Müzəffər Həsənov

Vikipediya, azad ensiklopediya
Jump to navigation Jump to search
Müzəffər Həsənov
Müzəffər Alı oğlu Həsənov
MüzəffərAlıHəsən.jpg
Doğum tarixi 9 may 1935(1935-05-09)
Doğum yeri Azərbaycan Azərbaycan SSR, Goranboy rayonu
Vəfat tarixi 11 sentyabr 1995(1995-09-11)
Vəfat yeri Azərbaycan Azərbaycan, Bakı şəhəri
İxtisası Hüquqşünas
Təhsili
Fəaliyyəti public procurator[d]

Müzəffər Alı oğlu HəsənovAzərbaycan SSR prokurorluq işçisi, prokuror.[1]

Həyatı[redaktə | əsas redaktə]

Müzəffər Alı oğlu Həsənov 9 may 1935-ci ildə Goranboy rayonunda kəndli ailəsində anadan olmuşdur. 1943-cü ildə 2 No-li orta məktəbin 1-ci sinfinə daxil olmuş, 1953-cü ildə əla qiymətlərlə təhsilini başa vurmuşdur.

Yaradıcılığı[redaktə | əsas redaktə]

Müzəffər hələ orta məktəbdə oxuyan zaman hüquqşünas olmaq qərarına gəlir. 1954-cü ildə Azərbaycan Dövlət Universiteti (indiki Bakı Dövlət Universiteti) hüquq fakültəsinə daxil olaraq,1959 cu ildə fərqlənmə diplomu ilə hüquqşünaslıq ixtisasına yiyələnir. Universitet elmi şurasının qərarı ilə işləmək üçün təyinatla Azərbaycan SSR Prokrorluğuna göndərilir. Müzəffər Həsənov ilk əmək fəaliyyətinə 1959-cu ildə Bərdə rayon prokurorluğunda stajor-müstəntiq vəzifəsində başlayır. 1960-cı ildə Masallı rayonu prokurorunun köməkçisi vəzifısinə təyin edilir, 1961-ci ildə isə Əli Bayramlı (Şirvan) şəhər prokurorunun köməkçisi vəzifəsinə göndərilir. Hər uğuruna öz ləyaqəti, alın təri ilə sahib olan gənc Müzəffər işdə özünü yaxşı cəhətdən tanıtdığına görə, 1964-cü ildə- 29 yaşında Azərbaycan Respublikasının ən gənc (29 yaşında olan ilk prokror) prokroru kimi şöhrət qazanır və Gədəbəy rayonu prokroru seçilir.

Salyan rayonunun prokuroru olan zaman (1967)

1967-ci ildə isə, Salyan rayonu prokroru vəzifəsinə təyinat alır. 1978-ci ildə Azərbaycan SSR Prokurorluğunda kadrlar idarəsinin prokuroru, 1979-cu ildə Abşeron rayon prokuroru, 1984-cü ildə Bakı şəhəri Nəsimi rayonu prokuroru təyin olunur. 1989-cu ildə Azərbaycan Respublikası Prokurorluğunda istintaq şöbəsinin prokuroru vəzifəsinı təyin edilir. Prokuror olduğu hər bir rayonda büyük nüfuz kazanmış, böyükdən-kiçiyə hər kəsin hörmət və rəğbətini qazanmışdır.Gənc yaşlarını belə böyük uğurlara imza atan, peşə andını daim uca tutan savadlı və hörmətli hüquqşünas Müzəffər Həsənov Dağlıq Qarabağ və onun ətrafında baş vermiş faciəvi hadisələrə bir ziyalı, vətənpərvər insan kimi etinasız qalmır, bununla bağlı ağır mənəvi sarsıntı keçirirdi.

İclas zamanı

Söhbətlərində Qarabağ tarixinə müraciət edir, milli kimliyi və mənsubiyyəti dərk etməyə çağırır, Qarabağın Azərbaycan tarixində nə qədər mühüm yer tutduğunu göstərirdi. Erməni işğalçılarının məğlub olacağına, torpaqlarımızın işğaldan azad ediləcəyinə inanırdı. Daima bu ümid və həsrətlə yaşayır, böyük tarixi ədalətsizlik və haqsızlığın ağrısını ürəyində daşıyırdı.Müzəffər çox yaxından tanıyan peşəkar hüquqşünas Cahangir Nəsirov onun haqqında deyir:

Müzəffər və dostları.

“Bu insan haqqında söz demək o qədər də asan deyil. Çünki, bütün həyatı boyu özünü həm nümunəvi vətəndaş, həm prokurorluq işçisi, həm də ziyalı kimi tanıtmışdı. Onun xarakterində ümumi insani keyfiyyətlər, yüksək mənəviyyat, hər bir sözünün arxasında gizlənən dəqiqlik, inamlılıq və əqidəlilik, sözübütövlük, xeyirxahlıq kimi insani keyfiyyətlər birləşirdi. Bu da, heç şübhəsiz ki, Müzəffər müəllimin, istər həmkarları, istərsə də dostları arasında böyük nüfuz qazanmasına və hər yerdə hörmətlə qarşılanmasına səbəb olurdu. Birgə işlədiyimiz dövrdə biz tez-tez həmsöhbət olurduq. Əsasən qabaqcıl təcrübə və onun işdə tətbiqi məsələləri haqqında geniş və hərtərəfli söhbətlər edir, fikir mübadiləsi aparırdıq. Onun sakit və təmkinli, məntiqli fikir və mülahizələri adamı heyran edirdi. Onun şəxsində yüksək səviyyəli əmək intizamına malik olan, qanun və qanunvericiliyin tələblərinə ciddi riayət edən, öz peşəsindən, işlərindən xüsusi zövq alan bir insanı kəşf etmişdim". Xüsusilə ağır cinayət işlərinin açılmasında xidmətlərinə, qüsursuz işinə, cinayətkarlığa qarşı aparılan mübarizədə müvəffəqiyyətlərinə görə, Müzəffər Həsənova dəfələrlə təşəkkür elan edilmiş, o, fəxri fərmanla təltif olunmuşdu. 1983-cü ildə SSRİ Baş Prokurorunun əmri ilə prokurorluq orqanlarının fəxri işçisi adına layiq görülmüş və Azərbaycan SSR-nin fəxri prokuroru seçilmişdir.

Prokurorluq iclası.

Müzəffər Həsənova heç vaxt vəzifəsi ilə öyünməzdi. O, sadə adamlarla da, yüksək vəzifələrdə olan şəxslərlə də səmimi ünsiyyət yaratmağı bacarırdı.Qarşı tərəf də onun səmimi və mehribanlığını dərk edərək, buna uyğun səmimiyyət nümayiş etdirirdi. Məhz bu istedad Müzəffər müəllimin nəzarət etidiyi cinayət işlərinin açılmasında öz müsbət nəticəsini verirdi. Haqsızlığa, çətinliyə düçar olmuş insanlar Müzəffər müəllimi axtarmaqla, öz dərdlərini onunla bölüşürdülər. O da, öz növbəsində, böyük ümidlə ona müraciət edənləri xoş sifətlə qarşılamaqla, onların şikayət və müraciətlərini əncamsız buraxmırdı. Bu da bir prokurorluq işçisi kimi, onun nüfuzunu qat-qat artırırdı.Müzəffər Həsənovu tanıyan həmkarları söyləyirlər ki, o, yenicə istintaq orqanlarında işləməyə gələn gənclərə də qayğı göstərər, iş prosesində riayət etməli olduqları prinsipləri başa salardı.

Müzəffərİclas.jpg

İntizam, böyüklərə. Uşaqlara, yaşlılara və xüsusilə qadınlara hörmətlə yanaşmaq, işlədiyi otağı təmiz saxlamaq, səliqəli geyinmək, siqaret çəkməmək kimi əxlaqi keyfiyyətləri onlara aşılamağı özünə borc bilirdi. Respublikamızın ən böyük rayonlarında uzun illər prokuror işlərkən rayon ağsaqqallarının da hörmətini qazanmışdır.Hazırda cinayət törətmiş şəxs haqqında həbs qətimkan tədbiri əsasən üç nəfər- müstəntiq, prokuror və hakim tərəfindən həyata keçirildiyi halda, Müzəffər müəllimin prokuror vəzifəsində işlədiyi zamanlarda, həmin məsələni, ümumi qaydalara görə, o, təkbaşına, özü də çox uğurla həll edirdi.

Tribunada çıkış

Bu məsuliyyətli işə də o, çox ciddi yanaşırdı. Cinayət törətmiş şəxs haqqında həbs qətimkan tədbirini seçərkən, təqsirləndirilən şəxsi bilavasitə dinləyir, onun ailə vəziyyətini, keçmişdə məhkumluğunu, cəmiyyətə və dövlətə nə kimi xeyir verib-verməməsi məsələlərini, himayəsində azyaşlı uşaqların, daimi yaşayış yerinin olub-olmamasını dəqiqliklə yoxlamaqla, belə məsuliyyətli vəzifənin həllini sona çatdırırdı.Müzəffər Həsənov bütün həyatını qanunçuluğa xidmətə, hüquq qaydlarının möhkəmləndirilməsinə, cinayətkarlıqla mübarizəyə həsr etmişdi.Prinsipiallıq, dövlət və xalq mənafeyinin qorunmasında qətiyyətli olması, eləcə də müstəsna dərəcədə əməksevərlik eşqi onu başqalarından fərqləndirirdi.

Müzəffər Həsənov Görüş.jpg

O, təşəbbüskarlığı və təşkilatçılığı özünə metod seçmişdi. Mürəkkəb və çətin cinayət işlərinin istintaqında onun Prokurorluq orqanlarında işlədiyi uzun illər ərzində xidməti vəzifəsini yüksək peşəkarlıqla və vicdanla yerinə yetirir, cinayət işlərinin istintaqını apararkən, müstəntiqə nəinki rəhbərlik edir, eyni zamanda onda köməkçi olurdu. Kifayət qədər əsaslar olmadan, heç kəsin cinayət məsuliyyətinə cəlb olunmasına yol verməməklə yanaşı, ağır cinayət törətmiş şəxslərin cinayət məsuliyyətindən yayınmasının qətiyyətli əleyhdarı idi.Gənc prokurorlar, Bakı Dövlət Universiteti hüquq fakültəsinin tələbələri Müzəffər Həsənovun müsbət təcrübəsindən həmişə faydalanırdılar. Onun yanında təcrübə keçən gənclərin bəziləri hazırda yüksək vəzifələrdə çalışırlar. Azərbaycan SSR Prokurorluğu və eləcə də partiya orqanları Müzəffər Həsənovun dövlət qarşısındakı xidmətlərini yüksək qiymətləndirmişdi. O, SSRİ Baş Prokurorunun əmri ilə general rütbəsinə layiq görülmüşdü. Özünün gözəl, hamı üçün örnək olmağa layiq isani keyfiyyətləri ilə dərin iz qoyub getmiş Müzəffər müəllimin adı və əziz xatirəsi onu tayınların və doğmalarının qəlbində əbədi hörmət və məhəbbət hissilə yaşayır. Gözəl ailə başçısı, hörmətli prokuror 1995-cı ildə ürək tutmasından həyatını itirmişdir və Xırdalan şəhər qəbirstanlığında toprağa tapşırılmışdır. Məhəbbət və hörmət hissi ilə yad edilən insan, Azərbaycan Respublikasının ən gənc prokuroru Müzəffər Alı oğlu Həsənov xatirələr və yaddaşlarda əbədi olaraq qalacaqdır.

Ailə[redaktə | əsas redaktə]

Müzəffər müəllim və həyat yoldaşı.

Müzəffər müəllim 1961-ci ildə ailə qurmuşdu. Gözəl və qayğıkeş ailə başçısı idi. O, həyatı boyu, öz zəngin daxili aləmi və yüksək mənəviyyatı ilə övladlarına- iki qız və iki oğluna- hər kəs üçün müqəddəs və ülvi hiss olan vətən sevgisi, vətənpərvərlik duyğusunu aşılamış, cəmiyyət üçün ləyaqətli vətəndaş yetişdirməyə çalışmışdır. Həyat yoldaşı Şərqiyyə xanım 1939-cu ildə Şamaxı rayonunda anadan olmuşdur, ali savadlıdır. Azərbaycan Dövlət Universitetinin (İndiki Bakı Dövlət Universiteti) filologiya fakültəsini bitirmişdir, müəllimədir.

Müzəffər Həsənov09.jpg

Müzəffər müəllimin büyük uğurlarında imza atmasında, həyat yoldaşı Şərqiyyə xanımında mühim rolu olmuşdur. Əbəs yerə değildir ki, Müzəffər Həsənov ona "Sən mənim uğurumsan" deyə müraciət edərmiş. Hal-hazırda, onun yolunu nəvəsi davam ettirir.

Şərhlər[redaktə | əsas redaktə]

MHIMG 0048.jpg
  • XX əsrdə Azərbaycan SSR prokurorluğunda xüsusi hörməti və yeri olan, istedadlı hüquqşünas, gözəl əxlaqa və nitq mədəniyyətinə malik həmişə çarəsiz insanlara əl tutmaqla onlara dayaq duran, humanist, ədalətli, obyektiv, saf və şirin yumorlu zarafatları ilə hamının diqqətini cəlb edən və ümumiyyətlə yüksək insani keyfiyyətləri ilə yadda qalan Müzəffər Alı oğlu Həsənovun xatirəsi hər zaman qəlblərdə yaşayıb, yaşayır və yaşadılacaqdır.
  • Ən yaxın dostları, yüksək vəzifə sahibləri olan Sabir Hüseynov, Elxan Kərimov, Tofiq Aslanov, Musa Əliyev, Oqtay Qəniev, Lütfi Rəhimov, Hacibala Sadıqov, Ibrahim Qurbanov, Kamil Məmmədov, Fərhad Həsənov ( Müzəffər Həsənovun eyni zamanda qardaşı oğlu) və Surxay Tağızadə daim onun işini qiymətləndirmiş və alqışlamışdır.
  • Baxış Həsənov onun həm ən yaxın dostu, qardaşı və dünyadan tez bir zaman da köçən atasının yerinə ataqlıq etmiş və hər zaman bir-birilərinə dəstək olaraq örnək qardaşlıq nümunəsi olmuşdurlar.
MHIMG 4792.jpg

İstinadlar[redaktə | əsas redaktə]

  1. Elxan Əfəndiyev, “Hüquqi Dövlət Və Qanun” jurnalı, 2010

Mənbə[redaktə | əsas redaktə]

[1]

  1. Elxan Əfəndiyev, “Hüquqi Dövlət Və Qanun” jurnalı, 2010