Həbib Rzayev

Həbib Rzayev
Naxçıvan Muxtar Sovet Sosialist Respublikasının prokuroru
1975 – 1980
Əvvəlki	Rəşid Həsənov
Sonrakı	Ələddin Sultanov
Şəxsi məlumatlar
Doğum tarixi	26 dekabr 1923(1923-12-26)
Doğum yeri	Nehrəm, Azərbaycan
Vəfat tarixi	12 avqust 1997(1997-08-12) (73 yaşında)
Vəfat yeri	Bakı, Azərbaycan

Rzayev Həbib Allahverdioğlu (26 dekabr 1923, Nehrəm – 12 avqust 1997, Bakı) — Naxçıvan MSSR-in Baş prokuroru, ədliyyə general-mayoru.

Həyatı

Həbib Rzayev 26 dekabr 1923-cü il tarixində Nehrəm kəndində anadan olmuşdur. 1942-ci ildə Orconikidze (indiki Vladiqafqaz) Səhra komandirləri kursunu, 1944-cü ildə Naxçıvan Müəllimlər İnstitutunu, 1947-ci ildə Bakı hüquq məktəbini, 1954-cü ildə isə Azərbaycan Dövlət Universitetinin Hüquq fakültəsini bitirmişdir. İkinci Dünya müharibəsinin iştirakçısıdır.

Həbib Rzayev 12 avqust 1997-ci ildə Bakıda vəfat etmişdir.

Fəaliyyəti

Həbib Rzayev 1961-1969-cu illərdə Noraşen rayonu prokuroru, 1970-1975-ci illərdə Kürdəmir rayon prokuroru, 1975-1980-ci illərdə Naxçıvan MSSR Baş prokuroru vəzifələrində çalışmışdır.

Mükafatları

Vətən müharibəsi ordeni və medallarla, SSRİ-nin əlaçı hüquqşünası döş nişanı ilə təltif olunmuşdur.

Mənbə

• Naxçıvan Ensiklopediyası (Bakı–2002)
• Elmin Nuri. ""Bir kəndin məşhurları" – Cəlil Məmmədquluzadənin kəndinin tanınmışları". 28.08.2015.