Keçəçioğlu Məhəmməd

Vikipediya, açıq ensiklopediya
(Keçəçi oğlu Məhəmməd səhifəsindən istiqamətləndirilmişdir)
Jump to navigation Jump to search
Picto infobox music.png
Keçəçioğlu Məhəmməd
Məhəmməd Məşədi Xəlil oğlu
Fotoqrafiya
Sənətçi məlumatları
Doğum tarixi
18 iyul 1864(1864-07-18)
Doğum yeri Şuşa, Yelizavetpol quberniyası, Rusiya İmperiyası
(hazırki Şuşa, Azərbaycan)
Vəfat tarixi 20 noyabr 1940 (76 yaşında)
Vəfat yeri Quba, Azərbaycan SSR, SSRİ
Vətəndaşlığı Flag of Russia.svg Rusiya İmperiyası
Flag of Azerbaijan 1918.svg AXC
Flag of the Soviet Union.svg SSRİ
Peşəsi Xanəndə

ÜslubMuğam
Musiqi alətiVokal
Dəf

Keçəçioğlu Məhəmməd (əsl adı: Məhəmməd Məşədi Xəlil oğlu; 18 iyul 1864 – 20 noyabr 1940) — Azərbaycan xanəndəsi.

Həyatı[redaktə | əsas redaktə]

Keçəçioğlu Məhəmməd (Məhəmməd Məşədi Xəlil oğlu) 1864-cü ildə Şuşa şəhərində anadan olmuşdur. Azərbaycan musiqi mədəniyyətinin inkişafında xüsusi rol oynamışdı. Xanəndəlik sənətini Şuşada Xarrat Qulunun məktəbində və məşhur xanəndə Məşədi İsidən öyrənmişdir. Qarabağ məktəbinin digər görkəmli nümayəndələri ilə yanaşı, yaradıcılığında muğam sənətini inkişaf etdirmiş, Azərbaycan muğamının şöhrətini hər yana yaymışdır.

Onun repertuarlarında klassik muğamlar, təsnif və xalq mahnıları əsas yer tuturdu. Geniş diapozonlu, güclü və zil səsə malik xanəndə bütün muğam-dəstgahları və zərbi muğamları ustalıqla oxuyurdu. Keçəçioğlu Məhəmməd öz sənətinə tələbkarlıqla yanaşan və öz üzərində daim, yorulmaq bilmədən çalışan xanəndə olmuşdur. Oxuduğu “Zəminxarə”, “Hümayun” kimi muğamlarla o, dinləyiciləri ələ almağı və öz bənzərsiz ifası ilə onları valeh etməyi bacarırdı.

Keçəçioğlu Məhəmməd klassik muğamları, həmçinin, "Nəva", "Mahur", "Bayatı-Qacar" muğamını original bir şəkildə , özünəməxsus cəhətlərlə ifa edirdi. Bununla yanaşı, o, xüsusən zərbi muğamların təbliğatçısı kimi tanınmışdır. Xanəndə Şərq konsertlərində çıxışları ilə də xalqın rəğbətini qazanmışdır. Xüsusilə onun Cabbar Qaryağdıoğlu ilə bigə [[Məhəmməd Füzuli |Füzulinin]] "Leyli və Məcnun" poemasından səhnələri duet şəklində oxumaları çox məşhur idi.

Onun qastrol səfərləri də qeyd olunmalıdır. Xanəndəliklə yanaşı, pedoqoji fəaliyyətlə də məşğul olmuşdur. Keçəçioğlu Məhəmməd bütün qüvvəsini və biliyini musiqi mədəniyyətimizin inkişafına həsr etmişdir. 1926-cı ildə Üzeyir Hacıbəyovun təşəbbüsü ilə Keçəçioğlu Məhəmməd Azərbaycan Dövlət Konservatoriyasına dəvət edilir. O, burada Azərbaycanın bir çox xanəndələrini yetişdirmişdir.

Keçəçioğlu Məhəmməd 20 noyabr 1940-cı ildə Qubada vəfat etmişdir.[1]

Yaradıcılığı[redaktə | əsas redaktə]

Xanəndəlik sənətinə Şuşada Xarrat QulununMəşədi İsinin məktəbində yiyələnmişdir. "Bayatıqacar" muğamını orijinal tərzdə və xüsusi ustalıqla ifa etmişdir. Onun ifasında bir sıra muğam, təsnif və xalq mahnıları "Sport-rekord" (Varşava) və "Ekstrafon" (Kiyev) şirkətləri tərəfindən qrammofon valına yazılmışdır. 1926-cı ildə Ü.Hacıbəyov tərəfindən Azərbaycan Dövlət Filarmoniyasına dəvət olunmuş və gənc xanəndələr yetişdirmişdir.

Mənbə[redaktə | əsas redaktə]

İstinadlar[redaktə | əsas redaktə]

  1. Firidun Şuşinski. Azərbaycan xalq musiqiçiləri. Bakı, Yazıçı, 1985, səh. 141.  (azərb.)

Həmçinin bax[redaktə | əsas redaktə]