Larisa Məmmədova

Vikipediya, azad ensiklopediya
Naviqasiyaya keçin Axtarışa keçin
Larisa Məmmədova
Doğum tarixi 11 avqust 1977(1977-08-11)
Doğum yeri
Vəfat tarixi 20 yanvar 1990(1990-01-20) (12 yaşında)
Vəfat yeri
Dəfn yeri Şəhidlər xiyabanı
Atası Fərman Məmmədov
Anası Qalina Məmmədova
Milliyyəti Azərbaycanlı

Larisa Məmmədova (tam adı: Larisa Fərman qızı Məmmədova; 11 avqust 1977, Bakı20 yanvar 1990, Bakı) — Qara Yanvar şəhidi və məktəb şagirdi. O, 20 yanvar faciəsinin az yaşlı şəhidlərindən biridir. Azərbaycan Respublikasının Prezidenti 31 mart 1998-ci il tarixli fərmanı ilə Larisa Məmmədova və digər 146 şəhidə "20 Yanvar Şəhidi" fəxri adı verilmişdir[1].

Həyatı[redaktə | mənbəni redaktə et]

Məmmədovlar ailəsi: Fərman Məmmədov, Larisa MəmmədovaQalina Məmmədova

Larisa Məmmədova 1977-ci il 11 avqust tarixində Bakı şəhərində anadan olmuşdur.

Ölümü[redaktə | mənbəni redaktə et]

1990-cı ilin 19 yanvardan 20 yanvara bağlayan gecə Larisa atası Fərman Məmmədov ilə birlikdə atasının işlədiyi L. Şmidt adına zavoda getmişdir. L. Şmidt adına zavodun yanında İkarus avtobusunda oturduqları yerdə maşın gülləbaran edilmiş, Larisa ürək nahiyəsindən güllə yarası almış, yerindəcə həlak olmuşdur. Atası Fərman Məmmədov ağır yaralanmışdır.[2]

1990-cı ildə Bakıda Şəhidlər xiyabanında dəfn edilib.

Ailəsi[redaktə | mənbəni redaktə et]

Larisanın ailəsi beş nəfərdən ibarəti idi və onun Emil adlı qardaşı, Nərminə adlı bacısı vardı.

Larisa Məmmədovanın atası Fərman Məmmədov Hamlet Talıbovun ardından 19 noyabr 2020-ci ilədək Azərbaycan Vətənpərvərlər Partiyasının sədri olmuşdur. Həmin tarixdə isə sədrliyi Elvin Mahmudzadəyə həvalə etmişdir.

İrsi[redaktə | mənbəni redaktə et]

Larisa Məmmədovanın adına Bakı şəhərində küçə yerləşir. Azərbaycanın şairi Bəxtiyar Vahabzadə Larisa ilə bağlı "On üç yaşlı körpə bala" şeirini yazmışdır:

On üç yaşlı körpə bala,
Yazıq anan necə dözsün
Bu kədərə, bu məlala?
Məzarının baş ucunda kuklan da var.
Bu gün layla çalmalıykən sən kuklana,
Kuklan sənə laylay çalar.
Sən özün də kukla idin.
Bu dünyanın əvvəlini, axırını
Heç bilmədin.
Kim kuklaya güllə atar?
Atan oldu…

"On üç yaşlı körpə bala", Bəxtiyar Vahabzadə[3]

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. ""20 Yanvar Şəhidi" fəxri adının verilməsi haqqında Azərbaycan Respublikasının Prezidentinin 17 yanvar 2000-ci il tarixli 259 saylı Fərmanı". 2022-08-18 tarixində arxivləşdirilib. İstifadə tarixi: 2015-07-17.
  2. "Qulu Kəngərli, "Qara Yanvar şəhidləri", Bakı, "Gənclik", 1992" (PDF). 2015-07-17 tarixində arxivləşdirilib (PDF). İstifadə tarixi: 2015-07-17.
  3. Aynur Tağıyeva. "13 yaşlı 20 yanvar şəhidi" (az.). karabakhinfo.com. 20.01.2015. 2015-08-16 tarixində orijinalından arxivləşdirilib. İstifadə tarixi: 2015-07-17.

Xarici keçidlər[redaktə | mənbəni redaktə et]