fleş olmağa və Breyniakın hücumunu dayandırmaqda qəhrəmanlara kömək etməyə inandırır.
• Barri Allenin “Dark Nights: Metal” (azərb. Qaranlıq gecələr: Metal‎) komiksində təqdim edilən versiyası əslən Dünya-Mənfi-52-dəndir. Qaranlıq Multikainat olan bu dünyada dostlarını itirən Betmen dəli olur. Bundan sonra Barrinin bədənini udan Betmen sürət gücünü mənimsəyir və özünü “Qırmızı ölüm” adlandırır. Lakin, Barrinin zəkası Brüs Ueynin bədənində qalır və hücumunu dayandırması üçün ona yalvarır. Müsbət enerji tərəfindən məğlub edilən Qırmızı ölümün yoxa çıxmasından sonra Brüs ölür və Barrini sağ buraxır. Bu zaman onun kostyumu rəngini qırmızıdan qızılıya dəyişir. Barri bütün gücü ilə Dünya-0-dan olan həmkarına kömək etməyə çalışır. Lakin, Dünya-Mənfi-52-dən olan Barri faktiki olaraq “qaranlıq varlığı” olduğuna görə müsbət enerji həmin anda onu hissələrə parçalayaraq məhv edir.

Digər mediada

Filmlərdə

Ezra Miller Barri Allen/Fleş kimi "Ədalət Liqası" filminin təbliğat afişasında.

Həmçinin bax: DC Genişləndirilmiş Kainatı

DCGK-da Barri Allen/Fleş rolunu aktyor Ezra Miller canlandırır. Bu kainatda kollec tələbəsi olan Barri anasına qarşı törədilmiş cinayətin üstünü açmağa və atasını həbsdən xilas etməyə çalışır. Onun kostyumunun hazırlanması zamanı kosmik şatlların korpusunun hazırlanmasında istifadə edilən materiallardan istifadə edilmişdir. Barrinin həmin materialları hardan əldə etməsi isə izah edilmir. "Ədalət Liqası" filminin sonunda Barri artıq, Sentral-siti Polis Departamentində işləyir.

• Barri ilk dəfə 2016-cı ildə çıxarılmış “Betmen Supermenə qarşı: Ədalətin şəfəqi” filmində görünür. Burda o, zaman səyahəti edərək keçmişə gəlir və Brüs Ueyni xəbərdar edərək apokaliptik gələcəkdən danışır. Leks Lütorun gizlincə ələ keçirdiyi videoyazıda isə Barri soyğunun qarşısını alır.
• 2016-cı ildə çıxarılmış “İntiharçılar dəstəsi” filmində Miller rolunu təkrarlayır və Kapitan Bumeranqın həbs edilməsi ilə bağlı fleşbekdə görünür.
• 2017-ci ildə çıxarılmış "Ədalət Liqası" filmində Brüs Ueyn tərəfindən dəvət edilən Barri, Liqaya qoşulur. Filmdə məlum olur ki, Barrinin doqquz yaşı olduqda anasının qətlinə görə, onun atasını həbs ediblər. Film müddətincə Barri Viktor Stounla dostlaşır. Steppenvolfun yerə hücumu zamanı Barri döyüşdə iştirak edir və çoxlu insanın həyatını xilas edir. Filmdə Barri özünü “hippi, uzun saçlı cazibədar yəhudi oğlan” adlandırır ki, bu da onu kinematoqrafda ilk yəhudi superqəhrəman edir.
• Miller 2021-ci ildə çıxarılmaşı planlaşdırılan “Fleş” filmində rolunu təkrarlayacaq.

Animasiya filmlərində

• “Ədalət Liqası: Yeni sərhəd” (ing. Justice League: The New Frontier) animasiya filmində Barri Allen rolu Nil Patrik Harris tərəfindən səsləndirilmişdir.
• Barri, “AƏL Macəraları: Zamanın tələsində” (ing. JLA Adventures: Trapped in Time) animasiya filmində görünür.
• “Ədalət Liqası: Dum” (ing. Justice League: Doom) filmində Barri rolu Maykl Rozenbaum tərəfindən canlandırılmışdır.
• Eyniadlı videooyunun adaptasiyası olan “Lego Betmen: Film – DC Superqəhrəmanları birləşir” (ing. Lego Batman: The Movie – DC Super Heroes Unite) filmində Barri rolu Çarli Şlatter tərəfindən səsləndirilmişdir.
• “Leqo film” (ing. The Lego Movie) animasiya filmində Barri Master İnşaatçı kimi iştirak edir.
• “Ədalət Liqası: Fleşpoint paradoksu” (ing. Justice League: The Flashpoint Paradox) animasiya filmində Barri Allen rolu Castin Çambers tərəfindən səsləndirilmişdir.
• “Ədalət Liqası: Müharibə” (ing. Justice League: War) filmində Barri Allen rolu Kristifer Qorem tərəfindən səsləndirilmişdir.
• “Ədalət Liqası: Atlantida taxtı” (ing. Justice League: Throne of Atlantis) filmində Barri Allen rolu yenidən Kristofer Qorem tərəfindən səsləndirilmişdir.
• “Ədalət Liqası Gənc Titanlara qarşı” (ing. Justice League vs. Teen Titans) filmində Barri Allen rolu yenidən Kristofer Qorem tərəfindən səsləndirilmişdir.
• “DC Superqəhrəman qızları” (ing. DC Super Hero Girls: Super Hero High) filmində Barri Allen ali məktəb tələbəsidir.
• “Lego Betmen filmi”də (ing. The Lego Batman Movie) Barri Allen rolu Adam DeVin tərəfindən səsləndirilmişdir.
• “DC Superqəhrəmanları Qartal Talona qarşı” (ing. DC Super Heroes vs. Eagle Talon) filmində Barri Allen rolu Daisuke Namikava tərəfindən səsləndirilmişdir.
• “Gənc Titalar irəli” (ing. Teen Titans Go! To the Movies) filmində Barri qısa müddətdə görünür.

Televiziyada

Cizgi seriallarında

• “Supermen/Akvamen: Macəra saatı” animasiya serialında Körpə Fleşlə birlikdə Barrinin də macəraları göstərilmişdir. Supermen, Yaşıl Fənər, Qırğı-adam və Atomla birlikdə Barri Allen, həm də, Amerikanın Ədalət Liqasının təməl üzvlərindən biri olmuşdur.
• Barri Allen həm də “Super dostlar” (ing. Super Friends) teleserialında görünür. "Super dostlar”, “Tam yeni Super dostlar saatı” (ing. The All-New Super Friends Hour), “Super dostların sınağı” (ing. Challenge of the Super Friends), “Super dostlar” və “Super güclər dəstəsi: Qalaktikanın keşikçiləri” (ing. The Super Powers Team: Galactic Guardians) teleseriallarında AƏL üzvləri olan Fleş, Yaşıl Fənər və Betmen Supermenlə və Super dostlar dəstəsininn digər üzvləri ilə birləşirlər.
• Brüs Timm və Pol Dini tərəfindən yaradılmış DC Animasiya Kainatı seriallarında Barri Allen heç vaxt görünməsə də, bəzi seriyalarda onun adı çəkilmiş və ya hadisələrə təsirindən bəhs edilmişdir. “Ədalət Liqası” teleserialının "The Brave and the Bold" adlı seriyasında polis işçisi Barri Allenin adını çəkir. “Limitsiz Ədalət Liqası” (ing. Justice League Unlimited) animasiya serialının “Flash and Substance” adlı seriyasında Uolli Vest “Fleş muzeyi”ndəki ithaf mərasiminə çatmaq üçün “uçan” dayısını xatırlayır. Serialın Fleşi olan Uolli Vestin hekayəsində bir çox elementlər Barri Allenin həyatını xatırladır.
• “Betmen” teleserialının dördüncü mövsümünün “The Joining, Part Two” adlı seriyasında Barri Allen kiçik kameo roluna malikdir. Həmin serialın beşinci mövsümünün “A Mirror Darkly” adlı seriyasında Fleş rolu, bu rolu “Supermen: Animasiya serialı”nda da həmin obrazı səsləndirmiş Çarli Şletter tərəfindən səsləndirilmişdir.
• “Betmen: Cəsur və mərd” serialında Barri Allen rolu Alan Tyudik tərəfindən səsləndirilmişdir. "Sidekicks Assemble!" seriyasında Yeri asteroid təhlükəsi gözləyərkən Barri, Ədalət Liqasının digər üzvləri ilə birləşir. "Requiem for a Scarlet Speedster!" seriyasında məlum olur ki, Barri, Professor Zumu həbs etməyə çalışarkən ölüb. Lakin, sonradan aydınlaşır ki, Barri sadəcə başqa zaman axımına düşüb. Cey Qarrik, Körpə Fleş (Uolli Vest) və Betmenin köməkliyi ilə Barri Zumu məğlub edir və öz zamanına qayıdır.
• “Gənc Ədalət” animasiya seriyasında Barri Allen AƏL üzvü və Körpə Fleşin müəllimidir. Əvvəlcə o, Corc İds, daha sonra isə “Endgame” seriyasında Ceyms Arnold Teylor tərəfindən səsləndirilmişdir. Orijinal Gümüş dövrü kostyumundan fərqli olaraq, burda Barri Uollinin kostyumuna oxşar kostyum geyinir. Serialla əlaqəli komiks seriyasının #5 nömrəsində məlli olur ki, 1940-cı illərdə Cey Qarrikə güc vermis qəzanın laboratoriya şəraitində təkrarlanması sayəsində Barri Fleş gücünü əldə etmişdir.
• The CW telekanalının “Fleş” teleserialında Barri Allen rolunu canlandıran Qrant Qastin, həmin telekanalın “Viksen” adlı veb-serialında da rolunu təkrarlamışdır.
• “DC Superqəhrəman qızları” teleserialında Barri Allen rolu Coş Kiton tərəfindən səsləndirilmişdir.
• “Ədalət Liqası Döyüş” teleserialında Barri Allen rolu yenidən Çarli Şlatter tərəfindən səsləndirilmişdir.

Teleseriallarda

• 1970-ci illərdə çıxarılmış “Superqəhrəmanların əfsanələri” adlı iki hissəli xüsusi buraxılışda aktyor Rod Haas 1979-cu ilin “Fleş”indən olan Barri Alleni canlandırmışdır.
• 1997-ci ilin uğursuz “Amerikanın Ədalət Liqası” serial pilotunda Barri Allen rolu Kenni Conston tərəfindən canlandırılmışdır.
• “Smolvil” serialının dördüncü mövsümünün “Run” adlı seriyasında İmpuls kimi çıxış edən Bart Allen (aktyor Kayli Qallner tərəfindən canlandırılıb) adlı spidster görünür. O, güc və bacarıqlarını şəxsi mənfəəti və inkişafı üçün istidadə edən yeniyetmə kimi təqdim edilir. Bart həm də, DC Kainatının üç əsas Fleşi olan Cey Qarrik, Barri Allen və Uolli Vestn kimliyini müəyyənləşdirməyə çalışır. Altıncı mövsümün “Justice” adlı seriyasından sonra, Bart İmpuls adı ilə serialın əsas personajlarından biri kimi çıxış edir. Həmçinin, serialda onun Fleş olması heç vaxt qeyd edilmir. Serialın yaradıcısı bildirir ki, müəllif hüquqları məsələsinə görə Fleş adını istifadə edə bilmədiklərinə görə, onlar İmpuls adından istifadə etmişlər.

Ox Kainatında

Aktyor Con Uizli Şipp 1990-cı illərdə CBS telekanalında yayımlanmış "Fleş" teleserialında Barri Allen rolunda.

Aktyor Qrant Qastin 2010-cu illərdə CW telekanalında yayımlanan "Fleş" teleserialında Barri Allen rolunda.

• 1990-cı illərin layv-ekşn teleserialı olan “Fleş”də bu titulu Barri Allen daşımışdır. Allen bu serialda Uolli Vestin sosial həyatından elementlərə malik olsa da, qardaş və əmiuşağı kimi yeni personajlara da malikdir. Serialda Barri Allen rolunu Con Uizli Şipp canlandırmışdır. Fleşin bu versiyası səs baryerini aşdıqdan sonra maksimum sürətə çatır və dincəlir. İlk öncə CBS telekanalı Fleş rolunu aktyor Cek Koulmana təklif etsə də, o, Brodveydəki karyerasına davam etməyi üstün tutmuşdur. Barri Sentral-siti Polis Departamentində məhkəmə tibbi ekspertizasında çalışmışdığı zaman şimşək onun laboratoriyasına düşmüş və kimyəvi maddələrlə qarışaraq onu vurmuşdur. Özünə gəldikdən sonra Barri başa düşür ki, superinsan sürəti əldə edib. S.T.A.R. Labsda çalışan alimlərdən olan Dr. Kristina MakGinin yaratdığı dərin dalğıcların hidrokostyumuna bənzər geyimin köməkliyi ilə Barri gücünə nəzarət etməyi öyrənir. Barrinin böyük qardaşı və həmkarı Cey Allen cinayətkar dəstə rəhbəri və keçmiş polis işçisi Nikolas Payk tərəfindən öldürüldükdən sonra, Barri, kostyumun maskalı variantını geyinir və özünü Fleş adlandırır. Paykın həbs edilməsindən sonra, Barri, potensialının Sentral-sitidə cinayətkarlığın azaldılması üçün istifadə etməyə qərar verir və buna görə də polisə kömək etməyə başlayır. Sonradan həmin Fleşin yaşadığı aləm Dünya-90 adlandırılmışdır. Şipp həm də Dünya-1-dən olan Fleşin (Qrant Qastin tərəfindən canlandırılır) atası Henri Alleni canlandırır. 2014-cü il teleserialında Henrinin Dünya-3 versiyası isə Cey Qarrik/Fleşdir. “Ox Kainatı”nın “Digər dünyalar” adlı krossoverində Şipp, 90-cı illərin “Fleş” serialından olan roluna qayıtmaqla, həm də Qarrik kimi çıxış edir.
• “Ox Kainatı”nda Qrant Qastinin canlandırdığı Barri Allen, ilk dəfə “Ox” teleserialının “Alim” və “Üç ruh” adlı seriyalarında görünür. Burada Starlinq-sitiyə gələn Barri, şəhərdə törədilmiş bir cinayətin üstünün açılmasında qəhrəmanlara kömək edir və bu yolla 11 oı əvvəl anasını öldürmüş cinayətkarın izinə düşməyə çalışır. Barri həm də, vigilant idolu olan Oxla görüşməyə ümid edir. Tezliklə Barri, Ox maskası altında qəhrəmanlıq edən şəxsi Oliver Kuin olduğunu öyrənir. Qəhrəmanlar qısa zamanda dostlaşırlar. Sonradan Fleş kimi tanınan Barri, “Fleş Oxa qarşı”, “Dünənin əfsanələri”, “İşğal!”, “Dünya-İks-də böhran” və “Digər dünyalar” krossover seriyalarında Ox və onun komandası ilə birlikdə çalışır.
• 2014-cü ildə Qastinin iştirakı ilə “Ox” serialının spin-offu olan “Fleş” serialı təqdim edilir. Serialda S.T.A.R. Labs-da baş vermiş partlayışdan sonra əmələ gəlmiş şimşək tərəfindən vurulan Barri, superinsan gücü əldə edir. Bundan sonra Barri Sentral-sitidə partlayışdan sonra peyda olmuş metainsan cinayətkarlara qarşı mübarizəyə başlayır. Serial inkişaf etdikcə Barri, komikslərdən olan bir neçə əsas düşməni ilə - o cümlədən Eobard Toun/Əksinə Fleş, Dünya-2-dən olan spidster Hanter Zolomon/Zum, alternativ taymlayndan olan dələduz Savitar, intellektual cani Klifford DeVo/Filosof və serial qatil Sikada ilə qarşılaşmalı olur. Serial ərzində Barri güc və bacarıqlarını da inkişaf etdirərək titirəmə nəticəsində bərk obyektlərdən keçmə, sürətlə müvəqqəti bilik qazanma və zaman və paralel aləmlərə səfər etmə bacarığı əldə edir. Qastin, “Supergörl” serialı ilə olan “Dünyanın ən yaxşıları” və “Meduza” krossoverlərində də rolunu təkrarlamışdır.
  • Serialda Qastin həm də Barrinin Dünya-2-dən olan qeyri-metainsan doppelangerini, həmçinin gələcəkdən olan cinayətkar Savitarı canlandırır.
  • Mark Quqqenheym müsahibə zamanı bildirmişdir ki, “Azadlıq döyüşçüləri: Şüa” serialındakı Baron Blitzkriq Barri Allenin Dünya-İks-dn olan doppelangeridir. Lakin, həmin müsahibədən sonra Dünya-İksə baxış dəyişdirilmiş, Qara Ox və Qaranlıq Ox kimi personajların ilkin nəzəriyyəyə baxmayaraq fərqli təsvir edildiyi animasiya serialının inkişaf etdirilməsinə başlanmışdır. Buna görə də,həmin məlumatın Blitzkriqə aid olması dəqiq deyil. Skot Vayt tərəfindən səsləndirilmiş həmin personaj özündə Baron Blitzkriq, Baronessa Blitzkriq, Blitzen vəə Nasist Fleşin xüsusiyyətlərini birləşdirir.

Yarımçıq layihələr

2007-ci ilin fevralında Warner Bros Mişel və Kiran Molroni cütlüklərinə “Ədalət Liqası” filmi üçün ssenari yazmağı sifariş etmişdir. Həmin ilin sentyabrında Corc Millerlə filmə rejissorluq etməsi üçün müqavilə bağlanmışdır. “Justice League Mortal” adlandırılmış filmdə Adam Brodiyə Barri Allen rolunu canlandırmaq həvalə edilmişdir. Lakin, istehsalatın başlamasına az qalmış, Yazıçılar Gildiyası və Avstraliya Film Kommisiyası ilə yaranmış vergi probleminə görə filmin istehsalı dayandırılmışdır.

Videooyunlarda

• “Mortal Kombat vs. DC Universe” oyununda Fleş olan Barri Alleni aktyor Talisin Caffe səsləndirmişdir. Oyunda Allen komikslərdəki kostyumunda təsvir edilmişdir. Onun gözləri mavidir, kəməri isə iki şimşək təsvirlidir və bu elementər Barri Allen yox, Uolli Vest üçün xarakterikdir. Buna baxmayaraq, personajın izahında onun Allen olması qeyd edilmişdir. Oyunun sonunda Fleş başa düşür ki, onun döyüşçü Liu Kenq ilə psixi əlaqəsi qalmışdır. Onlar razılığa gələrək istənilən təhlükə haqqında bir-birinə xəbər verməyə razılaşırlar. Bundan bir müddət sonra peyda olan Lu, Barriyə xəbər verir ki, tezliklə cadugər Kuan Çi onlara hücum etməyə hazırlaşır.
• “DC Universe Online” kütləvi çoxistifadəçili onlayn oyununda Fleş olan Barri Alleni DVayt Şultz səsləndirmişdir. "Who do you trust" adlı eksklüziv oyun treylerində Barri Betendən göstəri alaraq qaçmağa başlayır. Qaçış zamanı Barri dayanaraq Qara Adamın hücumuna məruz qalmış Hel Cordana kömək etməyə çalışır. Lakin, Qara Adamın törətdiyi partlayış, Barri, Hel və digər qəhrəmanların ölümünə səbəb olur.
• “Sonsuz böhran” (ing. Infinite Crisis) çoxistifadəçili döyüş meydanı oyununda oynalılan personajlardan olan Allen, Maykl Rozenbaum tərəfindən səsləndirilmişdir.
• “DC Unchained” oynunda Barri Allen oynanılan personajlardan biridir.

LEGO seriyası

• “LEGO Betmen 2: DC Superqəhrəmanları” (ing. LEGO Batman 2: DC Super Heroes) oyununda Barri Allen personajı Çarli Şlatter tərəfindən səsləndirilmişdir.
• “LEGO Betmen 3: Qotemin arxasında” (ing. Lego Batman 3: Beyond Gotham) oyununda Barri Allen personajı yenidən Çarli Şlatter tərəfindən səsləndirilmişdir.
• “Lego Dimensions” oyunnunda Barri Allen personajı yenidən Çarli Şlatter tərəfindən səsləndirilmişdir. "Brawls without Borders" tapşırığında oyunçu Fleşə Metropolis və Qotemdə cinayətkarlara qarşı döyüşməyə kömək edir.
• “Lego DC Supercaniləri” (ing. Lego DC Super-Villains) oyununda Barri Allen personajı Maykl Rozenbaum tərəfindən səsləndirilmişdir.

Injustice seriyası

• “Ədalətsizlik: Tanrılar aramızda” (ing. Injustice: Gods Among Us) oyununda Barri Allen, Nil MakDonoq tərəfindən səsləndirilmişdir. Oyunun əvvəlində o, Leks Lütor və onun cani tərəfdaşlarına qarşı döyüşdə iştirak edir. Alternativ reallıqda Fleş, Supermen rejiminə xidmət edən qəhrəmanlardan biri olsa da, o, Supermenin ideyasını şübhə altına alır. Supermen insanlığın ona ehtiyacı olduğunu göstərmək üçün Metrolopis və Qotem-sitini məhv etməyi planlaşdırır və bu zaman Şazam onun planına etiraz edir. Etirazı qəbul etmək istəməyən Supermen Şazamı öldürür və bu zaman Fleş qəhrəmanların düz yolda olmadığını başa düşür və Betmenin başçılıq etdiyi əlehdarlar dəstəsinə keçir. Əsl Supermenin rejimi məhv etməsindən sonra Barri də, rejimlə olan əvvəlki əlaqəsinə görə təslim olmalı olur. Bu zaman, Yaşıl Ox bildirir ki, onların qələbəsində Fleşin oynadığı rol mütləq nəzərə alınacaq.
• “Ədalətsizlik 2” (ing. Injustice 2) oyununda Fleş rolu, Talisin Caffe tərəfindən səsləndirilmişdir. Rejimlə əlaqəsinə görə bağışlanan Fleş, səhvini aradan qaldırmaq üçün çalışır. İlk oyun partiyasında Barri təkcanına Metropolisi Breyniakın hücumundan xilas edir, eyni zamanda, özü kimi, səhvlərini aradan qaldırmağa çalışan Hel Cordana qısa zərbə endirir. Onlar aralarındakı anlaşılmazlığı bir tərəfə qoyaraq, Betmenin tərəfinə keçirlər. Öz oyun arkadasının sonunda Breyniakı sürət gücünün zaman sonuna tullayır, özü isə sürət gücünə keçərək digər spidsterlərə qoşulur. Birlikdə onlar, çoxsaylı aləmlərə təhlükə olan böhranın qarşısını almağa qərar verirlər.

Musiqi

“Jim's Big Ego” qrupunun “They're Everywhere” albomuna Barri Allenə həsr edilmiş “Ballad of Barry Allen” mahnısı daxil edilmişdir. Mahnıda depressiv personaj kimi təsvir edilən Barri o qədər sürətlidir ki, reallıq onun üçün ilbiz sürəti ilə inkişaf edir və bu, Barrinin depressiyaya düşməsinə səbəb olur.

Qəbulu

Fleşin Barri Allen versiyasını özünün “Bütün zamanların ən böyük qəhrəmanları” siyahısında 49-cu yerdə yerləşdirən IGN qeyd edir ki, həttta iyirmi illik yoxluğu belə, Fleşin qəhrəmanlıq mirasının unudulmasına imkan verməmişdir.

IGN tərəfindən 2013-cü ildə yayımlanmış “DC Comicsin Top 25 qəhrəmanı” siyahısında Barri Allen səkkizinci yerdə qərarlaşdırılmışdır.

Xarici keçidlər

• Flash (1956) at Don Markstein's Toonopedia.
• Kistler, Alan. "Profile On: The Flash – Part 2". MonitorDuty.com. January 11, 2006. March 23, 2006 tarixində arxivləşdirilib.
• Arrowverse entry for The Flash Arxivləşdirilib 2018-05-24 at the Wayback Machine