Kazım Orbay

Kazım Orbay
Şəxsi məlumatlar
Doğum adı	Mehmet Kâzım Orbay
Doğum tarixi	11 mart 1886(1886-03-11)
Doğum yeri	İzmir, Smirna sancağı[d], Aydın vilayəti, Osmanlı imperiyası
Vəfat tarixi	3 iyun 1964(1964-06-03) (78 yaşında)
Vəfat yeri	Ankara, Ankara ili, Türkiyə
Vəfat səbəbi	mədə xərçəngi
Dəfn yeri	Türkiyə Dövlət məzarlığı Zəncirliquyu qəbiristanlığı
Partiya	Cümhuriyyət Xalq Partiyası
Təhsili	Osmanlı Hərbi Məktəbi[d]
Fəaliyyəti	hərbi qulluqçu
Hərbi xidmət
Döyüşlər	Birinci Dünya müharibəsi, Balkan müharibələri, Dersim üsyanı
Rütbəsi	general-polkovnik
Vikianbarda əlaqəli mediafayllar

Mehmet Kazım Orbay (11 mart 1886, İzmir, Aydın vilayəti – 3 iyun 1964, Ankara) türk hərbçi və siyasətçi. Türkiyə Silahlı Qüvvələrinin 3-cü Baş Qərargah rəisidir.

Hərbi həyatı

1904-cü ildə Hərb Məktəbini bitirdikdən sonra leytenant rütbəsi almış və hərbi karyerasına başlamışdır. 1922-ci ilə qədər müxtəlif birlik və birləşmələrdə fəaliyyət göstərmişdir. Hərəkat Ordusu ilə 31 martda baş verən üsyanın yatırılmasında, Balkan müharibələrində, Birinci dünya müharibəsində, İstiqlaliyyət müharibəsində iştirak etmişdir. 31 avqust 1922-ci ildə Mirliva rütbəsinə yükslmişdir. Mirliva rütbəsi ilə Qafqaz İslam Ordusu komandanı və Baş Qərargah rəisinin müavini vəzifələrini yerinə yetirmişdir. 30 avqust 1926-cı ildə Ferîk-i əvvəl rütbəsinə yüksəlmişdir. Bu rütbədə olarkən Əfqanıstan Hərbi Heyət komandanı və 4-cü Ordu korpusu komandanı vəzifələrində xidmət etmişdir. 30 iyun 1930-cu ildə Jandarma qüvvələri komandanı, 24 avqust 1935-ci ildə isə 3-cü Ordu müfəttişliyi vəzifəsində xidmət etmişdir. 30 avqust 1935-ci ildə general (orgeneral) rütbəsi almış, 15 fevral 1943-cü ildə Ali Hərbi Şura üzvü olmuşdur.

Şəxsi həyatı

Evli idi. Haşmet Orbay adında oğlu var idi. İngilis, fransız, italyan və alman dillərində sərbəst danışa bilirdi.

Həmçinin bax

• Türkiyə Silahlı Qüvvələri Baş Qərargahı
• Qafqaz İslam Ordusu