Nehrəm

Vikipediya, azad ensiklopediya
Jump to navigation Jump to search
Nehrəm
39°06′44″ şm. e. 45°27′40″ ş. u.
Ölkə Azərbaycan Azərbaycan
Rayon Babək rayonu
Tarixi və coğrafiyası
Saat qurşağı
Xəritəni göstər/gizlə
Nehrəm xəritədə
Nehrəm
Nehrəm

NehrəmAzərbaycanın Naxçıvan Muxtar Respublikasının Babək rayonunda qəsəbə.

Tarixi[redaktə | əsas redaktə]

1885-ci ildə Nehrəmdə ilk dünyəvi məktəb açılmışdir. Cəlil Məmmədquluzadə yeddi ildən çox (15 yanvar 1890 – 10 iyul 1897) Nehrəm məktəbində müəllim və nəzarətçi işləmiş, yerli əkinçilərin əməyini yüngülləşdirmək məqsədilə 1893-cu ildə Tiflisdəki "Ekker" firmasından kəndə ilk dəmir kotan gətirməyə nail olmuşdur. Yazıçı "Kişmiş oyunu" (1892), "Danabaş kəndinin əhvalatları" (1894), "Danabaş kəndinin məktəbi" (1896) əsərlərini burda yazmış, mahalda ilk dəfə olaraq qızları təhsilə cəlb etmiş və məktəb-tarix diyarşünaslıq muzeyi yaratmışdır. C.Məmmədquluzadə 1896-cı ildə bu kənddən olan Həlimə Nağı qızı ilə ailə həyatı qurmuşdur. Bu nikahdan yazıçının birinci övladı Münəvvər Məmmədquluzadə dünyaya gəlmişdir.

Maarif xadimi Kərim bəy İsmayılov "Sbornik materialov dlya opisaniya mestnostey i plemyon Kafkaza" toplusunda dərc olunmuş yazısında Nehrəm kəndinin ərazisi, coğrafi şəraiti, iqlimi, fauna və florası, adının etimologiyasi, tikililəri, suvarma sistemi, əhalisinin məşğuliyyəti, adət-ənənələri, dini ayinləri, bayramları və s. haqqında məlumat vermişdir.

19 iyun 2020-ci ildə Nehrəm kəndinə qəsəbə statusu verilib.[1]

İnfrastrukturu[redaktə | əsas redaktə]

Nehrəm kəndi Naxçıvan MR-in ən böyük kəndlərindən olub. 2009-cu ildə əhalisi 13752 nəfərdir.[2] Kənd yazılı mənbələrdə bəzən Nehrəm, Nehrem və ya Nehram kimi göstərilmişdir. Qəsəbənin tarixi çox qədimdir. Qəsəbə Araz çayının sol sahilində yerləşir. Əhalisinin sayı 2002-ci ildə aparılan siyahıya almaya görə 11 784 nəfər təşkil edir. Əhali taxılçılıq, üzümçülük, heyvandarlıq, bostançılıq və tərəvəzçiliklə məşğuldur.

Nehrəm qəsəbəsində üç orta, bir əsas, bir texniki peşə məktəbi, bir məktəblilər evi, musiqi məktəbi, dörd kitabxana, klub, mədəniyyət evi, kənd sahə xəstəxanası, doğum evi, poçt, rabitə şöbəsi, uşaq bağçası var. Altı məscid fəaliyyət gostərir. 4.3 km məsafədən kəndə içməli su kəməri çəkilmişdir. Yaxınlığında gəc sexləri var.

Qəsəbədəki İmamzadə piri qədim tarixə malikdir.

2014-cü ildə otuz bir min nəfər əhalinin yaşadığı 7 yaşayış məntəqəsini birləşdirən ŞəkərabadBabək – Nehrəm – Arazkənd dairəvi avtomobil yolunun yenidən qurulması məqsədi ilə Azərbaycan Respublikası Prezidentinin ehtiyat fondundan Naxçıvan Muxtar Respublikasının Nazirlər Kabinetinə ilkin olaraq 5,0 (beş) milyon manat ayrılmışdır[3].

Məşhur Nehrəmlilər[redaktə | əsas redaktə]

  • Səfər Mehdiyev - AR Dövlət Gömrük Komitəsinin sədri, gömrük xidməti general-polkovniki[4]
  • Əsgər Abdullayev - AR DGK sədrinin müavini, gömrük xidməti general-leytenantı[5]
  • Qulu Novruzov - Azərbaycan Respublikası Dövlət Gömrük Komitəsinin Akademiyasının rəisi.
  • Həbib Rzayev - ədliyyə general-mayoru
  • Qambay Vəzirov - general-mayor
  • Süleyman İsmayılov - 1-ci dərəcəli dövlət müşaviri
  • Əli Əlirzayev - millət vəkili
  • Nazim İbrahimov - AR Diasporla İş üzrə Dövlət Komitəsinin keçmiş sədri
  • Elçin İbrahimov - Azərbaycan Milli Elmlər Akademiyası, şöbəsinin müdiri
  • Hüseyn Bağıroğlu — şair.
  • Əli Səbri Qasımov - (1892-1983), Zaqafqaziya (Qori) Müəllimlər Seminariyasının məzunu, pedaqoq, yazıçı, jurnalist, tərcüməçi.
  • Əli Nuriyev – Azərbaycan alimi, kimya elmləri doktoru (1972), AMEA-nın müxbir üzvü (2007).
  • İsmayıl Məmmədov — Azərbaycan sovet cərrahı, Azərbaycanda tibb təhsili və səhiyyəsində xidmətləri olan , Azərbaycan Respublikasının "əməkdar elm xadimi" (2000), Azərb. SSR Tibb institutunun ümumi cərrahiyə kafedrasının professoru Azərb, SSR səhiyyə nazirliyinin 4-cü xəstəxanasının cərrahiyyə şöbəsinin müdiri(1974), Tibb institutunun elmi işlər üzrə prorektoru (1975)

Həmçinin bax[redaktə | əsas redaktə]

İstinadlar[redaktə | əsas redaktə]

  1. Babək qəsəbəsinə şəhər, Nehrəmə qəsəbə statusu verildi
  2. Azərbaycan Respublikası əhalisinin siyahıyaalınması 2009-cu il. I cild. Bakı - 2010.
  3. "Naxçıvan Muxtar Respublikasının Babək rayonunda Şəkərabad - Babək qəsəbə - Nehrəm - Arazkənd dairəvi avtomobil yolunun yenidən qurulması ilə bağlı tədbirlər haqqında Azərbaycan Respublikası Prezidentinin Sərəncamı". president.az (azərb.). president.az. 27 avqust 2014, 18:15. İstifadə tarixi: 2014-09-10.
  4. http://customs.gov.az/az/komite/rehberlik/man/2_mehdiyev-sefer-memmed-oglu
  5. http://customs.gov.az/az/komite/rehberlik/man/4_abdullayev-esger-hesen-oglu1