Məzmuna keç

Hüseyn Nəcəfov

Vikipediya, azad ensiklopediya
Hüseyn Nəcəfov
Azərbaycan Kommunist Partiyası Naxçıvan Vilayət Komitəsinin birinci katibi
sentyabr 1940 – yanvar 1948
ƏvvəlkiKazım İsmayılov
SonrakıYusif Yusifov
Azərbaycan SSR meşə və kağız sənayesi naziri
6 mart 1950 – 20 sentyabr 1950
SonrakıRza İsmayılov
Azərbaycan SSR meşə sənayesi naziri
28 yanvar 1948 – 6 mart 1950
ƏvvəlkiRza İsmayılov
Şəxsi məlumatlar
Doğum tarixi 1 yanvar 1907(1907-01-01)
Doğum yeri
Vəfat tarixi 16 iyul 1967(1967-07-16) (60 yaşında)
Vəfat yeri
Dəfn yeri
Partiya
Təhsili
  • Yakov Sverdlov adına Kommunist Universiteti[d] (–1937)
Fəaliyyəti siyasətçi
Təltifləri "Lenin" ordeni — 1946 2-ci dərəcəli "Vətən müharibəsi" ordeni — 1945 "Qırmızı əmək bayrağı" ordeni — 1940 "Qırmızı ulduz" ordeni — 1945 "Qafqazın müdafiəsinə görə" medalı — 1944 "1941–1945-ci illər Böyük Vətən müharibəsində rəşadətli əməyə görə" medalı

Hüseyn Hümmət (Hümbət) oğlu Nəcəfov (Nəcəfbəyli) (1 yanvar 1907, Kolanlı, İrəvan qəzası – 16 iyul 1967, Bakı) — Azərbaycan partiya və dövlət xadimi, Azərbaycan Kommunist Partiyası Naxçıvan Vilayət Komitəsinin birinci katibi (1940–1948), Azərbaycan SSR meşə və kağız sənayesi naziri (1948–1950).

Həyatı

[redaktə | vikimətni redaktə et]

Hüseyn Nəcəfov 1907-ci ildə İrəvan quberniyasının Kolanlı kəndində yoxsul kəndli ailəsində anadan olmuşdur. 19 yaşında olarkən Gəncəyə köçmüş və toxucu-əyirici fabrikində fəhləlik etmişdir. 1928-ci ildə ÜİK(b)P (Sov. İKP) üzvlüyünə qəbul edilmiş, bir qədər sonra fabrikin həmkarlar ittifaqının katibi seçilmişdir.[1]

1930-cu ildən Azərbaycan LKGİ Gəncə Şəhər Komitəsinin üzvü, sonra isə katibi seçilmiş, Azərbaycan LKGİ Mərkəzi Komitəsinin mədəni-maarif şöbəsinin müdiri olmuşdur. 1933-cü ildə Kommunist Partiyasının çağırışı ilə MTS-lər yanında yaradılan siyasi şöbələrdən birində işləməyə getmişdir. 1934-cü ilədək Naxçıvanın maşın-traktor stansiyalarından birində siyasi şöbənin rəisinin müavini işləmişdir. 1937-ci ildə ÜİK(b)P MK yanında Yakov Sverdlov adına Ali Təbliğatçılar Məktəbini bitirmiş və həmin ildən Azərbaycan Kommunist Partiyası Bakı Şəhər Komitəsinin partiya kadrları şöbəsinin müdiri olmuşdur.[1][2]

Hüseyn Nəcəfov 1939-cu ildə Azərbaycan LKGİ MK-nın birinci katibi seçilmiş, 1940–1948-ci illərdə Azərbaycan Kommunist Partiyası Naxçıvan Vilayət Komitəsinin birinci katibi işləmişdir. 1948-ci ildən Azərbaycan SSR meşə sənayesi naziri olmuşdur.[3][4]

Hüseyn Nəcəfov SSRİ Ali Sovetinin (2-ci çağırış) və Azərbaycan SSR Ali Sovetinin (1-ci çağırış)[5] və Naxçıvan MSSR Ali Sovetinin (2-ci çağırış)[2] deputatı seçilmişdir. Müxtəlif illərdə Azərbaycan Kommunist Partiyası Mərkəzi Komitəsinin və Mərkəzi Komitə bürosunun üzvlüyünə namizəd olmuşdur.[1][5]

Hüseyn Nəcəfov 1967-ci ildə Bakıda vəfat etmişdir.[3]

Təltifləri

[redaktə | vikimətni redaktə et]

İstinadlar

[redaktə | vikimətni redaktə et]
  1. 1 2 3 Һ. Һ. Нәҹәфов // Коммунист. № 167 (13555). 18 ијул 1967-ҹи ил. С. 4.
  2. 1 2 Nəcəfov Hüseyn Hümbət oğlu // Naxçıvanda seçkilərin tarixi (1937–2002). Ensiklopedik toplu. Bakı: Qanun. 2003. səh. 50–51.
  3. 1 2 Nəcəfov Hüseyn Hümmət oğlu // Fəxri Xiyaban. Bakı: Heydər Əliyev Fondu. 2007. səh. 166.
  4. ↑ "Наджафов Гусейн Гумбат оглы". knowbysight.info (rus). Справочник по истории Коммунистической партии и Советского Союза 1898–1991. 15 noyabr 2021 tarixində arxivləşdirilib. İstifadə tarixi: 15 noyabr 2021.
  5. 1 2 Шамил Мәликеғанов. Һүсейн Нәҹәфов // Коммунист. № 17 (7199). 22 январ 1946-ҹы ил. С. 3.

Xarici keçidlər

[redaktə | vikimətni redaktə et]

Həmçinin bax

[redaktə | vikimətni redaktə et]
Mənbə — "https://az.wikipedia.org/w/index.php?title=Hüseyn_Nəcəfov&oldid=8466150"