Elçin İbrahimov (türkoloq)

Vikipediya, azad ensiklopediya
Jump to navigation Jump to search
Elçin İbrahimov
Elçin Əli oğlu İbrahimov
Elçin İbrahimov (alim).jpg
Doğum tarixi (36 yaş)
Doğum yeri Nehrəm kəndi, Babək rayonu, Naxçıvan Muxtar Respublikası,
Vətəndaşlığı SSRİ SSRİAzərbaycan Azərbaycan
Milliyyəti azərbaycanlı
Elm sahəsi Türkologiya,
Elmi dərəcəsi Filologiya üzrə fəlsəfə doktoru
Elmi adı Dosent
İş yeri AMEA-nın Nəsimi adına Dilçilik İnstitutunun türk dilləri şöbəsinin müdiri
Təhsili Bakı Dövlət Universiteti

Elçin İbrahimov (Elçin Əli oğlu İbrahimov; 1985, Nehrəm, Naxçıvan MSSR) — türkoloq alim, Türk Dil Qurumunun müxbir üzvü, "Türk dünyasına xidmət", "Lev Tolstoy" medalları təltifçisi, "İlin gənc alimi" mükafatçısı, filologiya üzrə fəlsəfə doktoru[1].

Həyatı[redaktə | mənbəni redaktə et]

Elçin İbrahimov 15 mart 1985-ci ildə Naxçıvan Muxtar Respublikası Babək rayonu Nehrəm kəndində anadan olmuşdur. BDU-nun Şərqşünaslıq fakültəsində bakalavriatura (2002–06), Qafqaz Universiteti Filologiya fakültəsində (Türk dili və ədəbiyyatı üzrə) magistratura (2006–09) təhsili almışdır. 2006–2016-ci illərdə Azərbaycan Respublikası Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyində baş məsləhətçi vəzifəsində çalışmışdır. 10 illik dövlət qulluğu stajına malikdir. 1 dərəcə dövlət qulluqçusudur. Qüsursuz fəaliyyət və nailiyyətlərinə görə dəfələrlə təşəkkürnamə və fəxri fərmanlarla təltif edilmişdir[2].

2016-cı ildən AMEA rəyasət heyətinin təsisçisi olduğu "Türkologiya" jurnalının məsul katibidir[3]. 2017-ci ildə "Türklər" arasında ortaq imla və əlifba problemləri" adlı filologiya üzrə fəlsəfə doktorluğu dissertasiyası müdafiə etmişdir. 2018-ci ildən AMEA Nəsimi adına Dilçilik İnstitutu Türk dilləri şöbəsinin müdiridir[4]. Elçin İbrahimov tərcümə və redaktə fəaliyyəti ilə də məşğul olur. 2019-cu ildə Nazirlər Kabineti yanında Tərcümə Mərkəzinin təşkil etdiyi dil və tərcümə işinin təkmilləşdirilməsi, peşəkar mütəxəssislərin müəyyən edilməsi və sertifikatlaşdırılması üzrə seçim turlarında iştirak etmiş və seçim turlarını uğurla keçərək "Azərbaycan dilindən türk dilinə, Türk dilindən Azərbaycan dilinə" ictimai-siyasi sahələr üzrə tərcüməçi sertifikatı almışdır[5]. Elçin İbrahimovun redaktəsində və tərcüməsində bir çox kitab işıq üzü görmüşdür.

Kitabları[redaktə | mənbəni redaktə et]

  • Azərbaycan Xalq Cümhuriyyəti: Dil Məsələləri Bakı: XAN nəşriyyatı, 2018, 208 səh.
  • Türk xalqları ortaq əlifba, imla və ünsiyyət dili, Monoqrafiya,Bakı: Mütərcim, 2017, 184 səh.
  • Türk xalqları ortaq əlifba, imla və ünsiyyət dili, Düzəlişlər və əlavələr edilmiş II nəşr-Kitab, Bakı: Elm və təhsil, 2018, 200 səh.
  • Azərbaycan Qəhrəmanlıq Salnaməsində Nehrəmli Şəhidlər, Kitab, Bakı: Maks Ofset, 2019, 67 səh.
  • Şeyxülislam Yehya Efendi Divanının Söz Varlığı, Kitab-monoqrafiya, Türk Edebiyatı Vakfı Yayınları, İstanbul-Türkiyə, 2019, 127 səh.

Tərcümələri[redaktə | mənbəni redaktə et]

  • Dmitri Qlukovski. Metro 2033 (roman), Hədəf nəşriyyatı, 2013, 656 s.
  • Ahmet Haldun Terzioğlu. TomrisXan (roman).Xan nəşriyyatı, 2016, 376 s.
  • Mustafa Yörü. İsaqquşu (tarixi roman).Xan nəşriyyatı, 2016, 509 s.
  • Aynur Tutqun. Həyatda gözardı edilməyəcəklər: Ailə v əuşaq. İpəkyolu nəşriyyatı, 2016, 176 s.
  • Bahəddin Ögəl. Türkmifologiyası, II cild. Türk düşüncə və gələnəyində dağlar,
  • Ustad jurnalı, № 2, 2017, s. 90–93.
  • Namiq Kamal Zeybək. Türk inancı Tanrı. TEAS Press, 2018, 127 s.
  • Aleksandr Düma.Qarazanbaq. Libra kitab, 2019, 160 s.

Mükafat və təltifləri[redaktə | mənbəni redaktə et]

  • 2016-cı ildə Türkiyə Təhsil və Elm Təşkilatları Birliyi tərəfindən "Xoca Əhməd Yəsəvi" medalı ilə təltif edilmiş.
  • 2016-cı ildə Səmərəli elmi fəaliyyətinə görə, AMEA Nəsimi adına Dilçilik İnstitutu tərəfindən "İlin gənc alimi" mükafatına layiq görülmüşdür.
  • 2018-ci ildə Kazan Federal Universiteti tərəfindən "Lev Tolstoy medalı" ilə təltif edilmişdir.[6]
  • 2019-cu ildə Almaniyada fəaliyyət göstərən "Türklərin Dünyası" beynəlxalq təşkilatı tərəfindən "Türk dünyasına xidmət" medalı ilə təltif olunmuşdur.[7]

İstinadlar[redaktə | mənbəni redaktə et]

  1. "Elchin Ibrahimov Azerbaycan Milli Bilimler Akademisi Doç.Dr" (türk). scholar.google.com. İstifadə tarixi: 2020-08-30.
  2. "Elçin İbrahimov - Yazarın kitapları" (türk). sozcukitabevi.com. İstifadə tarixi: 2020-08-30.
  3. "Elçin İbrahimov - Yazarın kitapları" (türk). sozcukitabevi.com. İstifadə tarixi: 2020-08-30.
  4. "Türk dilləri şöbəsinin müdiri Elçin İbrahimov Türk Dil Qurumunun müxbir üzvü seçilib" (azərb.). dilcilik.az. İstifadə tarixi: 2020-08-30.
  5. "Elçin İBRAHİMOV Kurumumuzu Ziyaret Etti". tdk.gov.tr. İstifadə tarixi: 2020-08-30.
  6. "Azərbaycanlı alim "Lev Tolstoy" mükafatına layiq görüldü" (azərb.). xalqqazeti.com. İstifadə tarixi: 2020-08-30.
  7. Azərbaycanlı türkoloq alim beynəlxalq mükafata layiq görülüb

Xarici keçidlər[redaktə | mənbəni redaktə et]