Hacıbəy Sultanov

Hacıbəy Sultanov
Hacıbəy Sultanov
	Sultanov Hacıbəy Fərəculla oğlu
Doğum tarixi	20 sentyabr 1921
Doğum yeri	Bakı, Şağan
Vəfat tarixi	5 mart 2008 (86 yaşında)
Vəfat yeri	Bakı, Azərbaycan
Vətəndaşlığı	SSRİ, Azərbaycan
Elm sahəsi	astronomiya
İş yeri	Şamaxı Astrofizika Rəsədxanası;
Alma-mater	BDU-nun Fizika-riyaziyyat fakültəsi
Təhsili	Bakı Dövlət Universiteti;
Mükafatları	;

Hacıbəy Sultanov (Sultanov Hacıbəy Fərəculla oğlu; 20 sentyabr 1921, Bakı, Şağan – 2008, Bakı) — elmlər doktoru (1967), AEA-nın həqiqi üzvü (1972), Əməkdar elm və texnika xadimi, Şamaxı Astrofizika Rəsədxanasının fəxri direktoru.^[1]

Həyatı

Hacıbəy Sultanov 1921-ci il sentyabrın 20-də Bakının Şağan kəndində anadan olmuşdur. 1942-ci ildə BDU-nun Fizika-riyaziyyat fakültəsini Astronomiya, göy mexanikası ixtisası üzrə bitirmişdir. 1951-ci ildə fəlsəfə doktorluğu, 1967-ci ildə elmlər doktorluğu dissertasiyasını müdafiə etmiş, 1972-ci ildə AEA-nın həqiqi üzvü seçilmişdir.^[1]^[2]

Akademik Hacıbəy Sultanov 2008-ci ildə Bakıda vəfat etmişdir.^[1]

Əmək fəaliyyəti

1953-cü ildən Azərbaycan SSR EA Fizika-Riyaziyyat İnstitutunda astronomiya ekspedisiyasının rəisi (1953–1954), astrofizika şöbəsinin müdiri (1954–1956), Azərbaycan SSR EA Astrofizika sektorunun rəhbəri (1956–1959), Şamaxı Astrofizika Rəsədxanasının direktoru (1959–1981), Azərbaycan SSR EA vitse-prezidenti (1976–1981) vəzifələrində çalışmışdır. Beynəlxalq Astronomiya İttifaqının (BAİ), Avropa Astronomiya Cəmiyyətinin üzvü olmuşdur.^[1]

Elmi fəaliyyəti

H. Sultanovun elmi fəaliyyəti astrofizika sahəsində müşahidələrin təşkili və təhlili ilə əlaqədardır. Mars və Yupiter planetlərinin orbitləri arasında yerləşən asteroidlərin mənşəyi ilə bağlı riyazi nəzəriyyənin müəlliflərindəndir. Aste- roidlər həlqəsinin Mars və Yupiterin arasında hərəkət edən bir neçə nisbətən böyük ilkin cisimlərin ardıcıl parçalanması nəticəsində əmələ gəldiyini əsaslandırmışdır.^[1]

Şamaxı Astrofizika Rəsədxanasının təşkili, yaşayış və inzibati binaların, qurğuların tikintisinin başlanması, teleskop və başqa astronomik cihazların sifarişi, istifadəyə verilməsinə, eləcə də kadrların hazırlanmasına mühüm töhfə vermişdir. Teleskopların (xüsusən 2-metrlik reflektorun) alınıb quraşdırılması, elmi və yaşayış binalarının tikilib istifadəyə verilməsi, hazırlanmış elmi-texniki kadrların artıq rəsədxanada müstəqil fəaliyyətə başlamaları məhz onun rəhbərliyi altında yerinə yetirilmişdir.^[1]

Mükafat və təltifləri

Hacıbəy Sultanov respublikanın Əməkdar elm və texnika xadimi fəxri adına layiq görülmüşdür.^[1]

İstinadlar

↑ ¹ ² ³ ⁴ ⁵ ⁶ ⁷ "Sultanov Hacıbəy Fərəculla oğlu" (Azərbaycan). science.gov.az. 17-09-2021 tarixində arxivləşdirilib.
↑ "SULTANOV HACIBƏY FƏRƏCULLA OĞLU" (az.). nkpi.az. 29 sentyabr 2016. İstifadə tarixi: 1 mart 2017.

Həmçinin bax

Nadir İbrahimov

[:0-1] ¹ ² ³ ⁴ ⁵ ⁶ ⁷ "Sultanov Hacıbəy Fərəculla oğlu" (Azərbaycan). science.gov.az. 17-09-2021 tarixində arxivləşdirilib.

[2] "SULTANOV HACIBƏY FƏRƏCULLA OĞLU" (az.). nkpi.az. 29 sentyabr 2016. İstifadə tarixi: 1 mart 2017.

[1]

[2]