Mütəllim Həsənov

Mütəllim Həsənov
Mütəllim Saleh оğlu Həsənоv
Doğum tarixi	25 fevral 1955 (1955-02-25)
Doğum yeri	Məmmədbəyli, Zəngilan rayonu, Azərbaycan SSR, SSRİ
Vətəndaşlığı	Azərbaycan
Fəaliyyəti	yazıçı, jurnalist
Vikianbarda əlaqəli mediafayllar

Mütəllim Həsənоv (Həsənоv Mütəllim Saleh оğlu; 25 fevral 1955. Məmmədbəyli, Zəngilan rayonu, Azərbaycan SSR, SSRİ) — Azərbaycan Jurnalistlər Birliyinin üzvü, "Həsən bəy Zərdabi" mükafatı laureatı, Ali kateqoriyalı müəllim.

Həyatı

Mütəllim Həsənоv 25 fevral 1955-ci ildə Zəngilan rayonunun Məmmədbəyli kəndində anadan оlub. 1961-1972-ci illərdə N.Piriyev adına Məmmədbəyli kənd orta məktəbində oxumuşdur. 1972-1976-cı illərdə Həsən bəy Zərdabi adına Kirovabad Dövlət Pedaqoji institutunda (indiki Gəncə Dövlət Universiteti) dil-ədəbiyyat fakültəsində ali təhsil almışdır. 1976-1993-cü illərdə N.Piriyev adına Məmmədbəyli kənd orta məktəbində ədəbiyyat müəllimi işləmişdir.

30 oktyabr 1993-cü ildə Zəngilan rayonu ermənilər tərəfindən işğal olunduqdan sonra Bakı şəhərində məskunlaşmışdır. 1993-cü ildən hal-hazıra qədər Zəngilan rayonu 20 saylı orta məktəbində müəllim işləyir.

Məktəb Həmkarlar Təşkilatının sədri kimi ictimai vəzifəni daşıyır. Ali kateqoriyalı müəllimdir. "İslahat" qəzetinin redaktor müavini, "Etiraf" qəzetinin redaktoru olmuşdur.

Mütəllim Həsənоv Azərbaycan Jurnalistlər Birliyinin üzvü, "Həsən bəy Zərdabi" mükafatı laureatıdır.

Ailəlidir. Bir oğlu və bir qızı var.

Yaradıcılığı

İlk yazısı 1986-cı ildə "Azərbaycan dili və ədəbiyyat tədrisi" jurnalında nəşr olunmuşdur. Şeirləri və publisistik yazıları mütəmadi оlaraq dövri mətbuatda çap оlunur.

"Dağlar bizi bağışlayar" şeiri ilə ədəbiyyata gələn Həmçinin "Bizim Hacı Həsən" (2007) və "Sоn qismətim" (2008) kitablarının tərtibçilərindən biridir.

"Qərib məzarlar", "Mən səni sevdim ki...", "Ədəbi düşüncələr" kitabları isə öz nəşrini gözləyir.

20-dən artıq kitabın redaktoru, 10-dan çox kitabın ön söz müəllifidir.

Kitabları

• Kefdən gəlməmişəm bu şəhərə mən. Bakı: Nurlan, 2004, 160 səh.
• Ölümü öldürən оğul. Bakı: Nurlan, 2005, 96 səh. (Ayaz İmranoğlu ilə ortaqlı)
• Qərib məzarlar.

Məqalələri

• "Sərraf Şiruyənin təcnis çələngi". Ədalət qəzeti. №65 (3141). 18 aprel 2009-cu il.
• "Durnalar lələk salan yerdə". Bütöv Azərbaycan qəzeti. №25 (64), 30 iyun 2010-cu il.
• "Poetik xatirə abidəsi", "Laçın yurdu" jurnalı, №1 (12), Bakı, "Bəxtiyar-4" nəşriyyatı, 2014. səh.81-83.
• "Heydər Əliyev və Azərbaycan nitq mədəniyyəti". "Laçın yurdu". №3(14) ("Bəxtiyar-4" nəşriyyatı): səh.41–43. 25.09.2014.