Heydər Əliyev Muzeyi (Göyçay)
 | Bu məqalənin ensiklopedik tələblərə cavab vermədiyinə dair şübhələr var. Lütfən, ensiklopedikliyi təsdiq etmək üçün məqalənin mövzusuna uyğun tərəfsiz, etibarlı mənbələr əlavə edin. Əgər belə mənbələr göstərilməzsə, məqalə birləşdirilə, köçürülə, yönləndirilə və ya silinə bilər. (mart 2024) |
| Heydər Əliyev Muzeyi | |
|---|---|
 | |
| Əsası qoyulub | 2005[1] |
| Açılış tarixi | 2007[2] |
| Mövzu | bioqrafik |
| Ölkə |
 Azərbaycan |
| Yerləşir | Göyçay rayonu |
| Ünvan | Heydər Əliyev, 102, Göyçay, AZ2300 |
| Kolleksiyası | 518[3] |
| Muzeyə yetişmək | Göyçay |
| Telefon | Tel.: (+994 2027) 4-09-11, (+994 2027) 4-62-23 |
| 40°39′11″ şm. e. 47°44′26″ ş. u. | |
Heydər Əliyev Muzeyi — Göyçay rayonunda Azərbaycan Respublikasının Ümummilli Lideri Heydər Əliyevin həyat və fəaliyyətini, zəngin dövlətçilik irsini özündə təcəssüm etdirən muzey .[3][1]
Ümumilikdə Heydər Əliyev mərkəz və muzeyləri Azərbaycan xalqının Ümummilli Lideri Heydər Əliyevin dövlətçilik məfkurəsinin dərindən öyrənilməsi, geniş təbliği, Azərbaycan tarixi və dilinin, mədəniyyətinin, milli-mənəvi dəyərlərinin yaşadılması istiqamətində sistemli fəaliyyət göstərir.[3]
Azərbaycanda Heydər Əliyev muzeylərinin təşəbbüskarı və yaradıcılarından biri Quba Heydər Əliyev Mərkəzinin direktoru Elza Orucova olmuşdur.[2]
Heydər Əliyev muzeylərinin mahiyyət etibarı ilə mərkəz kimi fəaliyyət göstərdiyini, onların regionlarda ictimai-siyasi və mədəni mərkəzlər kimi mühüm rol oynadığını nəzərə alaraq, habelə yerlərdən daxil olan çoxsaylı müraciətlərə əsasən Azərbaycan Mədəniyyət və Turizm Nazirliyinin müvafiq əmri ilə Heydər Əliyev Muzeyləri mərkəz adlandırılmışdır.[4]
Haqqında[redaktə | mənbəni redaktə et]
Göyçay rayon Heydər Əliyev Muzeyi 2007-ci ildən fəaliyyətə başlamışdır. Heydər Əliyev Muzeyi Mədəniyyət və Turizm Nazirinin 24.01.2012-ci il tarixli 19 nömrəli əmrinə əsasən Heydər Əliyev Mərkəzi adlandırılmışdır. Göyçay rayon Heydər Əliyev Mərkəzi 2009-cu ildə tikilib, 2010-cu il fevralın 12-də Azərbaycan Respublikası Prezidenti cənab İlham Əliyevin iştirakı ilə rəsmi açılışı olmuşdur. Mərkəz iki mərtəbədən ibarət olaraq 3200 m²-lik sahəni əhatə edir. Mərkəzin həyətyanı sahəsi isə 1,5 ha-dır. Mərkəzdə 310 nəfərlik iclas zalı, 1 konfrans zalı,12 inzibati otaq və yardımçı otaqlar mövcuddur. Mərkəzdə 518 eksponat cəmlənmişdir. Bunlardan 302-si fotoşəkil, 182-si kitab, 32-si sənəd, 2-si isə heykəltaraşlıq nümunəsidir. Mərkəzdə rəsm, tarix, ədəbiyyat, xarici dil öyrənmə, şahmat dərnəkləri, kitabxana fəaliyyət göstərir. Həmçinin multi-media, virtual siniflər mövcuddur. Mərkəzin ekspozisiya sahəsi 300 m2-i əhatə edir. Burada Ulu Öndər Heydər Əliyevin həyat və fəaliyyətini əks etdirən 215 ədəd eksponat sərgilənir.[3]
Heydər Əliyev mərkəzinin qarşısında isə uzunluğu 40 m, hündürlüyü 6 m olan şəlalə-fəvvarə kompleksi yaradılmışdır.[2]
Muzey-kompleks rayonun daxili imkanları hesabına tikilib. "Göyçay Təmir-Tikinti" MMC tərəfindən milli arxitektura üslubunda inşa edilmişdir.[1]
Həmçinin bax[redaktə | mənbəni redaktə et]
İstinadlar[redaktə | mənbəni redaktə et]
- ↑ 1 2 3 "GÖYÇAY ŞƏHƏRİNDƏ HEYDƏR ƏLİYEV MUZEY-KOMPLEKSİ TİKİLİR" (az.). https://azertag.az. 25-01-2023 tarixində arxivləşdirilib.
- ↑ 1 2 3 "Göyçayda Heydər Əliyev Mərkəzi" (az.). https://goychay-encyclopedia.az. Archived from the original on 2023-01-25.
- ↑ 1 2 3 4 "Göyçay Rayon Heydər Əliyev Mərkəzi" (az.). ttps://kataloq.gomap.az. Archived from the original on 2023-01-25.
- ↑ "Göyçay Rayon Heydər Əliyev Mərkəzi" (az.). ttps://kataloq.gomap.az. Archived from the original on 2023-01-25.
Xarici keçidlər[redaktə | mənbəni redaktə et]
- "Göyçayda Heydər Əliyev Mərkəzi" (az.). https://goychay-encyclopedia.az. 25-01-2023 tarixində arxivləşdirilib.