Fəxri Kazım-Nicat
Fəxri Kazım-Nicat | |
---|---|
Fəxri Fəxrəddin oğlu Kazım-Nicat | |
![]() | |
Ümumi məlumatlar | |
Doğum tarixi | |
Doğum yeri | Gəncə, Azərbaycan SSR, SSRİ |
Vətəndaşlığı |
![]() ![]() |
Musiqiçi məlumatları | |
Fəaliyyəti | müğənni, müəllim, aktyor |
Fəaliyyət illəri | 1997–ci ildən |
Janrlar | ariya, romans, mahnı |
Musiqi aləti | fortepiano |
Səs tembri | tenor |
Təhsili | BMA Opera-kamera ifaçısı, Xor dirijoru |
Mükafatları |
![]() ![]() ![]() |
Fəxri Kazım-Nicat (d. 13 may 1985, Gəncə) — azərbaycanlı müğənni, Rəşid Behbudov adına Azərbaycan Dövlət Mahnı Teatrının solisti, Azərbaycan Milli Konservatoriyası nəzdində Musiqi Kollecinin vokal müəllimi, "Tərəqqi" medalı laureatı.
Həyatı
[redaktə | mənbəni redaktə et]Erkən illəri və təhsili
[redaktə | mənbəni redaktə et]Fəxri Fəxrəddin oğlu Kazım-Nicat 13 may 1985-ci ildə Gəncə şəhərində ziyalı ailəsində anadan olmuşdur. İlk musiqi təhsilini 1995-2000-ci illərdə Gəncə şəhər Fikrət Əmirov adına 1 nömrəli Uşaq Musiqi Məktəbində Xalq artisti Şahnaz Haşımovanın sinfində almışdır. İlk vokal təhsilini Gəncə Dövlət Universiteti nəzdində yaradılan məktəb-studiyada Xalq artisti Sevinc İbrahimovadan almışdır. Orta məktəbi və hərbi xidmətini bitirdikdən sonra ailəsiylə Bakıya köçmüşdür. Musiqi təhsilini davam etdirərək Azərbaycan Milli Konservatoriyası nəzdində Musiqi Kollecinə estrada vokal ixtisası üzrə daxil olmuş və fərqlənmə diplomu ilə bitirmişdir. Daha sonra Bakı Musiqi Akademiyasına daxil olmuş, akademiyanın dosenti Sevda Məmmədovanın sinfində opera ifaçılığı ixtisası üzrə bakalavr, Kamera ifaçılığı və Xor dirijorluğu ixtisası üzrə magistr təhsili almış və fərqlənmə diplomu ilə bitirmişdir.[1]
Fəaliyyəti
[redaktə | mənbəni redaktə et]![](http://upload.wikimedia.org/wikipedia/commons/thumb/3/31/F%C9%99xri_Kaz%C4%B1m_Nicat%C4%B1n_R%C9%99%C5%9Fid_Behbudov_ad%C4%B1na_D%C3%B6vl%C9%99t_Mahn%C4%B1_Teatr%C4%B1nda_ifas%C4%B1.jpg/250px-F%C9%99xri_Kaz%C4%B1m_Nicat%C4%B1n_R%C9%99%C5%9Fid_Behbudov_ad%C4%B1na_D%C3%B6vl%C9%99t_Mahn%C4%B1_Teatr%C4%B1nda_ifas%C4%B1.jpg)
Səhnə fəaliyyətinə 1997-ci ildə Fikrət Əmirov adına Gəncə Dövlət Filarmoniyasının səhnəsində başlamışdır. İlk iştirak etdiyi konsert 31 dekabr Dünya azərbaycanlılarının həmrəyliyi gününə həsr olunmuş tədbir, ilk ifa etdiyi mahnı isə "Göy-göl" Dövlət Mahnı və Rəqs ansamblının müşayiəti ilə "Almanı atdım xarala" mahnısı olmuşdur. 1999-cu ildə münsiflər heyətinin sədri görkəmli bəstəkar, Xalq artisti Süleyman Ələsgərov olan respublika muğam müsabiqəsinin laureatı olmuşdur. Müsabiqənin yekun konsertində tar və kamança müşayiətilə "Qarabağ şikəstəsi" və "Apardı sellər Saranı" xalq mahnısını ifa etmişdir.
2006-cı ildən Yeni Azərbaycan Partiyasının üzvüdür. 2016-2019-cu illər ərzində YAP Səbail "Akademik Filarmoniya" ərazi partiya təşkilatının sədr müavini vəzifəsində çalışmışdır. 2007-ci ildən Dövlət Sərhəd Xidmətinin Nümunəvi Hərbi Orkestrinin solistidir və tez-tez orkestrlə birlikdə sərhəd bölgələrinə səfər edir. Fəxri, həmçinin AMK nəzdində Musiqi kollecinin vokal müəllimi olaraq fəaliyyət göstərir. 2008-ci ildə “Azəri Star” musiqi yarışmasına qatılmışdır. Onun 2012-ci ildə “Gəncliyin səsi” albomu işıq üzü görmüşdür. Azərbaycan Respublikası Prezidenti yanında Gənclər Fondunun dəstəyi ilə "Üzeyir Hacıbəyli-130" musiqi albomunda yer alan 14 əsərdən biri Fəxri Kazım-Nicatın ifasıdır.
Fəxri Kazım-Nicat Mədəniyyət Nazirliyinin, Heydər Əliyev fondunun, Dövlət Sərhəd Xidmətinin, Təhsil Nazirliyinin, Bəstəkarlar İttifaqının, Gənclər və İdman Nazirliyinin və Bakı Şəhər İcra Hakimiyyətinin dəstəyi ilə keçirilən bir çox irimiqyaslı dövlət tədbirlərinin: Qətər Dövlətinin paytaxtı Doha şəhərində keçirilən Azərbaycan Mədəniyyəti Günləri çərçivəsində "Leyli və Məcnun" operası (2010)[2], Azərbaycan Dövlət Mahnı və Rəqs Ansamblının 75 illik yubileyi, Beynəlxalq Muğam Mərkəzində keçirilmiş gənc ifaçıların konserti (2012), Beynəlxalq Muğam Mərkəzində əməkdar artist Elnarə Kərimovanın bədii rəhbəri olduğu “Buta” Kamera Xorunun konserti (2012)[3], Bakı Beynəlxalq Caz Festivalı (2012) [4], İtaliyada Azərbaycan Mədəniyyəti Günləri çərçivəsində aprelin 16-da Turin, aprelin 17-də Venesiya, aprelin 19-da Milan, aprelin 21-də isə Roma şəhərlərində keçirilən konsertlər (2012)[5], “Fikrət Əmirov-90” musiqi festivalı (2012)[6], "Arşın Mal Alan" operettasının Astana, Karaqanda, Strasburq, Paris şəhərlərində keçirilən 100 illik yubiley festivalı (2013), Xalq artisti Tofiq Bakıxanovun yubileyinə həsr olunmuş musiqi festivalı (2015)[7], Faşizm üzərində qələbənin 70, Sovet İttifaqı Qəhrəmanı Aliyə Moldaqulovanın isə anadan olmasının 90 illiyi münasibətilə Qazaxıstanın Aqtöbe şəhərində silsilə xatirə tədbirləri (2015), Azərbaycan Respublikası Prezidenti İlham Əliyev və xanımı Mehriban Əliyeva, eləcə də mədəniyyət xadimlərinin iştirakı ilə Rəşid Behbudovun heykəlinin açılış mərasimini (2016)[8], Azərbaycan Sərhəd Mühafizəsinin 98 illiyinə həsr olunmuş bayram konserti (2017), İranın Tehran və İsfahan Azərbaycan mədəniyyəti günləri çərçivəsində konsert proqramı (2017), Böyük Britaniya Krallığının "Kral" hərbi orkestri və DSX Nümunəvi Hərbi Orkestrinin birgə tədbiri (2017)[9], Şəki “İpək Yolu” IX Beynəlxalq Musiqi Festivalı (2018)[10], Azərbaycan Sərhəd mühafizəsinin 99 illiyinə həsr olunmuş tədbir (2018), Beynəlxalq Parlamentlər Assambleyasının tədbiri (2018), Ümummilli lider Heydər Əliyevin anadan olmasının 95 illiyinə həsr olunmuş silsilə tədbirlər (2018), MDB-yə üzv dövlətlərin Sərhəd Qoşunları Komandanları Şurasının 78-ci qurultay tədbiri sonrası konsert (2018), Dövlət Sərhəd Xidmətinin hərbi qulluqçularının “Zəfərə doğru” bayraq yürüşü mərasimi və konsert (2018)[11], Ədliyyə Nazirliyinin 100 illik yubiley tədbiri (2018), Azərbaycan Vokalçılar Festivalı (2018)[12], Azərbaycan Sərhəd Mühafizəsinin 100-cü ildönümünə həsr olunmuş bayram tədbiri (2019), Şəki “İpək Yolu” X Beynəlxalq Musiqi Festivalı (2019)[13], Bəstəkarlar İttifaqının 85 illiyinə həsr olunmuş Musiqi Festivalı (2019), Bakıda Dünya dini liderlərinin II Sammiti (2019) [14], Gənclər Gününə həsr olunmuş "Gəncliyə töhfə" musiqi festivalı (2019)[15], Gənclər və İdman Nazirliyinin dəstəyi ilə Tacikistanda MDB dövlətlərinin "Gələcəyi birgə quraq" adlı XXVI gənclər forumunun (2021) iştirakçısı olmuşdur.[16][17]
Fəxri Kazım-Nicat geniş repertuarı ilə 2019-cu il may ayının 1-i Azərbaycan Dövlət Akademik Filarmoniyasının səhnəsində xalq çalğı alətləri orkestrinin müşayiətilə ilk solo konsertini vermişdir.[18] İkinci solo konserti Gəncə Dövlət Filarmoniyasında Kamera orkestri və Xalq Çalğı alətləri orkestrlərinin müşayətilə baş tutmuşdur.[19] Müğənninin hər iki solo konserti Mədəniyyət kanalı ilə efirdə yayımlanmışdır.
Şəxsi həyatı
[redaktə | mənbəni redaktə et]Ailəlidir, iki övladı var.
Mükafatları
[redaktə | mənbəni redaktə et]- 1997-ci ildə Gəncə şəhər musiqi məktəbləri arasında keçirilən gənc istedadlar müsabiqəsində 1-ci yeri tutmuşdur.
- 1998-ci il Gəncə şəhər musiqi məktəbləri arasında keçirilən gənc istedadlar müsabiqəsi laureatıdır.
- 1999-cu il Respublika muğam müsabiqəsi laureatıdır.
- 2008-ci ildə “Azəri Star” musiqi yarışmasında 4-cü yerin sahibi olmuşdur.
- 2009-cu il Gənclər və İdman Nazirliyinin keçirdiyi IV "Hünər" hərbi vətənpərvərlik mahnıları festivalında "Fərqli ifa tərzi" nominasiyası üzrə təltif olunmuşdur.
- 2010-cu il DSX Sahil Mühafizəsinin yubiley tədbirində general-mayor Əfqan Nağıyev tərəfindən fəxri-fərmanla təltif olunmuşdur.
- 2011-ci il DSX Akademiyasının ildönümü tədbirində general-mayor Araz Məmmədov tərəfindən fəxri-fərmanla təltif olunmuşdur.
- Mədəniyyət və Turizm Nazirliyi və Türksoy xətti ilə Fransa və Qazaxıstanda keçirilən "Arşın Mal Alan" operasının 130 illiyinə həsr edilən festivalda iştirakına görə iki fəxri fərman və TÜRKSOY təşkilatının döş nişanı ilə təltif olunmuşdur.
- 2014-cü ildə "Dağıstan Fanfaraları" adlı Beynəlxalq festivalında DSX orkestri ilə birgə Qrand-Pri mükafatına layiq görülmüşdür.[20]
- 2014-cü ildə Qazaxıstanın Aqtöbə şəhərində keçirilən Beynəlxalq Vokal müsabiqəsində 2-ci yeri tutmuşdur.[21]
- 2016-cı ildə isə Qazaxıstan Atırau şəhərində keçirilən Beynəlxalq Vokal müsabiqəsində 3-cü yerin sahibi olmuşdur.
- 2017-ci ildə Həştərxan vilayətinin 300 illik yubiley tədbirində fəxri-fərmanla təltif olunmuşdur.
- 2018-ci ildə DSX-nin rəisi general-polkovnik Elçin Quliyev tərəfindən "Hərbi əməkdaşlıq sahəsində xidmətlərə görə" medalı ilə, 2019-cu ildə isə "Azərbaycan Sərhəd Mühafizəsinin 100 illiyi (1919-2019)" yubiley medalı ilə təltif olunmuşdur.
- 2019-cu il "Nəsimi romans" respublika müsabiqəsində 2-ci yerə layiq görülmüşdür[22]
- 2019-cu il Azərbaycan Respublikasının Prezidenti İlham Əliyev tərəfindən "Tərəqqi" medalı ilə təltif olunmuşdur.[23]
- 2019-cu ildə Gəncə şəhərində baş tutan solo konsertindən sonra "Cavad xan" Tarix və Mədəniyyət Fondunun vitse-prezidenti Müzadil Həsənov tərəfindən "Gəncənin fəxri vətəndaşı" döş nişanı ilə təltif olunmuşdur.
İfa etdiyi rollar
[redaktə | mənbəni redaktə et]Müəllif | Əsər | Rolu |
---|---|---|
Üzeyir Hacıbəyli | Arşın Mal Alan | Əsgər və Vəli |
Cüzeppe Verdi | Traviata | Alfredo |
Pikə Axundova | Məshəti | Qasid |
Xarici keçidlər
[redaktə | mənbəni redaktə et]İstinadlar
[redaktə | mənbəni redaktə et]- ↑ "Musiqi məktəbindən Dövlət Filarmoniyasına qədər..." anl.az (az.). 2022-03-26 tarixində arxivləşdirilib. İstifadə tarixi: 18 yanvar 2021.
- ↑ "Qətərdə keçirilən Azərbaycan Mədəniyyəti Günləri". medeniyyet.az (az.). 2023-07-21 tarixində arxivləşdirilib. İstifadə tarixi: 18 yanvar 2021.
- ↑ ""Gəncliyin səsi" festivalı çərçivəsində "Buta" gənclər xorunun konserti". azpress.az (az.). 2012-05-15 tarixində arxivləşdirilib. İstifadə tarixi: 18 yanvar 2021.
- ↑ "Bakı Beynəlxalq Caz Festivalı-2012". azertag.az (az.). 2023-07-21 tarixində arxivləşdirilib. İstifadə tarixi: 18 yanvar 2021.
- ↑ "İtaliyada Azərbaycan Mədəniyyəti Günləri davam edir". anl.az (az.). 2014-07-05 tarixində arxivləşdirilib. İstifadə tarixi: 18 yanvar 2021.
- ↑ ""Fikrət Əmirov-90" musiqi festivalı davam edir". medeniyyet.az (az.). 2023-07-21 tarixində arxivləşdirilib. İstifadə tarixi: 18 yanvar 2021.
- ↑ "Xalq artisti Tofiq Bakıxanovun yubileyinə həsr olunmuş musiqi festivalı keçirilir". mod.gov.az (az.). 2021-02-06 tarixində arxivləşdirilib. İstifadə tarixi: 18 yanvar 2021.
- ↑ "Rəşid Behbudovun abidəsinin açılış mərasimi". anl.az (az.). 2021-02-13 tarixində arxivləşdirilib. İstifadə tarixi: 18 yanvar 2021.
- ↑ "Bakıda Böyük Britaniyanın hərbi orkestrinin nümunəvi çıxışı olub". mod.gov.az (az.). 2022-03-05 tarixində arxivləşdirilib. İstifadə tarixi: 18 yanvar 2021.
- ↑ "Şəki "İpək Yolu" IX Beynəlxalq Musiqi Festivalı başa çatıb". azertag.az (az.). 2019-07-21 tarixində arxivləşdirilib. İstifadə tarixi: 18 yanvar 2021.
- ↑ "Milli Qurtuluş Günü ilə əlaqədar Dövlət Sərhəd Xidmətinin hərbi qulluqçularının "Zəfərə doğru" bayraq yürüşü olub". azertag.az (az.). 2021-02-06 tarixində arxivləşdirilib. İstifadə tarixi: 18 yanvar 2021.
- ↑ "Milli Konservatoriyada Azərbaycan Vokalçıları Festivalı keçirilib". conservatory.edu.az (az.). 2020-08-09 tarixində arxivləşdirilib. İstifadə tarixi: 18 yanvar 2021.
- ↑ "Şəki "İpək Yolu" IX Beynəlxalq Musiqi Festivalı başa çatıb". azertag.az (az.). 2019-07-05 tarixində arxivləşdirilib. İstifadə tarixi: 18 yanvar 2021.
- ↑ "Bakıda Dünya dini liderlərinin II Sammiti işə başlayıb". dqdk.gov.az (az.). 2020-08-07 tarixində arxivləşdirilib. İstifadə tarixi: 18 yanvar 2021.
- ↑ "Bakıda Gənclər Gününə həsr olunmuş "Gəncliyə töhfə" musiqi festivalı keçiriləcək". culture.gov.az (az.). 2021-02-09 tarixində arxivləşdirilib. İstifadə tarixi: 18 yanvar 2021.
- ↑ "Arxivlənmiş surət". 2021-09-20 tarixində arxivləşdirilib. İstifadə tarixi: 2021-07-24.
- ↑ "Arxivlənmiş surət". 2021-08-02 tarixində arxivləşdirilib. İstifadə tarixi: 2021-07-24.
- ↑ "Fəxri Kazım-Nicatın solo konserti keçiriləcək". qafqazinfo.az (az.). 2019-09-05 tarixində arxivləşdirilib. İstifadə tarixi: 18 yanvar 2021.
- ↑ ""Gəncəm – Fəxrim mənim" adlı solo konsert". ganja.mctgov.az (az.). 2020-02-15 tarixində orijinalından arxivləşdirilib. İstifadə tarixi: 18 yanvar 2021.
- ↑ "Bakıda Beynəlxalq Musiqi Festivalı keçiriləcək". anews.az (az.). 2023-07-21 tarixində arxivləşdirilib. İstifadə tarixi: 18 yanvar 2021.
- ↑ "Azərbaycanlı ifaçı beynəlxalq mahnı müsabiqəsində ikinci yeri tutub" ( (az.)). metbuat.az. 22 iyun 2015. 7 dekabr 2018 tarixində arxivləşdirilib. İstifadə tarixi: 7 dekabr 2018.
- ↑ ""Nəsimi romans" müsabiqə-festivalı". anews.az (az.). 2021-02-13 tarixində arxivləşdirilib. İstifadə tarixi: 18 yanvar 2021.
- ↑ "Azərbaycan Respublikası Dövlət Sərhəd Xidmətinin hərbi qulluqçularının və mülki işçilərinin təltif edilməsi haqqında Azərbaycan Respublikası Prezidentinin Sərəncamı". president.az (az.). 2021-01-13 tarixində arxivləşdirilib. İstifadə tarixi: 18 yanvar 2021.
- Yaşayan insanlar
- 13 mayda doğulanlar
- 1985-ci ildə doğulanlar
- "Hərbi əməkdaşlıq sahəsində xidmətlərə görə" medalı ilə təltif edilənlər
- "Azərbaycan Sərhəd Mühafizəsinin 100 illiyi (1919–2019)" yubiley medalı ilə təltif edilənlər
- "Tərəqqi" medalı ilə təltif edilənlər
- Əlifba sırasına görə musiqiçilər
- Gəncədə doğulanlar
- Azərbaycan müğənniləri
- Yeni Azərbaycan Partiyasının üzvləri