Didivar

Didivar
39°18′18″ şm. e. 45°26′02″ ş. u.
Ölkə	Azərbaycan Azərbaycan
Muxtar respublika	Naxçıvan MR
Rayon	Babək rayonu
Tarixi və coğrafiyası
Mərkəzin hündürlüyü	981 m
Saat qurşağı	UTC+04:00
Əhalisi
Əhalisi	1429 (2009) nəfər
Didivar

Didivar — Azərbaycan Respublikası Naxçıvan Muxtar Respublikasının Babək rayonunda kənd.

Tarixi

Didivar Babək rayonunun Şıxmahmud inzibati ərazi vahidində kənd. Naxçıvan çayı ilə Cəhriçayın qovuşduğu yerdədir. Kəndin adı XVIII əsrin əvvəllərində Didəbad variantında qeydə alınmışdır. Tədqiqatçıların bir qismi belə hesab edir ki, oykonim qədim İran dillərindəki didi (qala) və var (möhkəmləndirilmiş kənd, şəhər, yurd, məskən) sözlərindən ibarət olub, "qala kənd" mənasındadır. Bəzi tədqiqatçılar isə oykonimi fars dilindəki didi (görüş, görüşmə) və var (yer, yurd, məskən) komponentlərinin birləşməsi kimi "iki çayın görüşdüyü yerdə kənd" mənasında izah edirlər.

Mədəniyyəti

Didivar kəndində bir xəstəxana, bir məktəb, bir kitabxana, bir internet klub, bir mədəniyyət evi fəaliyyət göstərir.

Əhalisi

Əhalinin əsas hissəsini azərbaycanlılar, qalan hissəsini kürdlər və çox cuzi hissəsini isə yəhudilər təşkil edir. Əhalisi 1429 nəfərdir.(2009 - cu il).