Kökəb Əliyeva
| Kökəb Əliyeva | |
|---|---|
| Əliyeva Kökəb Miri qızı | |
| Doğum tarixi | |
| Doğum yeri | Məşhəd, İran |
| Vəfat tarixi | 30 sentabr 2021 |
| Vəfat yeri | Özbəkistan, Daşkənd |
| Dəfn yeri | Daşkənd məzarlığı |
| Vətəndaşlığı |
 Özbəkistan |
| Fəaliyyəti | rəssam |
| Mükafatları |
 |
Kökəb Əliyeva (tam adı: Əliyeva Kökəb Miri qızı; d. 1935, Məşhəd, İran) — Azərbaycan əsilli Özbəkistan rəqqası.[1] Azərbaycan Respublikasının[2] və Özbəkistan Respublikasının[3] əməkdar artisti.
Həyatı
[redaktə | vikimətni redaktə et]Kökəb Əliyeva 1935-ci ildə İranın Məşhəd şəhərində anadan olmuşdur.[1] Özbəkistana köçmüş Kökəb Əliyeva Daşkənd Dövlət Xoreoqrafiya məktəbini bitirmişdir.[1] Daha sonra Özbəkistanda tanınmış Batır Zakirovun Estrada Orkestrində işləmişdir. O, Oleq Lundstremin estrada orkestrində rəqqasə vəzifəsində çalışmışdır.[1] 2002-ci və 2005-ci illərdə keçirilmiş "Özbəkistan – bizim ümumi evimizdir" festivallarının laureatı olmuşdur.[1] Özbəkistanda fəaliyyət göstərən "Mexrijon" xeyriyyə fondunun həmsədri idi.[1]
Vəfatı
[redaktə | vikimətni redaktə et]30 sentyabr 2021-ci ildə Özbəkistanın Daşkənd şəhərində vəfat edib.[4]
Əsli və diaspor fəaliyyəti
[redaktə | vikimətni redaktə et]Əslən Qarabağlıdır. 50 ildən artıq Özbəkistanda Azərbaycan mədəniyyətini geniş təbliğ edib, Azərbaycan diasporasında fəal çalışıb, təşkil etdiyi dərnəklərdə yüzlərlə azərbaycanlı, özbək uşaq və yeniyetməyə milli rəqslərimizi öyrədib. Onun rəhbərlik etdiyi rəqs ansamblı Özbəkistandakı Heydər Əliyev adına Azərbaycan Mədəniyyət Mərkəzinin nüfuzunu yüksəltməklə yanaşı, Özbəkistanda keçirilən dövlət tədbirlərində, beynəlxalq festivallarda, el şənliklərində milli rəqslərimizi ifa və təbliğ edib. 40 mindən artıq azərbaycanlını öz mədəniyyətlərini, adət-ənənələrini unutmamağa dəstək olmuş, habelə milli rəqslərimizi digərləri tərəfindən mənimsənilməsinə, öz adlarına çıxmasına imkan verməmişdir.
Özbəkistandakı Heydər Əliyev adına Azərbaycan Mədəniyyət Mərkəzinin nəzdindəki "Azərbaycan qızları" rəqs ansablının rəhbəri olaraq Özbəkistanın Səmərqənd, Fərqanə, Margilan, Xivə, Ürgənc, Sırdırya, Gülüstan şəhərlərində keçirilən Azərbaycan mədəniyyəti, musiqisinə həsr olunmuş tədbirlərdə rəhbərlik etdiyi "Azərbaycan qızları" rəqs ansablının çıxışları yerli əhali tərəfindən rəğbət və alqışlarla qarşılanıb.
Özbəkistanda Azərbaycan diaspora təşkilatının idarə heyətinin üzvü olub, onun diaspora təşkilatının formalaşmasında xidmətləri böyük olub. Onun haqqında məlumat "Dünya azərbaycanlıları" kitabına da daxil edilib.[5]
Xatirəsinin ədəbiləşdirilməsi
[redaktə | vikimətni redaktə et]12 aprel 2022-ci ildə yaşadığı bina üzərində xatirə lövhəsinin açılış mərasimi keçirilib. Xatirə lövhəsini Heydər Əliyev adına Azərbaycan Mədəniyyət Mərkəzinin sifarişi ilə Özbəkistanın xalq rəssamı Marina Borodinova hazırlayıb.[6]
"Azərbaycan qızları"
[redaktə | vikimətni redaktə et]Kökəb Əliyeva hazırda Özbəkistandakı Heydər Əliyev adına Azərbaycan Mədəniyyət Mərkəzinin nəzdində fəaliyyət göstərən "Azərbaycan qızları" rəqs ansamblının bədii rəhbəri olub.[1] Azərbaycan xalq rəqslərinin Özbəkistanda fəal təbliğatçısı olan Kökəb Əliyevanın rəhbərliyi ilə vəfat edənə qədər yüzlərlə uşaq və yeniyetmə Azərbaycan milli rəqslərini, rəqs sənətinin sirlərini öyrənmişlər.[1] Hazırda işlədiyi rəqs dərnəyində isə 40-dan çox uşaq Azərbaycan musiqisi ilə yanaşı özbək və digər Şərq xalqlarının rəqslərini öyrənirlər.[7] Onlar müntəzəm olaraq Azərbaycanın Özbəkistan səfirliyinin və Azərbaycan Mədəniyyət Mərkəzinin tədbirlərdə uğurla çıxış edirlər.[7]
Mükafatları
[redaktə | vikimətni redaktə et]Kökəb Əliyeva Azərbaycan və Özbəkistan respublikalarının bir sıra rəsmi dövlət mükafatları ilə təltif edilmişdir:
"Əməkdar artist" (17.09.2007)[2]
"Dostluq" ordeni;[1]- "Şöhrət" ordeni;[1]
- "Müstəqillik" ordeni.[1]
- "Əməkdar artist"[3]
Həmçinin bax
[redaktə | vikimətni redaktə et]İstinadlar
[redaktə | vikimətni redaktə et]- ↑ 1 2 3 4 5 6 7 8 9 10 11 Özbəkistanda tanınmış azərbaycanlılar: Əliyeva Kökəb Miri qızı Arxivləşdirilib 2021-11-12 at the Wayback Machine. azculture.uz (az.)
- ↑ 1 2 "Azərbaycan Respublikasının mədəniyyət xadimlərinə fəxri adların verilməsi haqqında" Arxivləşdirilib 2022-01-17 at the Wayback Machine Azərbaycan Respublikası Prezidentinin 17 sentyabr 2007-ci il tarixli, 2387 nömrəli Sərəncamı. e-qanun.az (az.)
- ↑ 1 2 Rəqs kursu Arxivləşdirilib 2022-01-20 at the Wayback Machine. azculture.uz (az.)
- ↑ "Əməkdar artist vəfat etdi". 2024-04-30 tarixində arxivləşdirilib. İstifadə tarixi: 2024-04-30.
- ↑ "Azərbaycan mədəniyyətinə itki üz verib – Daşkənddə yaşayan əməkdar artistimiz vəfat edib". 2024-04-30 tarixində arxivləşdirilib. İstifadə tarixi: 2024-04-30.
- ↑ "Daşkənddə tanınmış soydaşımızın xatirə lövhəsi açılıb". 2023-10-04 tarixində arxivləşdirilib. İstifadə tarixi: 2024-04-30.
- ↑ 1 2 Azərbaycanın əsrarəngiz mədəniyyəti Orta Asiyada Arxivləşdirilib 2016-03-06 at the Wayback Machine. turkelpress.com, 05.05.2013 (az.)