II Ferens Rakoçi

Vikipediya, azad ensiklopediya
Jump to navigation Jump to search
II Ferens Rakoçi
II Ferenc Rákóczi
II. Rákóczi Ferenc Mányoki.jpg II Ferens Rakoçinin portreti
Transilvaniya Şəhzadəsi
1704 — 1711
Sələfi I Leopold
Xələfi IV Çarlz
Şəxsi məlumatlar
Doğum tarixi 27 mart 1676(1676-03-27)
Doğum yeri Borşa, Slovakiya
Vəfat tarixi 8 aprel 1735 (59 yaşında)
Vəfat yeri Təkirdağ, Osmanlı imperiyası
Dəfn yeri
  • St. Elisabeth Cathedral[d]
Sülalə Rakoçi sülaləsi
Atası I Ferens Rakoçi
Həyat yoldaşı Sarolta Amaliya
Hərbi xidmət
Rütbəsi General

II. Rákóczi Ferenc aláírása.jpg
Commons-logo.svg Vikianbarda əlaqəli mediafayllar

II Ferens Rakoçi-(mac. II Ferenc Rákóczi) (d. 27 mart 1676, Borşa, ö. 8 aprel 1735, Təkirdağ) 1703-1711 Macar istiqlaliyyət hərəkatının rəhbəri, Transilvaniya şahzadəsi

Həyatı[redaktə | əsas redaktə]

Ferens Rakoçi 1676-cı ildə Transilvaniyada dünyaya gəlmişdir. I Ferens Rakoçi və İlona Zirininin 3 uşağından sonuncusudur. Atası hələ o uşaq ikən vəfat etdiyi üçün anası uşaqlarını tək başına yetişdirmişdir. Daha sonra İlona ikinci dəfə İmre Tököli ilə ailə həyatı qurur. Ögey ata Rakoçinin təhsilinə laqeyd yanaşır. Bütün diqqətini siyasət sahəsinə yönəldən Tököli 1683-cü ildə türklər Vyana şəhərini tuta bilmədikdə Yuxarı Macarıstan kralı olmaq aruzlarının puç olacağını başa düşür və Rakoçini Konstantinapola xoş niyyətinin simgəsi olaraq göndərmək istəyir. Lakin anası bu addıma qarşı çıxır. 1688-ci ildə I Leopold onu öz himayəsinə götürür və anası ilə birlikdə Vyana şəhərinə köçür. 1694-cü ildə Sarolta Amaliya ilə ailə həyatı qurur və Rakoçi qalasına yerləşir.[1]

Rakoçinin istiqlaliyyət müharibəsi[redaktə | əsas redaktə]

Rakoçi 1700-cü ildə Habsburq sülaləsinə qarşı üsyana başlamaq məqsədilə Fransadan yardım istəyir. Avstriya kəşfiyyatının bundan xəbər tutması nəticəsində həbs edilir. O, edam edilcəyini bildiyi üçün həbsdən qaçaraq, Polşaya gəlir. 1703-cü ildə İspan irsi uğrunda müharibə nəticəsində Avstriya qoşununun bir hissəsi Macarıstandan çıxarılır. Beləliklə yeni bir üsyanın başlaması üçün şərait yaranır. Ferens Rakoçi Fransanın köməyi ilə Macarıstana qayıdaraq 1703-cü ildə Transilvaniya şəhzadəsi titulunu alır. 1705-ci ildə isə əsillər məclisi tərəfindən Macar şəhzadəsi tituluna layiq görülür. 1708-ci ildə Trençin döyüşündə Macar üsyançıları məğlub olur. Belə ki, məğlubiyyətdən sonra üsyançılar imperatorla sülh müqaviləsi bağlamaq qərarına gəlirlər. 1711-ci ildə sülh danışıqları başlasa da, Rakoçi təhlükəsizliyinin təmin etmək üçün Macarıstanı tərk edərək Polşaya gedir. Rakoçinin yoxluğunda üsyançılarla Avstriya nümayəndələri arasında Szatmar sazişi imzalanır. Beləliklə Rakoçinin rəhbərliyidə başlayan istiqlaliyyət müharibəsi sona çatır.

Ölümü[redaktə | əsas redaktə]

Rakoçi 1711-1717-ci illərdə Polşa, İngiltərəFransada yaşayır. 1715-ci ildə Osmanlı dövlətinin təklifini qəbul edərək Osmanlı torpaqlarına səfər edir və burada yaşamağa başlayır. O ailəsi ilə birgə Təkirdağa yerləşir. Və 1735-ci ildə burada vəfat edir. 1906-c ildə Macar hökümətinin qərarı ilə nəəşi Macarıstana gətirilir və burada Kassa şəhərində dəfn edilir.[2] Təkirdağdakı evi halhazırda muzey kimi fəaliyyət göstməktədir.

İstinadlar[redaktə | əsas redaktə]