Həsən Zeynalov
| Həsən Zeynalov | |
|---|---|
| Həsən Sultan oğlu Zeynalov | |
 | |
| Doğum tarixi | 1 yanvar 1951 |
| Doğum yeri | Naxçıvan MSSR Şərur rayonu, Yengicə |
| Tanınır | Azərbaycanın Türkmənistan və Əfqanıstandakı fövqəladə və səlahiyyətli səfiri |
Həsən Zeynalov — Azərbaycanın Türkmənistan və Əfqanıstandakı fövqəladə və səlahiyyətli səfiri.
Həyatı[redaktə | əsas redaktə]
Həsən Zeynalov 1951-ci ilin yanvar ayının 1-də Naxçıvan Muxtar Respublikasında ziyalı ailəsində anadan olub. 1967-ci ildə orta məktəbi, daha sonra isə Azərbaycan Xalq Təsərrüfatı İnstitutunu bitirib.
Fəaliyyəti[redaktə | əsas redaktə]
- 1970-1983 – Bakı şəhər İcraiyyə Komitəsinin Texniki İnventarlaşdırma Bürosunda, texnik, mühəndis, baş mühəndis kimi fəaliyyət göstərib.
- 1983-1986 – Bakı şəhər Səbail rayonu İcraiyyə Komitəsinin Kommunal-Təsərrüfat İdarəsinin rəisi olub.
- 1986-1992 – Bakı şəhər İcraiyyə Komitəsinin Texniki İnventarlaşdırma Bürosunda, baş mühəndis olub.
- 1992- Birinci çağırış Naxçıvan Muxtar Respublikası Ali Məclisinin deputatı seçilib.
- 1992-2004 – Naxçıvan Muxtar Respublikasının Bakı şəhərindəki Daimi nümayəndəsi kimi fəaliyyət göstərib.
- 2004-2010 – Türkiyə Respublikasının Qars şəhərində Azərbaycan Respublikasının Baş konsulu olub.
- 2010-2015 – Türkiyə Respublikasının İstanbul şəhərində Azərbaycan Respublikasının Baş konsulu, eyni zamanda Azərbaycan Respublikasının Qara Dəniz İqtisadi Əməkdaşlıq Təşkilatı yanında Daimi nümayəndəsi olub.
- 2015 – Azərbaycan Respublikasının Türkmənistanda, eyni zamanda Əfqanıstan İslam Respublikasında Fövqəladə və səlahiyyətli səfiri təyin olunub.
Ailəsi[redaktə | əsas redaktə]
Evlidir, üç övladı və beş nəvəsi var.
Yazdığı kitab[redaktə | əsas redaktə]
"Diplomatın tale yolu" adlı kitab Həsən Zeynalovun göstərdiyi səmərəli fəaliyyətə işıq salan təkzibedilməz faktlar, rəsmi və mətbu sənədlər, canlı xatirələr əsasında ədəbi-publisistik üslubda qələmə alınıb. Nəşrdə diplomat haqqında “İnsan ömrünə uvertüra”, “İstiqlal mübarizəsi – milli təlatüm dövrü”, “Qars: ermən fitnəkarlığı ilə mübarizə”, “İstanbul dövrü fəaliyyəti: ziddiyyətlər içərisində” və digər yazılar yer alıb. Kitab “Şərq-Qərb” nəşriyyatında çap olunub, 680 səhifədən ibarətdir[1].
Mükafatları[redaktə | əsas redaktə]
2019-cu ilin iyul ayında Həsən Zeynalov 2-ci dərəcəli “Vətənə xidmətə görə” ordeni ilə təltif olunub.[2]
