Mübariz Göyüşlü

Vikipediya, açıq ensiklopediya
Keçid et: naviqasiya, axtar
Mübariz Göyüşlü
azərb. Göyüşlü Mübariz Müstəqim oğlu
Mübariz Göyüşlü.jpg
Doğum tarixi: 23 yanvar 1981 (1981-01-23) (36 yaş)
Doğum yeri: Daş Salahlı, Qazax, Azərbaycan SSR
Milliyyəti: Azərbaycan türkü
Fəaliyyəti: İctimai

Mübariz Göyüşlü (azərb. Göyüşlü Mübariz Müstəqim oğlu; d. 23 yanvar 1981, Qazax, Azərbaycan SSR) — AMEA Mərkəzi Elmi Kitabxanasının Beynəlxalq və İctimaiyyətlə Əlaqələr Şöbəsinin müdiri, Müasir İnkişaf İctimai Birliyinin idarə heyətinin sədri, Türk Eli jurnalının və Dialoq.info təhsil saytının baş redaktoru.[1]

Türk-İslam ideoloji prinsipini müdafiə edir. 2001-ci ildən 2005-ci ilə kimi müxtəlif gənclər təşkilatlarinda çalışaraq həmin prinsipləri təbliğ edib. Bu ideoloji prinsipləri daha geniş təbliğ etmək üçün “Müasir İnkişaf” İctimai Birliyinin əsasını qoyub və daha geniş aiditoriyanı əhatə etməyə, həyata keçirilən tədbirlərin səmərəliliyini artırmağa çalışır.[2]

Həyatı[redaktə | əsas redaktə]

1981-ci il yanvarın 23-də Qazax rayonunun Daş Salahlı kəndində anadan olub. Orta təhsilini 1987-1997-ci illərdə Bakı şəhərindəki 269 saylı orta məktəbdə alıb. Bakı Dövlət Universitetinin jurnalistika fakültəsində 1998-2003-cü illərdə bakalavr və 2005-2008-ci illərdə magistratura pilləsi üzrə ali təhsil alıb. 1999-2000-ci illərdə həqiqi hərbi xidmət keçib.

2014-2015-ci illərdə Bakı Dövlət Universitetinin nəzdində fəaliyyət göstərən Tyutor (tələbələrin akademik məsləhətçisi) kursunu müvəffəqiyyətlə bitirmişdir. 2016-cı ildən Bakı Dövlət Universitetinin Jurnalistika fakültəsinin Beynəlxalq jurnalistika kafedrasında siyasi elmlər üzrə fəlsəfə doktoru alimlik dərəcəsi almaq üçün (“Azərbaycan-Türkiyə strateji müttəfiqliyinin informasiya təminatı iki ölkənin mediasında 2005-2015-ci illər” mövzusunda) elmi iş üzərində çalışır. İxtisasca jurnalistdir.

1998-2001-ci illərdə “Olaylar” və “525-ci qəzet”də, 2001-2008-ci illərdə “Şərq” qəzetində müxbir vəzifəsində çalışıb. 2008-2010-cu illərdə Azərbaycan Milli Elmlər Akademiyasının İnsan Hüquqları İnstitutunda elmi işçi vəzifəsində çalışıb.

26 aprel 2016-cı ildən Azərbaycan Milli Elmlər Akademiyasının Mərkəzi Elmi Kitabxanasında Beynəlxalq və İctimaiyyətlə Əlaqələr Şöbəsinin müdiri vəzifəsində çalışır (Şöbənin tərkibində Beynəlxalq əlaqələr bölməsi və İctimaiyyətlə əlaqələr bölməsi fəaliyyət göstərməkdədir).

İngilis, rus, türk dillərini bilir.

Ailəlidir, bir qızı var.

İstinadlar[redaktə | əsas redaktə]