Məhəmməd Məmmədov (taekvondoçu)

Vikipediya, açıq ensiklopediya
Jump to navigation Jump to search
Taekwondo pictogram.svg Məhəmməd Məmmədov Taekwondo pictogram.svg
Ilham Aliyev met athletes who will represent Azerbaijan in the first European Games (Mahammad Mammadov).jpg
Şəxsi məlumatları
Tam adı Məhəmməd Məmmədov
Vətəndaşlığı Flag of Azerbaijan.svg Azərbaycan
Doğum tarixi 27 iyun 1997 (1997-06-27) (22 yaş)
Boyu 189 sm.
Çəkisi 58 кq.
İdman növü Taekwondo pictogram.svg Taeкvondo

Məhəmməd Məmmədov (d. 27 iyun 1997) — Azərbaycanı təmsil edən taekvondoçu. Məhəmməd Məmmədov, Azərbaycan bayrağı altında 2015-ci ildə I Avropa Oyunlarında 5-ci yeri tutub, 2017-ci ildə isə IV İslam Həmrəyliyi Oyunlarında bürünc medal qazanıb.

Həyatı[redaktə | əsas redaktə]

Məhəmməd Məmmədov 1997-ci il 27 iyunda anadan olub. Orta təhsilini Bakı şəhərində yerləşən 214 nömrəli tam orta məktəbdə alan Məhəmməd Məmmədovun şəxsi məşqçisi Səbuhi Zülfüqarovdur.

Karyerası[redaktə | əsas redaktə]

Məhəmməd Məmmədov birinci ciddi uğurunu 2013-cü ildə qazandı. Həmin il o, Portuqaliyanın Portu şəhərində baş tutan yeniyetmələr arasında Avropa Çempionatının qalibi oldu. Bir il sonra, 2014-cü ildə isə o, Taybey şəhərində baş tutan yeniyetmələr arasında Dünya Çempionatına qatıldı və yarışın qalibi oldu. 2015-ci ildə isə Məhəmməd Məmmədov Bakı şəhərində baş tutan I Avropa Oyunlarında qüvvəsini sınadı.

I Avropa Oyunları[redaktə | əsas redaktə]

58 kiloqram çəki dərəcəsində mübarizə aparan Məhəmməd Məmmədov birinci görüşdə, 1/8 final mərhələsində Yeniyetmələrin II Olimpiya Oyunlarının çempionu, İsrail idmançısı Qili Haymovitz ilə üz-üzə gəldi. Birinci hissəsi 1:3, ikinci hissəsi 1:4, üçüncü hissəsi isə 2:0 hesabı ilə başa çatan görüşdə, Məhəmməd Məmmədov 7:4 hesablı qələbə qazandı və növbəti mərhələyə adladı. Bu mərhələdə o, İspaniya idmançısı, Yeniyetmələrin II Olimpiya Oyunlarının bürünc medalçısı Xesus Tortosa Kabrera ilə qarşılaşdı. Güclü rəqibi ilə görüşdə Məhəmməd Məmmədov 3:8 hesabı ilə uduzdu. Amma, Xesus Tortosa Kabrera finala vəsiqə qazandığı üçün o, təsəlliverici qrupda mübarizə apardı. Birinci görüşdə Məhəmməd Məmmədov Belarus idmançı İlya Kokşintsau ilə üz-üzə gəldi. Həmin görüşdə o, asan qələbə qazandı, 15:3 və bürünc medal uğrunda görüşə vəsiqə qazandı. Həlledici görüş isə gərgin alındı. Belçika idmançısı Si Məhəmməd Ketbi ilə qarşılaşmanın birinci hissəsi, 0:1 hesabı ilə Məhəmməd Məmmədovun xeyrinə başa çatdı. İkinci hissəsi 0:0 hesabı ilə bitən görüşdə, üçüncü hissə daha gərgin alındı. Si Məhəmməd Ketbinin 4:3 hesabı ilə qələbə qazanması, bürünc medalın taleyini qızıl hissəyə apardı. Həlledici hissədə ani səhv buraxan Məhəmməd Məmmədov, rəqibinə məğlub oldu. I Avropa Oyunlarının bürünc medalını əldən verən və 5-ci yeri tutan 17 yaşlı Məhəmməd Məmmədov görüş başa çatdığdan sonra, elə tatamidəcə göz yaşlarını saxlaya bilmədi. Bundan sonra isə, Azərbaycan Prezidenti İlham Əliyev 17 yaşlı gənc idmançı Məhəmməd Məmmədova zəng etdi və ona, ürək-dirək verdi.

Uğurları[redaktə | əsas redaktə]

  • Trelleborg Open (2013) — bürünc medal
  • Yeniyetmələrin Avropa Çempionatı (2013) — qızıl medal
  • Trelleborg Open (2014) — qızıl medal
  • Fujairah Open (2014) — qızıl medal
  • Yeniyetmələrin Dünya Çempionatı (2014) — qızıl medal
  • Cənubi Koreya Open (2014) — gümüş medal
  • Ukrayna Open (2014) — bürünc medal
  • Türkiyə Open (2015) — bürünc medal
  • Prezident Kuboku (2016) — gümüş medal
  • Lüksemburq Open (2016) — qızıl medal
  • Xorvatiya Open (2016) — bürünc medal
  • Almaniya Open (2017) — qızıl medal

Həmçinin bax[redaktə | əsas redaktə]

İstinadlar[redaktə | əsas redaktə]