Həbibə Allahverdiyeva

Vikipediya, açıq ensiklopediya
Jump to navigation Jump to search
Həbibə Allahverdiyeva
Həbibə Rəşad qızı Allahverdiyeva
Fotoqrafiya
Doğum tarixi 9 iyun 1981 (1981-06-09) (38 yaş)
Doğum yeri Naxçıvan
Milliyyəti Azərbaycanlı
Vətəndaşlığı Flag of Azerbaijan.svg Azərbaycan
Fəaliyyəti rəssam
Təhsili Naxçıvan Dövlət Universiteti

Həbibə Rəşad qızı Allahverdiyeva (9 iyul 1981, Naxçıvan) — Azərbaycan rəssamı, millət vəkili

Həyatı[redaktə | əsas redaktə]

Allahverdiyeva Həbibə Rəşad qızı 1981-ci il 9 iyunda Naxçıvan MR Şahbuz rayonun Külüs kəndində anadan olub.[1] 1998-2002-ci illərdə Naxçıvan Dövlət Universiteti İncəsənət fakultəsinin Təsviri incəsənət ixtisasında, 2002-2004-cü illərdə magistr pilləsində təhsil almışdır.[1] 2001-2005-ci illərdə M.T.Sidqi adına Naxçıvan Dövlət Kukla Teatrında kukla rəssamı vəzifəsində çalışmışdır. 2005-ci ildə Naxçıvan Dövlət Universiteti Təsviri incəsənət kafedrasının müəllimi olmuşdur.[1] 2012-ci ildən baş müəlim vəzifəsində çalışır.[1]

Fəaliyyəti[redaktə | əsas redaktə]

2000-ci ildə Elbəyi Maqsudovun “Ürək bir dünyadır” adlı şeirlər kitabına bədii tərtibat vermişdir.

2002-ci ildə M.T.Sidqi adına Naxçıvan Dövlət Kukla Teatrında Bayram İsgəndərlinin "Xeyirxah kirpi" tamaşasının rəssamı olmuşdur.

2010-cu ildə Azərbaycan Rəssamlar İttifaqının üzvü olub.[1]

2012-ci ildə Vaqif Məmmədovun “Dənizə qar yağırdı” adlı şeirlər kitabına bədii tərtibat vermişdir.[2]

2013-cü ildən Azərbaycan Dövlət Rəssamlıq Akademyasının dissertantıdır.[1]

18 elmi məqalənin müəllifidir.

2014-cü ildə Naxçıvan Muxtar Respublikası Əməkdar Rəssamı fəxri adına layiq görülmüşdür.[1]

2015-ci il V çağırış Naxçıvan Muxtar Respublikası Ali Məclisin Deputatıdır.[1]

2017-ci ildə Elbəyi Maqsudovun “Poetik-praktik Azərbaycan dili” adlı şeirlər kitabına bədii tərtibat vermişdir.[3]

Fərdi sərgiləri[redaktə | əsas redaktə]

2002-ci ildə may ayında Naxçıvan Dövlət Universitetində sərgi salonunda.[1]

2008-ci il 6 mart Naxçıvan Dövlət Universitetində sərgi salonunda Beynəlxalq Qadınlar gününə həsr olunmuş fərdi sərgi.[1]

2011-ci il 18 noyabrda Naxçıvan MR B.Kəngərli adına sərgi salonu "Payız düşüncələri" adlı fərdi sərgi.[1]

2017-ci il 8 may Naxçıvan Rəssamlar Birliyinin B.Kəngərli adına sərgi salonunda Ulu öndər Heydər Əliyevin xatirəsinə həsr olunmuş "Rənglərdə zamanın təcəssümü" adlı fərdi sərgi.[4]

2017-ci il 20 iyun Bakıda Azərbaycan Rəssamlar İttifaqının V.Səmədova adına sərgi salonunda keçirilən "Nuh yurdunun rəngləri" adlı fərdi sərgi.[5]

Qarışıq sərgiləri[redaktə | əsas redaktə]

2002-ci ildən indiyədək Muxtar Respublikada keçirilən qarışıq sərgilərdə iştirak edir.[1]

2000-ci il oktyabrında ABŞ, Ford Xatirə Kitabxanası.[1]

2000-ci il oktyabrında ABŞ, Calumet.[1]

2001-ci ildə ABŞ,Avrasiya Konfransı.[1]

2001-ci il apreldə ABŞ, Şimal-Qərqi İndiana Dünya Ticarət Birliyi, "Perdue" Universiteti.[1]

2001-ci il mayda ABŞ Təşəbbüskarlar Ticarət sərgisi.[1]

2009-cu il Türkmənistan Respublikası.[1]

2011-ci ildə Bakıda V.Səmədova adına sərgi salonunda keçirilən Naxçıvan rəssamlarının sərgisi.[1]

2012-ci il iyunda Türkiyə Respublikası Qars-Qafqaz Universiteti.[1] Naxçıvan MR-da 2012, 2014, 2016, 2018-ci illərdə keçirilən "Naxçıvan-Bəşəriyyətin beşiyi" adlı Beynəlxalq rəsm festivalı.[1]

2018-ci il Türkiyənin Muğla - Fetihe şəhərində keçirilən "Dənizlərimiz, rənglərimiz" adlı sualtı rəsm festivalında sualtında rəsm çəkən ilk azərbaycanlı qadın rəssam olmuşdur.[6]

Yaradıcılığında qrafika və rəngkarlığın mənzərə, portret, tematik şəkil, natürmort janrı yer almışdır.[1]

İstinadlar[redaktə | əsas redaktə]