Gəray Gəraybəyli

Vikipediya, açıq ensiklopediya
Keçid et: naviqasiya, axtar
Gəray Gəraybəyli
Gəraybəyli Gəray Çingiz oğlu
Gəray Gəraybəyli
Gəray Gəraybəyli
Doğum tarixi: 29 iyun 1967 (1967-06-29) (50 yaş)
Doğum yeri: Bakı, Flag of the Azerbaijan Soviet Socialist Republic.svg Azərbaycan SSR
İş yeri: Azərbaycan Tibb Universiteti
Elmi dərəcəsi: Tibb Elmləri Doktoru
Elmi vəzifəsi: Professor
Alma mater: Azərbaycan Tibb Universiteti
Təhsili: Azərbaycan Tibb Universiteti
Atası: Çingiz Gəraybəyli

Gəray GəraybəyliAzərbaycan Tibb Universitetinin rektoru, Azərbaycan psixiatrı, tibb elmləri doktoru (2007), professor (2012), əməkdar müəllim.

Həyatı[redaktə | əsas redaktə]

Gəraybəyli Gəray Çingiz oğlu 1967-ci il 29 iyun tarixində Bakı şəhərində anadan olub. 1984-cü ildə orta məktəbi qızıl medal ilə bitirib və həmin ildə Azərbaycan Dövlət Tibb İnstitutuna (indiki Azərbaycan Tibb Universiteti) daxil olub. 1992-ci ildə həmin fərqlənmə diplomu ilə bitirib.

1992-ci ildən 1993-cü ilədək Azərbaycan Tibb Universitetinin psixiatriya kafedrasında baş laborant, 1993-cü ildən 1996-cı ilədək assistent, 1996-cı ildən 2007-ci ilə qədər dosent vəzifələrində çalışıb. 2007-ci ilin dekabr ayından indiyə qədər Azərbaycan Tibb Universitetinin psixiatriya kafedrasının müdiri vəzifəsində çalışır.

Professor Gəray Gəraybəyli 1995-ci ildə namizədlik, 2007-ci ildə isə doktorluq dissertasiyası müdafiə edib. 1997-ci ildə dosent, 2012-ci ildə professor elmi adına layiq görülüb.

60-dan çox elmi əsərin, 1 tədris vəsaitinin, 2 tədris-metodik, 3 metodik tövsiyənin, 4 tətbiqetmə aktının və 1 səmərələşdirici təklifin müəllifidir. Dəfələrlə xarici ölkələrdə elmi konfrans və konqresslərdə elmi məruzələrlə çıxışlar edib. 2001-ci ildə ABŞ Dövlət Departamentinin Fulbright Programı çərçivəsində Cənubi Kaliforniya Universitetində elmi ezamiyyətdə olub.

2007-ci ildən bu günə qədər Azərbaycan Respublikası Səhiyyə Nazirliyinin baş psixiatrı və psixi sağlamlıq üzrə milli koordinatorudır.

Gəraybəyli Gəray Çingiz oğlu 11 aprel 2016-cı il tarixində Azərbaycan Respublikası Prezidentinin Sərəncamı ilə Azərbaycan Tibb Universitetinin rektoru vəzifəsinə təyin edilib. [1].

Mükafat və təltifləri[redaktə | əsas redaktə]

16 iyun 2014-cü il tarixində professor G.Ç.Gəraybəyli "Azərbaycan Respublikasının səhiyyə işçilərinə fəxri adların verilməsi haqqında Azərbaycan Respublikası Prezidentinin Sərəncamı ilə "Əməkdar müəllim" fəxri adına layiq görülmüşdür[2].

Ailəsi[redaktə | əsas redaktə]

Azərbaycan SSR Xalq Artisti, aktyor Ağasadıq Gəraybəylinin nəvəsidir.

İstinadlar[redaktə | əsas redaktə]

  1. "Azərbaycan Prezidentinin Rəsmi internet səhifəsi - SƏNƏDLƏR » Sərəncamlar G.Ç.Gəraybəylinin Azərbaycan Tibb Universitetinin rektoru təyin edilməsi haqqında Azərbaycan Respublikası Prezidentinin Sərəncamı" (azərb.). www.president.az. 11 aprel 2016. http://www.president.az/articles/19200. İstifadə tarixi: 11 aprel 2016.
  2. "Azərbaycan Respublikasının səhiyyə işçilərinə fəxri adların verilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI" (azərb.). http://e-qanun.az.+11 iyun 2014. http://e-qanun.az/framework/27872. İstifadə tarixi: 11 aprel 2016.

Ədəbiyyat[redaktə | əsas redaktə]

  1. Ə.Əmiraslanov, “Azərbaycan Tibb Universiteti – 80”, Bakı, “Təhsil Nəşriyyat-Poliqrafiya” MMC, 2010, s.327