Lökbatan

Vikipediya, açıq ensiklopediya
Keçid et: naviqasiya, axtar

K: cenub°40′19″38, şərq°49′43″48

LÖKBATAN Lokbatan.jpg
Xəritə
Qaradağ rayonu
Qaradağ rayonu
Məlumatlar
Ərazi 67 km²
Əhali 98 300[1] (2013)
Koordinatlar cenub°40′19″38, şərq°49′43″48
İnzibati İdarə
Ölkə Flag of Azerbaijan.svg Azərbaycan
Rayon Qaradağ
Şəhər Bakı
Qəsəbə Lökbatan

LökbatanAzərbaycanın Bakı şəhərinin Qaradağ rayonunda qəsəbə.

Tarixi[redaktə | əsas redaktə]

Lökbatan adının yaranma tarixi Xoca Həsən və Sənqəçal arasında olan karvan yolunun olması ilə bağlıdır. İndiki qəsəbə olan əzari karvan dayanacağı olub, burada dəvələr tez-tez batağlığa düşdüyünə görə məskənə Lök-batan ("lök" farsca "dəvə" deməkdir) adı yaranıb.

Qəsəbənin ərazisi 1931-32-ci illərdə 45 saylı neft quyusunun fontanı (1934) ilə əlaqədar salınıb. Həmin dövrdə neftlə əlaqədar indiki Seymur Orucov küçəsində olan qamış evlərdən ibarət yaşayış massivinin əsası qoyulub. Ölkənin müxtəlif yerlərində neft mədəninə işləmək üçün müxtəlif millətlərin nümayəndələri gəlib burada məskunlaşmırlar.

Lökbatan şəhər tipli qəsəbə olaraq Qaradağ rayonunun mərkəzidir. Qəsəbə ərazisində xeyli palçıq vulkanı vardır. Bilinən tarixdə 18 güclü vulkan püskürməsi olmuşdur. Son dəfə vulkan oyanması 2001-ci ildə qeydə alınıb.

Tarixən qəsəbənin adındakı defis çıxarılaraq Lökbatan kimi yazılmaqdadır.

1992-1993-cü illərdə Ermənistan tərəfdən işğal edilmiş ərazilərdən olan xeyli sayda məcburi köçkünlər bu qəsəbədə məskunlaşmışlar.[Mənbə göstərin]

Mədəniyyəti[redaktə | əsas redaktə]

Yaxın illərdə qəsəbədəki Heydər Əliyev parkı təmir olunmuş, Heydər Əliyev muzeyi fəaliyyətə başlamışdır. Burada 5 məktəb var (288, 233,166, 139 və 106 saylı məktəblər).

Son illərdə Binə və Sədərək ticarət mərkəzləri burada fəalyyətə başlamışdır.

2 məscid (Qəsəbə məscidi və Sədərək məscidi), 1 qəbristanlıq və 1 Şəhidlər Xiyabanı vardır. Qəbristanlıqda 1960-cı il və daha əvvəldən qalma qəbirlərə rast gəlinir. Bəzi qəbirlərin yalnız mamırla örtülmüş baş daşları görünür.

Coğrafiyası və iqlimi[redaktə | əsas redaktə]

Abşeron yarımadasının cənub qərbində yerləşir. Qaradağ sement zavodu burada fəaliyyət göstərir . Torpağı gillidir və dəniz sahilində olduğundan ərazisində bir neçə çimərlik var.

Yaşayış sahələri[redaktə | əsas redaktə]

Təzə Evlər[redaktə | əsas redaktə]

Bakı şəhərinin Lökbatan qəsəbəsinin bir hissəsinə sakinlər tərəfindən verilən addır. Lökbatan qəsəbəsi Bakı şəhərinin ən böyük rayonu olan Qaradağın mərkəzidir. Təzə evlər qəsəbənin 1980-ci illərdən sonra salınmış hissəsidir. Əsasən 5 mərtəbəli evlərdən və üç 9 mərtəbəli binadan ibarətdir. Son illərddə daha yaxşı abadlaşdırılıb. Qəsəbənin girişində Qaradağ şadlıq sarayının qarşısından sağa dönən yoldan etibarən Təzə evlər başlayır. Digər məhəllələrdən fərqli olaaq rusdilli əhali daha az, məcburi köçkünlər və qəsəbənin yeni sakinləri daha çoxdur. Şəhər tipli yaşayış sahəsidir. 288 saylı orta məktəb, yeni tikilən xəstəxana burada yerləşir.

Əhalisi[redaktə | əsas redaktə]

31 mindən çox əhalisi olan bu qəsəbədə əsas peşə neftçilik olsa da sahibkarların və iş adamlarının yaşadığı bir qəsəbəyə çevrilməkdədir.

Mərkəzi küçəsi 28 may küçəsidir.

2010-cu ilin əvvəllərindən qəsəbədə yenidən bərpa olunmuş 1941-1945-ci il müharibəsində həlak olmuş azərbaycanlıların abidəsi abadlaşdırılmışdır. Bu illərdə Qarabağ döyüşlərində şəhid olmuş qəsəbə sakinlərinin adları və Milli Qəhramanlarının adları qeyd olunmuşdur. Sənaye müəssisələri – 6
Təhsil ocaqları – 8
(Məktəblər- 5,
litsey və peşə məktəbləri -1,
musiqi məktəbi-1,
uşaq yaradıcılıq mərkəzi-1) Səhiyyə ocaqları -6
(Xəstəxana-2,
doğum evi-1,
poliklinika-1,
uşaq sanatoriyası-1,
təcili tibbi yardım stansiyası-1) Uşaq bağçaları-7
Mədəniyyət evi -1
Kitabxana-1
Məscid-1
Tarixi abidələr-1 (Qurd qapısı-Qasımbəy Çapdıran) Əlvan metallar Zavodunun arxası.

İstinadlar[redaktə | əsas redaktə]

  1. Azərbaycan Respublikasının Dövlət Statistika Komitəsi: 2013-cü ilin əvvəlinə iqtisadi və inzibati rayonlar, eləcə də şəhər yaşayış məntəqələri üzrə əhalinin cins bölgüsündə sayı (min nəfər)