Karvan (qrup)

Vikipediya, azad ensiklopediya
Jump to navigation Jump to search
Karvan

Üslub pop
Fəaliyyət illəri 19841993

Karvan1984-cü ildə yaranmış Azərbaycan musiqi qrupu[1].

Karvan qrupu elə bir dövrdə yarandı ki, özü ilə bərabər Azərbaycan estradasına sərbəstlik və müasirlik gətirdi. Statistikaya görə Azərbaycanda digər musiqi qruplarının Karvan qrupu qədər çox pərəstişkar ordusu olmayıb. Karvan qrupu Bakı Dövlət Sirki, Yaşıl TeatrLenin sarayında konsertlər verib. Qrupun Azərbaycanın hər şəhərində konsertləri keçirilib.

Qrupun "Qara gözlər", "Sarı güllər", "Dostum", "Polismen", "Tufanla oynama", "Durnalar" kimi mahnıları bu gün də sevilərək dinlənilir.

Yaranma tarixi[redaktə | əsas redaktə]

Qrup 1984-cü ildə yaranıb. Bu ansamblın yaradıcısı və rəhbəri o vaxtlar televiziyada çalışan məşhur qadın rejissorlarından biri Sevinc Kərimova idi. Bu xanım Azərbaycan Televiziyasında çəkilən ilk musiqi kliplərinin rejissoru olub. Demək olar ki, ilk dəfə klip çəkən rejissor adını da məhz Sevinc Kərimovaya şamil etmək olar. Lakin sonra bir sıra maliyyə və texniki çətinliklərə görə Karvan dağılır. Həmin vaxtlarda isə Yevgeni Baxtin və Tamilla Ağamirova da qrupun üzvləri idilər.

1988-ci ildə "Bakı payızı" müsabiqəsini təşkil edən Sevinc Kərimova Karvan qrupunu bərpa edir və qrupu mübarizə aparan musiqiçilərin tərkibinə daxil edir. Bu zaman Karvanda yeni üzvlər görünməyə başlayır. Əslində Sevinc Kərimova qrupa yeni üzvlər tapmaq üçün bu müsabiqəni təşkil etmişdi. "Bakı payızı" müsabiqəsindən sonra Sevinc Kərimova İlqar Xəyalı da qrupa dəvət edir. Bu, İlqar Xəyal üçün böyük nailiyyət olur. Firuz İsmayılov isə aranjimançı kimi qrupun yeni üzvünə çevrilir. Qrup ilk növbədə Türkiyədə uğurlu təqdimat keçirir və ardınca Azərbaycanda o zamankı Lenin sarayında (indiki Heydər Əliyev adına saray) geniş tamaşaçı kütləsi qarşısında 5 gün ərzində konsert verir. Karvan ilk dəfə televiziya efirinə çıxanda qrupu Nərgiz Cəlilova təqdim edib.

Qrup yarandığı vaxtlarda Rusiyanın "Maşina Vremeni" və Belarusiyada "Pesnyarı" kimi tanınmış musiqi qrupları ilə mübarizə aparırdı. Hətta Moskvadan Karvan qrupuna xüsusi dəvətlər gəlirdi.

Qrup üzvləri[redaktə | əsas redaktə]

  • Qrupun ifasında səslənən mahnıların bəstəkarı Mikayıl Vəkilovdur. O, hazırda həyat yoldaşı Sevinc Kərimova ilə Amerikanın Kaliforniya ştatının Los-Anceles şəhərində yaşayır və indi də musiqi ilə məşğul olur.
  • Qrupun ifa etdiyi mahnıların bir qisminin də bəstəkarı Firuz İsmayılov idi. Keçmiş Karvançı hazırda İstanbulda musiqi fəaliyyətini davam etdirir.
  • Qrupun zərb alətlərinin mahir ifaçısı Gülağa Cəbrayılov vətənindən kənarda — Almaniyada yaşayır. O, qrupun ilk heyətinin də tərkibində olub.
  • Gennadiy Yuqay qrupun bas-gitara ifaçısıdır.
  • Qrupun üzvü Yevgeni Baxtin hazırda Rusiyada yaşayır.
  • Ansamblda gözəl rəqsləri ilə yadda qalan Xana Qalsanova da Moskvada fəaliyyət göstərir.
  • Qrupun vokalisti — Sevil Hacıyeva və bir çox mahnıların sözlərinin müəllifi Malik Fərrux isə artıq dünyalarını dəyişiblər.
  • Karvan qrupunun inzibatçısı Fərhad Həsənov həm də qrupun cangüdəni idi.

Diskoqrafiya[redaktə | əsas redaktə]

  • "Qara gözlər"
  • "Dostum"
  • "Polismen"
  • "Bilərsən
  • "Xatirədir"
  • "Qatarlar"
  • "Sənə qurban"
  • "Gəl yarım"
  • "Səni görəndə"
  • "Durnalar"
  • "Demədin mənə"
  • "Gəmi"
  • "Niyə"
  • "Gözləmə"
  • "Sevgilim"
  • "Vətənim mənim, anam"
  • "Sarı güllər"

Qrupun dağılması[redaktə | əsas redaktə]

Qrupun dağılma ili 1993-cü il hesab olunur. Qrupun dağılma səbəbləri müxtəlif idi: o zamanlar Azərbaycandakı siyasi vəziyyət, Qarabağ müharibəsi və bunun musiqi sahəsinə də təsir etməsi. Eləcə də, Vəkilovlar ailəsinin, daha sonra isə Firuz İsmayılovun Azərbaycandan köçməsi və s. Qrupun dağılması Karvanın digər üzvlərinə də təsirini göstərir. Belə ki, İlqar Xəyal qrup dağıldıqdan sonra 4 il ərzində səhnəyə çıxmır. Digər üzvlər də uzun müddət işsiz qalır. Həmin illərdə Karvan qrupu Türkiyədə olarkən Firuz İsmayılov və Mikayıl Vəkilova iş təklif olunur və onlar da TürkiyədəABŞ-da musiqi fəaliyyətinə davam edirlər. Bu hadisədən altı ay sonra qrup dağılır.

İstinadlar[redaktə | əsas redaktə]

  1. Keçmişə salam - "Karvan qrupu" (ANS TV)