Habil Qurbanov

Vikipediya, açıq ensiklopediya
Keçid et: naviqasiya, axtar
Habil Qurbanov
Habil Surxay oğlu Qurbanov
Habil Qurbanov.jpg
Doğum tarixi: 14 mart 1955(1955-03-14)
Doğum yeri: Ağdam, Azərbaycan
Elm sahəsi: hüquq
Elmi dərəcəsi: hüquq elmləri doktoru, professor

Habil Qurbanov — hüquq elmləri doktoru, professor.[1]

Orxan Məmmədov (Baharlı). Ağdamın adlı-sanlı pedaqoqları, alimləri. Bakı, 2001

Həyatı[redaktə | əsas redaktə]

Habil Surxay oğlu Qurbanov 14 mart 1955-ci ildə Ağdamda anadan olmuşdur.[2]

Maarif xadimi Surxay Qurbanovun oğludur. 1971-ci ildə Ağdam 1 saylı orta məktəbini bitirmişdir. 1971-1975 illərdə Azərbaycan Pedaqoji İnstitutunin coğrafiya fakültəsini fərqlənmə diplomu ilə bitirmişdir. AMEA-da kiçik elmi işçi kimi fəaliyyətə başlayan Habil Qurbanov 1975-1976 illərdə Ukraynanın Xmelnitski şəhərində hərbi xidmətdə olmuşdur O, 1976-1980 illərdə Bakı şəhəri Nəsimi Rayon Komsomol Komitəsində işləmişdir. 1980-cı ildə SSRİ Daxili İşlər Nazirliyinin Bakı orta xüsusi milis məktəbində tədris hissəsinin müfəttişi vəzifəsində çalışmışdır. 1982-1985 illərdə Volqoqrad Ali İstintaq Məktəbini qiyabi yolla müvəffəqiyyətlə bitirmişdir.

Habil Qurbanov 1984-1986 illərdə Bakı Milis Məktəbində qiyabi bölmənin rəisi, 1986-1990 illərdə məktəbin rəis müavini vəzifələrində çalışmışdır. O, 1990-cı ildə prokurorluq orqanlarına işə qəbul edilmiş, Bakı Şəhər Prokurorluğunun ümumi nəzarət şöbəsində prokuror, böyük prokuror vəzifələrində çalışmışdır. 1994-1995 illərdə Qaradağ rayon prokurorunun müavini, prokuror əvəzi, 1995-1997 illərdə Dəvəçi (Şabran) rayon prokuroru, 1997-2001-ci illərdə respublika prokurorluğunda cəza yerlərində qanunların icrasına nəzarət idarəsinin rəisi vəzifələrində çalışmışdır.

Orxan Zakiroğlu (Baharlı). Qarabağın Seyidli oymağı. I kitab. Bakı, 2017

Elmi fəaliyyəti[redaktə | əsas redaktə]

Habil Qurbanov 1988-ci ildə Moskvada SSRİ DİN-nin Akademiyasının dissertantı kimi, "Cinayət hüququ" sahəsində dissertasiya işini müdafiə edərək, hüquq elmləri namizədi alimlik dərəcəsi almışdır. 1997-ci ildə Moskvada Rusiya Federasiyası Baş Prokurorluğunun İnstitutunda doktorluq dissertasiyasını müdafiə edib, RF-nın hüquq elmləri doktoru diplomunu almışdır. 1998-ci ildə Azərbaycan Respublikası Prezidenti yanında Ali Attestasiya Komissiyası ona hüquq elmləri doktoru, 2010-cu ildə isə professor elmi adı diplomlarını vermişdir.

Alim 175 elmi məqalənin, 8 monoqrafiyanın, 5 dərs vəsaitinin müəllifidir. Onlardan 2 monoqrafiya və 30 elmi məqalə xarici ölkələrdə dərc olunmuşdur. Onun "Azərbaycan Respublikasının yeni cinayət qanunvericiliyinin nəzəri əsasları" monoqrafiyası 1997-ci ildə Moskvada çap edilmişdir. O, hüquq elmləri doktoru, professor A.V.Naumovun "Cinayət hüququ" dərsliyini Azərbaycan dilinə çevirmiş və redaktoru olmuşdur.

Uzun illər hüquq elmləri üzrə Müdafiə Şuralarının üzvü və Birdəfəlik hüquq elmləri doktorluğu üzrə Dissertasiya Surasının sədri olmuşdur.Uzun illər Azərbaycan Rеspublikası Prezidenti Yanında Ali Attestasiya Komissiyasının hüquq elmləri üzrə Ekspert Şurasının üzvü olmuşdur. Hazırda AMEA-nın Fəlsəfə, Sosiologiya, Hüquq və Siyasi elmlər üzrə Problem Şurasının və İxtisaslaşdırılmış Dissertasiya Şurasının üzvüdür. Onun elmi rəhbərliyi ilə 1 nəfər hüquq üzrə elmlər doktoru, 8 nəfər hüquq üzrə fəlsəfə doktoru elmi adına layiq görülmüşdür. Hazırda 5 nəfər doktorant və dissertantın elmi rəhbəridir.

Avropa Humanitar Elmlər Aklademiyasının və Türk Dünyası Araşdırmaları Uluslararası Elmlər Akademiyasının akademikidir.[2] Beynəlxalq Narkotizmlə Mübarizə Cəmiyyətinin üzvüdür.

H.Qurbanov respublikada yeni qanunlarının yaradılmasında yaxından iştirak etmiş, Azərbaycanda ilk dəfə olaraq 1996-cı ildə yeni Cinayət Məcəlləsinin (ümumi hissə) layihəsini hazırlamış və onu ictimaiyyətin müzakirəsinə vermişdir. Habil Qurbanov 2010-cu ildən Azərbaycan Milli Elmlər Akademiyasının Fəlsəfə və Hüquq İnstitutunun "Dövlət və hüquq nəzəriyyəsi, mülki hüquq və mülki proses" şöbəsinin müdiri vəzifəsində çalışır.

H.e.d., prof. H.S.Qurbanov AMEA Fəlsəfə və Hüquq İnstitutunun "Elmi əsərlər" beynəlxalq elmi-nəzəri, DİN Polis Akademiyasının elmi-nəzəri, "Qanun" elmi-hüquq jurnallarının, həmçinin Rusiya Federasiyasının Ədliyyə Naziyliyi nəzdindəki Hüquqi İnformasiyalar Elmi Mərkəzinin «Правовая информатика», Moskva şəhərinin "ЮНИТИ-ДАНА" nəşriyyatının "Государственная служба и кадры", "Закон и право", "Образование. Наука. Научные кадры", "Мониторинг правоприменения" jurnallarının redaksiya heyətinin üzvü kimi fəaliyyət göstərir.

Pedaqoji fəaliyyəti[redaktə | əsas redaktə]

Habil Qurbanov elmi-pedaqoji fəaliyyətlə də məşğuldur. 1980-1990-ci illərdə SSRİ DİN Bakı Xüsusi Orta Milis məktəbində tədris şöbəsinin müfəttişi, müəllim-metodisti, qiyabi bölmə rəisi və məktəbin rəis müavini olmuşdur.[3] O, 1997-2003-cü illərdə Moskva Dövlət Açıq Universitetinin Bakı Filialında Cinayət hüququ və Cinayət prosesi kafedrasının müdürü, 2003-2010-cu illərdə Azərbaycan Universitetində hüquq fakültəsinin dekanı vəzifəsində işləmişdir. Тəhsil Nazirliyinin əmri ilə dəfələrlə Bakı Dövlət Universitetinin "Hüquq" fakültəsinin Magistr buraxılış Komissiyasının sədri təyin edilmişdir.

Elmi əsərləri[redaktə | əsas redaktə]

  • Применение института обстоятельств, устраняющих общественную опасность и противоправность деяния. Баку, 1988
  • Управление реализацией института обстоятельств, устраняющих общественную опасность и противоправность деяния. Баку, 1989
  • Юридическая природа и содержание института обстоятельств, устраняющих общественную опасность и противоправность деяния. Баку, 1988
  • Обстоятельства, устраняющие общественную опасность и противоправность деяния. Монография, Баку, 1991
  • Защита прав несовершеннолетних и иных лиц, требующих социальной защиты, профилактика их безнадзорности и правонарушений. Монография,(в соавторстве) Казан, 1995.
  • Проблемы реформы уголовного законодательства Азербайджанской Республики.Монография, Баку, 1996
  • Авторский проект Общей части нового Уголовного кодекса Азербайджанской Республики. Монография, Баку, 1997
  • Теоретические проблемы реформы Уголовного законодательства Азербайджанской Республики.Монография, Москва, 1997
  • Криминалистический словарь(учебное пособие) (в соавторстве). Баку, 2004
  • Уголовное право (особенная часть) (учебное пособие). Баку, 2005
  • Уголовное право (общая часть) (учебное пособие). Баку, 2006
  • Azərbaycan Respublikasının Konstitusiyası (ümumtəhsil məktəblərinin 9-cu sinfi üçün dərslik). Bakı, 2009
  • Azərbaycanın bələdiyyə hüququ (dərs vəsaiti) (həmmüəllifliklə), Bakı, 2011 [4]
  • "Əməlin cinayət olmasını istisna edən hallar", Monoqrafiya, Bakı "Təhsil" nəşriyyatı,2014
  • Обстоятельства, исключающие преступность деяния, Монография, Издательство "Palmarium", Германия, 2015.

İctimai fəaliyyəti[redaktə | əsas redaktə]

Habil Qurbanov 1988-1994-cü illərdə Qarabağ hadisələrinin gedişatında fəal iştirak etmiş, Qarabağ müharibəsi veteranıdır.

"Qarabağ Futbol Veteranları" Klubunun təsisçisi və prezidentidir. Azərbaycanda ilk dəfə Mini Futbol (Futzal) Qurumunun yaradıcısıdır. 1993-2008-ci illərdə AFFA-nın Futzal və Hüquq Komitələrinin sədri olmuşdur. 1998-ci ildə Azərbaycan Futzal Federasiyasını təsis etmiş və Ədliyyə Nazirliyindən qeydiyyatdan keçirilmişdir. "Qarabağ" Futbol Klubuna çətin vaxtlarında maddi və mənəvi yardımla dəstək olmuşdur. Azərbaycan Tələbə Futbol Federasiyasının vitse-prezidentidir.

E-mail: professorqurbanov@yandex.ru

Ədəbiyyat[redaktə | əsas redaktə]

  • Orxan Məmmədov (Baharlı). Ağdamın adlı-sanlı pedaqoqları, alimləri. Bakı, Sabah, 2001. səh. 52-53
  • Orxan Zakiroğlu (Baharlı). Qarabağın Seyidli oymağı. I kitab. Bakı, 2017
  • Orxan Zakiroğlu (Baharlı). Seyidli oymağının nəsilləri və görkəmli övladları. "Bütöv Azərbaycan" qəzeti, 5-11 dekabr, 2012-ci il № 42(174)
  • Orxan Zakiroğlu (Baharlı). Seyidli oymağının Molla Qurbanlı nəsli. "Təzadlar" qəzeti, 23 yanvar 2014-cü il, № 06 (1877)

İstinadlar[redaktə | əsas redaktə]

Həmçinin bax[redaktə | əsas redaktə]