Gizli rejim
Gizli rejim — istifadəçilərə öz cihazlarından onlayn fəaliyyətlərinə dair heç bir iz qoymadan internetdən istifadə etmək imkanı verən veb brauzer xüsusiyyəti. Bu rejimdə brauzer öz əsas sessiyasından və istifadəçi məlumatlarından ayrı müvəqqəti sessiya yaradır. Axtarış tarixçəsi qeydə alınmır və kukilər və keş kimi sessiya ilə bağlı məlumatlar sessiya bitdikdən sonra silinir. Bu rejimlərin əsas məqsədi müəyyən bir baxış seansından olan məlumatların və tarixçənin cihazda qalmamasını və ya eyni cihazın digər istifadəçisi tərəfindən əldə edilməməsini təmin etməkdir.
Veb tərtibatda səhifələrin ziyarətçilərə ilk dəfə necə göründüyünü test etmək üçün istifadə edilə bilər.
Gizli rejim istifadəçilərin digər veb-saytlar və ya internet xidmət provayderi (ISP) tərəfindən izlənməsinin qarşısını almır. Bundan əlavə, müəyyən edilə bilən fəaliyyət izlərinin əməliyyat sistemindən istifadə edərək gizli rejim sessiyalarından, brauzerdəki təhlükəsizlik boşluqlarından və ya zərərli brauzer əlavələri vasitəsilə sızma ehtimalı var, hansı ki, bəzi HTML5 API-lərinin bu məqsədlə istifadə oluna biləcəyi aşkar edilmişdir.
Tarixi[redaktə | mənbəni redaktə et]
Apple-ın Safari brauzeri ilk dəfə 2005-ci ilin aprelində təqdim edilmiş bu funksiyanı özündə birləşdirən ilk böyük veb brauzerlərdən biri idi.[1] Xüsusiyyət sonradan digər brauzerlər tərəfindən qəbul edildi və bu terminin 2008-ci ildə Internet Explorer 8-in beta versiyaları haqqında müzakirələr zamanı əsas xəbər agentlikləri və texnologiya saytları tərəfindən populyarlaşmasına səbəb oldu.[2][3][4] Adobe Flash Player 10.1 versiyası lokal paylaşılan obyektlərin saxlanması ilə bağlı brauzer parametrlərinə və gizli rejimə uyğunlaşmağa başladı.[5][6]
İstinadlar[redaktə | mənbəni redaktə et]
- ↑ Trapani, Gina. "Safari's private (porn) browsing mode". Lifehacker. 4 May 2005. 2010-05-28 tarixində arxivləşdirilib. İstifadə tarixi: 2010-04-11.
- ↑ Foley, Mary Jo. "Microsoft to roll out more granular 'porn mode' with IE 8". ZDNet. 9 October 2008 tarixində orijinalından arxivləşdirilib. İstifadə tarixi: 2008-10-04.
- ↑ Sadighi, Lalee. "Microsoft's Internet Explorer 8 Goes 'Porn Mode'". Red Herring. 2008-09-12 tarixində orijinalından arxivləşdirilib. İstifadə tarixi: 2008-10-04.
- ↑ Kidman, Angus. "Microsoft releases IE8 beta 2: MS porn mode included". APC. 2014-02-22 tarixində arxivləşdirilib. İstifadə tarixi: 2008-10-04.
- ↑ "Adobe Flash 10.1 supports "private browsing"". The H. 2019-08-02 tarixində arxivləşdirilib. İstifadə tarixi: 2019-08-14.
- ↑ "Adobe Flash Player Private Browsing May Force Change in Fraud Fight". eWeek. 12 April 2010. İstifadə tarixi: 2019-08-14.
Xarici keçidlər[redaktə | mənbəni redaktə et]
- "How to Turn On Private or Incognito Browsing". wikiHow (ingilis). İstifadə tarixi: 31 July 2018.
