Lukas Podolski

Vikipediya, açıq ensiklopediya
Keçid et: naviqasiya, axtar
Futbol
Lukas Podolski
Ümumi məlumat
Komanda haqqında məlumat
Klub {{{indiki klubu}}}
Karyerası
Lukas-Podolski-2014-3.jpg
Lukas Podolski, 2014

Lukas Podolski (4 iyun 1985, Polşa) — Polşa əsilli Almaniyalı futbolçu. Hal-hazırda Qalatasarayda forma geyinir.

Həyatı[redaktə | əsas redaktə]

Lukas Podolski, peşəkar futbolçu Valdemar Podolski və həntbol oyunçusu Kristina Podolskanın oğlu olaraq Polşanın Qlivise şəhərində dünyaya gəlmişdir. 1987-ci ildə ailəsi ilə birlikdə Almaniyaya köçmüşdür. Podolski 2011-ci ildə evlənmişdir.

Klub karyeraları[redaktə | əsas redaktə]

Köln

Futbola 1991-ci ildə Cuqend 07 Berqhem klubunun futbol məktəbində başlamışdır. 1995-ci ildə Köln futbol klubunun U-15 komandasına keçdi. 2003-cü ildə ilk dəfə Köln'ün ikinci komandasında oynamışdır. Daha sonra U-19 komandasında göstərdiyi uğurlardan sonra 18 yaşında birinci komandada oynamışdır. Lakin Köln liqanı sonuncu yerdə bitirdikdən sonra ikinci liqaya düşmüşdü.

2004-05 ci illərdə 2. Bundesliqada uğurlu bir il keçirərək 30 oyunda 24 qol vurub, 11 asist etmişdir. Beləliklə, qol kralı olmuşdur. İl sonunda isə Köln klubu yenidən Bundesliqaya qayıtmışdır.

Bu liqadakı ikinci ilində də uğurlu çıxış edərək 12 qol vurmuşdur. Üçüncü ildə klubun ən güclüsü olmağına baxmayaraq klub yenidən ikinci liqaya qayıtmışdır.

Bavariya

10 iyul 2006-cı ildə təxminən 10 milyon avroya 2010-cu ilin sonuna qədər Bavariya ilə razılaşmışdır. Lakin il sonunda 22 oyunda sadəcə 4 dəfə fərqlənmişdir. O, bu klubda ilk Avropa qolunu da vurmuşdur.

2006/07-ci illərdə 5 qol vuran futbolçu Münhen klubu ilə liqa çempionluğu da yaşamışdır. Bundan əlavə Almaniya Kubokunun da sahibi olmuşdur. Növbəti ildə isə liqa ikincisi və UEFA Çempionlar Liqasının dörddə bir finalçısı olan klubda ilk 11'də oynaya bilmədi və klubdan ayrıldı.

Köln'ə qayıdış

2009/10-cu illərdə yenə 10 milyon avroluq razılaşma ilə köhnə klubu Kölnə geri dönmüşdür. Birinci il o qədər uğurlu ola bilməyən Podolski növbəti ildə 13 qol və 8 asist etmişdir. 11 mart 2011-ci ildə Bundesliqadakı 50-ci qolunu vurmuşdur. Lakin klubun uğurlarının ardı gəlmədiyi üçün il sonunda Bundesliqadan ayrılanlardan biri olmuşdur.

Arsenal

2012/13-cü illərdə Almaniyadan ilk dəfə ayrılan Podolski Arsenala transfer olundu. Birinci ilini 11 qol və 10 asist ilə bağladı. UEFA Çempionlar Liqasında 4 qol vura bildi. Zədələndiyi üçün növbəti ilin birinci hissəsində oynaya bilmədi. Daha sonra isə yalnız FA Kubokunda final oynadı.

İnter Milan

Podolski 2014/15 ilin qış transfer mərhələsində İnter Milana kirayə göndərilmişdir. İl sonunda isə klubdan ayrıldığını bildirmişdir.

Qalatasaray

4 iyul 2015-ci ildə 2.5 milyon avroya Qalatasaray ilə razılaşmışdır.

İstinadlar[redaktə | əsas redaktə]

Həmçinin bax[redaktə | əsas redaktə]